چوک سرور شہید
چوک سرور شہید میانوالی مظفرڳڑھ روڈ تے ہک شہر ہے جینکوں 2021ء وچ مظفرڳڑھ ضلعے دی پنجویں تحصیل دا درجہ ݙتا ڳیا۔ ایں توں پہلاں اے کوٹ ادو تحصیل دا حصہ ہائی۔ اکتوبر 2022ء اچ وزیراعلیٰ پنجاب چوہدری پرویز الٰہی نے جݙݨ کوٹ ادو کوں ضلع بݨایا تاں تحصیل چوک سرور شہید کوں وی ایں نویں ضلعے اچ شامل کیتا جیندا اے شہر صدر مقام اے۔ چوک سرور شہید کوں علاقے دا مہاندرا تجارتی شہر سمجھا ویندے۔ چوک سرور شہید کوں چوک منڈا وی آکھیا ویندے۔ اتھوں دی مقامی زبان سرائیکی اے۔