پیؤ پتری دی یادگیری ءچ

پیو پُتری دی یادگیری ءچ۔۔۔

اے شاندار خیال ملک عبدللہ عرفان ہوراں دا ھا جو مزدوراں تے دےعالمی ݙیہنوار یکم مئی کوں چولستان توں اُٹھ تےٹٻہ بدر شیر توں ݙاند ریڑھےمنگوائے ونڄن تے اُٹھاں دا جلوس پورے شہر ءچ بلخصوص اندرون شہرہک پاسوں بیکانیری دروازے توں لا شکارپوری دروازے تئیں سارے بزار ءچ لنگھایا ونڄے۔یوم مئی تے ایں احتجاج کوں چولستانءچ سینکڑاں وریہاں پُراݨے قبرستان دی غیر قانونی الاٹمنٹ دے خلاف احتجاج نال جوڑیا ڳیا ہا ۔ مرحوم تاج محمد خان لنگاہ ہوراں دی قیادت ءچ پاکستان سرائیکی پارٹی دے ایں وکھرے احتجاج ءچ چولستانی سرائیکی بہاولپوری عوام دے نال نال ݙاند ریڑیھے وی شامل تھیندے ڳئے جینکوں عالمی میڈیا بی بی سی تے رُائٹرز دی خصوصی توجہ حاصل تھئی۔

آج پیو پُتری دے عالمی ݙیہنوار تے ہک مہان ترقی پسند صحافی تے سرائیکی تحریک دے مُہاندرے سئیں اکرم ناصر ہوراں 25 سال پُراݨی ہک شاندار فوٹو سیٹ بھیڄے جیندے ءچ اے ݙوہیں پیو پُتر سرائیکی صوبے کوں تمام مسائل دا آخری حل پئے ݙسیندن۔ یادگیری ءچ سنگت نال سانجھا پیا کریندان۔ شہزاد عرفان.