ڈاکٹر غنی عاصمؔ

اصل ناں       عبدالغنی

قلمی ناں       غنی عاصمؔ  

جمن           1952ء 

تعلیم            MBBS(ڈاکٹر)

پیشہ            معالج 

فون نمبر         03346747969

جاہ پتہ          بلاک نمبر 18ڈیرہ غازیخان

ڈاکٹر غنی عاصم دا تعلق ڈیرہ غازیخان نال ہے اوہ یکم مئی 1952ء کوں عبدالحق دے گھر پیدا تھئے، کالج تک تعلیم ڈیرہ غازی خان توں حاصل کیتی تے ول نشتر میڈیکل کالج ملتان توں ایم بی بی ایس دا کورس مکمل کیتا۔جتھوں تک آپ دی شاعری دا تعلق ہے تاں بنیادی طور تے ڈاکٹر صاحب اردو دے شاعر ہن ، تے آپ دیاں 7شعری کتاباں منظرِ عام تے آچکیاں ہن کیوں جو انہاندی مادری زبان سرائیکی ہے ایں واسطے اوہ سرائیکی اچ وی طبع آزمائی کریندن۔نمونہ کلام ملاحظہ تھیوے!

      

           ؎کپڑے سوہنے سنگھار سوہنے ہن

تیڈے نقش و نگار سوہنے ہن             

          نال پھلّیں دے جیویں پھُل ٹھہندن

تیڈے بوچھن دے ہار سوہنے ہن             

          لوک آہدن جو میڈے شعر عاصمؔ

اوندے تھوڈیں دی کار سوہنے ہن             

 

ساڈے گھر اَٹّا نہ دانے

اساں بکھے لوک نمانے

کیویں بدلن سئیت اساڈے

ہُن تئیں لاتھن گِروی گاہنے

عاصم ؔ ڈھولا جیندا رہوے

ساکوں جانے یا نہ جانے