ڈھول فقیر
ڈھول فقیر (اردو: ڈھول فقیر) (انگریزی: Dhol Faqeer) (ڄَمَّݨ دی تَرِیخ: ١ جنوری ١٩٢١ء – فوت تِھیوݨ دی تَرِیخ: ٢٢ جون ١٩٩٢ء) پاکستان دے سندھ نال تعلّق رکھّݨ آلے مہان٘درے لوک ڳائیک ہَن۔ ڈھول فقیر ٢٢ جون ١٩٩٢ء کُوں فوت تھئے۔[١]
ابتدائی حیاتی[لکھو | ماخذ وچ تبدیلی کرو]
ڈھول فقیر یکم جنوری ١٩٢١ء وِچ پاکستان دے ضلع میر پور خاص دے پٹیون وِچ ڄَمّے ہَن۔ اِنّھاں دے پِیؤ فقیر محمد خاص خیلی ہَن۔ ڈھول فقیر ٻہوں پڑھے لِکّھے کائے ناں ہَن۔
موسیقی دا کَم کار[لکھو | ماخذ وچ تبدیلی کرو]
ڈھول فقیر نے انجو انج ڳائیکاں کُوں انجو انج جائیں اُتّے ڳان٘دے ہوئے سُݨیا اَتے اِیں طرحاں ڳاوݨ دا انداز سِکّھیا۔ بعد وِچ ڈھول فقیر نے اسماعیل مری اَتے منٹھار فقیر راجا تُوں موسیقی دی سِکھلائی گِھدّی۔ ڈھول فقیر کوں اِنّھاں ڳائیکاں وِچ ڳِݨیا وین٘دا ہِے جِنّھاں نے روائتی سندھی شاعری دے امتزاج نال سندھی لوک موسیقی کُوں سدا بہار بݨایا۔ اُوہ ڳاوݨ کُوں عبادت سمجھین٘دے ہَن اَتے ڳاوݨ کِیتے کُجھ وی محنتانہ ناں گِھندے ہَن۔ اُوہ محمد زمان طالب المولیٰ دے شگِرد ہَن جِنّھاں نے ١٩٤٨ء وِچ کراچی دے ریڈیو پاکستان ٹیشن وِچ اِنّھاں دی سُن٘ڄاݨ کرائی اَتے عبدالکریم بلوچ نے ڈھول فقیر دی سُن٘ڄاݨ پاکستان ٹیلی ویژن، کراچی وِچ کرائی۔ ڈھول فقیر دے ڳاݨیاں کُوں بنیادی طور تے ریڈیو پاکستان حیدر آباد، تُوں جاری کِیتا ڳیا ہئی۔ اِنّھاں نے اپݨاں فن پیش کرݨ کِیتے ٻہوں سارے مُلخاں دا دورہ وِی کِیتا ہئی۔[٢]
ایوارڈز[لکھو | ماخذ وچ تبدیلی کرو]
ڈھول فقیر کُوں ٢٣ مارچ ١٩٨٩ء وِچ حکومتِ پاکستان دی طرفُوں تمغائے حسنِ کارکردگی ݙِتّا ڳیا ہئی۔ ڈھول فقیر کُوں تمغائے حسنِ کارکردگی تُوں اَنج کئی علاقائی ایوارڈز وی مِلّے ہَن۔[٣]
وفات[لکھو | ماخذ وچ تبدیلی کرو]
٢٢ جون ١٩٩٢ء کُوں گُردے فارغ تِھیوݨ دی پارُوں ڈھول فقیر فوت تِھی ڳیا۔ اِنّھاں کُوں پاکستان دے سندھ دے ٹنڈو الہ یار وِچ پُور ݙِتّا ڳیا۔
حوالہ جات[لکھو | ماخذ وچ تبدیلی کرو]
- ↑ Book Legends of Modern Sindh, written by Prof: Hassan Bux Noonari, puvlished by: Roshni Publications 2015 Page: 72
- ↑ Book: Encyclopedia Sindhiana Vol: 5, Published by Sindhi Language Authority Page: 440
- ↑ https://web.archive.org/web/20220301175635/http://www.sindhsalamat.com/threads/13381/. Retrieved 4 June 2016