پروفیسر مظفر ملک بارے کجھ ڳلاں

وکیپیڈیا توں

پروفیسر مظفر ملک واں بھچراں دے نیڑھے" کھچی" دے راوݨ آلے ہن۔انہاں دا پیئو سردار اروڑی خیل دے ناں تھوں مشہور ہائی ،او اپݨے علاقہ دا وݙا زمیندار سمجھا ویندا ہائی تے کافی سیاسی اثرورسوخ رکھیندا ہائی۔او ہک وار ی علاقے دے جاگیردار ملک ممتاز بھچر دے مقابلے اچ یونین کونسل واں بھچراں دا چیئرمین وی منتخب تھیا ہائی۔ مظفر ملک سیاسی طور تے بھٹو دے نظریات تھوں متاثر ہائی تے گورنمنٹ اسلامیہ کالج ریلوے روڈ لاہور اچ سیاسیات دا پروفیسر ہن۔زمانہ طالب علمی اچ او فاروق بندیال نال، مشہور زمانہ" شبنم ݙکیتی کیس" اچ پھس گئے ہن ، ڄس دی تفصیل ایس ایم ظفر دی کتاب" میرے سو مقدمات " اچ پڑھی ونڄ سڳدی ہے تے میں اس تفصیل اچ نہ وڄݨا چاہندا۔

مظفر ملک ماڈل ٹاؤن لاہور "ای بلاک " مارکیٹ اچ ہک سادہ ڄئے فلیٹ اچ راہندے ہن،جس دے تلے انہں دیاں ݙوں دکاناں ہن تے اتے فلیٹ ہائی۔اے دکاناں تے فلیٹ انہاں ماڈل ٹاؤن سوسائٹی کولوں لیز تے گھدا ہائی۔ اتھوں ای او ماہنامہ " ندائے میانوالی" دے ناں تھوں ہک اردو زبان اچ میگزین وی کݙھیندے ہن۔مظفر ملک ٻہوں سادہ زندگی گزریندے ہن۔انہاں دی ساری تنخواہ ندائے میانوالی تے انہاں دی پراݨی مرسڈیز ڳدی تے لگ ویندی ہائی۔میں وی اس میگزین کیتے لکھیندا ہم تے اس دے ایڈیٹوریل بورڈ دا ممبر ہم۔

ہک دفعہ تحریک انصاف دے دفتر واقع گلبرگ ،نصیر آباد اچ جناب طاہر اترا ایڈووکیٹ دے نال تشریف گھن آئے۔میں اوس زمانے اچ تحریک انصاف دا میڈیا کوارڈینیٹر تے پنجاب دا ڈپٹی سیکرٹری اطلاعات ہم،آکھن لگے "ملک صاحب توہاݙی لوڑ پئے ڳئی ہے،اساں تہاݙے کول ماݨ نال آئے ہاں تےاساکوں مایوس نا کرائے۔عرض کیتا تساں اساݙے محسن ہو تہانوں کیویں مایوس کیتا ونڄ سڳدا ہے، تساں حکم کرو۔۔۔۔۔!آکھن لڳے اساں میانوالی سٹیزن فورم دے ناں تھوں ہک فورم بݨایا ہے ڄہڑا لاہور اچ میانوالی دے لوکاں تے انہاں دے سیاسی ،سماجی،ثقافتی تے معاشی حقوق دی ڳل کریندا ہے،تساں اس دا حصہ ٻݨوں تے اس دے ماہانہ اجلاساں اچ باقاعدگی نال شرکت کرو۔میں پچھیا ہور کوݨ ممبر ہن،انہاں تاں ٻہوں سارے ناں ڳݨائے ڄوفلاں وی ممبر ہے تے فلاں وی ممبر ہے بھلا مینوں چند ناں یاد ہن ( ڈاکٹر اجمل نیازی،امیر خان نیازی،ڈاکٹرپروفیسر اشرف خان نیازی،ضیا اللہ خان ںیازی ایڈووکیٹ( سابق سول جج).

حوالے[لکھو | ماخذ وچ تبدیلی کرو]