پارت

اساں کلھیاں پڑھ پڑھ انج رہ گۓ ، جل کہیں دے کول نماز پڑھوں

ہتھ`بدھ بھانویں ہتھ کھول پڑھوں ، اے پھول نہ پھول نماز پڑھوں

ہتھ تسبیح مسجد رقص کروں ، پا گل وچ دول نماز پڑھوں

جتھاں "طارق" دڑکے نہ ھوون ، اوھا مسجد گول نماز پڑھوں

بڈھڑے دے کنیں اے کئو پجدی اے تاں او اپنڑے پتر کوں سڈ تے اکھیندے- ابا بارھوں ونج ڈیکھ کون اے جیرھا ایں نفرت دے دور اچ پیار دی_مٹھی_مٹھی لے وچ ہتھ اچ تسبی پا مسیت اچ رقص کرنڑ ، گل اچ دول پا نماز پڑھنڑ دا آھدا ودے- اتے اینجھی مسیت دا گولاؤ ھے جتھاں دڑکے نہ ھوون- اونکوں اگوں تے بھجا اتے اونکوں آکھ_اتھاں کئ مسیت کائنی جتھاں اے سہولتاں ھوون-

اتھوں ٹردا تھی ایں نہ تھیوے جو کئ جھیڑے کار ملاں تیڈی گالھ سنڑ تے تیں تے کفر دا فتوی' لاوے یا تیکوں کافر جانڑ تے_اتھاں بم ، بارود پھٹاوے، اتے اساں بےگناہ تیڈے نال رگڑیۓ ونجوں- پتر گھروں باہر نکلدے تاں کیا ڈہدے ھک_سدھا سادا دیہاتی بندہ جیندے سر تے_چٹا پٹکا ، پیریں ہتھ دی_سیتی چم دی کنالی جتی ،_چٹا چولا اتے منجھلی بدھی ہوئی اے، اتے جیکوں لوک طارق سئیں ، طارق سئیں دے ناں نال پکریندے پئین- لوکیں کوں کٹھا کیتی انہاں کوں انسان دوستی دا درس ڈیندا اتے مذہبی تنگ نظری اتے فرقہ واریت کنوں روکیندا بیٹھے، او لوکیں کوں آھدا بیٹھے جو سب توں وڈی نیکی ھک ڈوجھے دا احترام ، ھک ڈوجھے دے رسمیں_ریتیں اتے جذبات دا احترام کرنڑ اے، کئ ہتھ چھوڑ تے نماز پڑھدے بھانویں ہتھ بدھ تے، کئ رفع یدین کریندے بھانویں نئیں کریندا- ساکوں اوندا احترام کرنڑا چاہیدۓ، اساں جیلھے ھک ڈوجھے دا احترام کرنڑ شروع کریسوں تاں سارے رولے مک ویسن ول تاں کئ جھیڑا ای نہ راہسی-

بال پیو دے سڈ تے گھر ویندے- اوندا پیو اوں کنوں پچھنڑاں کریندے-

کون ھا ؟ اتے پتر آونڑ اچ اتنا دیر کیوں لا ڈتی ؟

بال اپنڑے پیو کوں ڈسیندے-

ابا ھک بڈھڑا ضعیف بندہ اے میکوں تاں او بندہ کہیں بۓ جہان دی مخلوق لگدے- کئ عجیب و غریب اتے انوکھیاں گالھیں کریندے- جیرھا شیعہ سنی اتے کافر مسلم کنوں اچا تھی تے سوچنڑ اتے احترام_ آدمیت دا درس بیٹھا ڈیندے- جیندے وچاریں توں صاف ظاہر تھیندے جو اصل نیکی خلق ونڈنڑ اتے ھک ڈوجھے کوں محبت ڈیونڑ اے- ایندے نال اساں ایں حیاتی کوں جنت بنڑا سگدوں اتے اگلی زندگی کوں سنوار سگدوں-

بال تھولی چپ دے بعد ول پیو نال الیندے- "ابا ساکوں اے گالھیں اج تئیں کہیں مسیت دے ملاں تاں نئیں ڈسایاں- ابا جتھاں ونجو سارے مسلک ڈوجھے تے کوڑے ھوونڑ دا الزام لیندن اتے خود کوں سچا اکھیندن- ابا سہی گالھ پچھدیں تاں میکوں اوندیں گالھیں وڈی چس ڈتی اے، میکوں تیڈے سڈ تے آنونڑا پۓ نتاں دل نہ آھدا ھا_پچھوں تے ولنڑ کوں" "ابا میکوں تاں او بندہ کئ مصلح لگدے- میں آھداں او کہیں بۓ ملک اچ ھووے ھا تاں اتھوں دے لوگ اینکوں بھگوان بنڑا تے ایندی پوجا کرن ھا- میں تاں آھداں توں بارھوں جل تے اوندیاں گالھیں سنڑ- میں دعوے نال آھداں تیکوں بہوں چس ڈیسن اوندیاں گالھیں" پیو اپنڑے پتر دیں گالھیں وچ دلچسپی گھندیں آھدے "پتر توں آھدا پیا ہانویں ساکوں اینجھیاں گالھیں کہیں مسیت دے ملاں نئیں ڈسیاں تاں سنڑ اے سارے_ڈڈھ دے_پٹکارے_ھن، انہیں گالھیں نال ملاں دی روزی روٹی جڑی ہوئی اے جیکر او اینجھیاں گالھیں ڈسنڑ پۓ ونجن تاں کھاون_کتھوں؟ پتر اصل گالھ ایہا ہے جیرھی توں سنڑ تے ائیں- اٹھی میکوں جلدی اڈاہیں_گھن جل ایں توں پہلے او بھگوان صفت انسان اپنڑاں وعظ مکا تے ونجے پیا-

اجاں کئو امدی پئ اے میڈے خیال ءچ او بندہ حالی مجمع لاتی بیٹھے" بال بڈھڑے پیو کوں ڈانگ کنوں پکڑ تے مجمعے وچ گھن ویندے_جتھاں لوک کٹھے تھی طارق سئیں دے اشلوک بیٹھے سنڑدے ھوندن- بال ھک پاسوں اپنڑے پیو کوں_بلہا ڈیندے اتے او ڈونہیں پیو، پتر طارق سرکار دے بیت سنڑنڑ بہہ ویندن- جئیں ویلھے او اتھاں پجدن تاں طارق سئیں ھک ڈوہڑہ مکا تے اے ڈوہڑہ پڑھدے پۓ ھوندن- اے کون اے کیندی گول اچ ہے ، کیوں رقص کریندے کون ھوسی کڈی تسبیح ہے، کڈی_تلک متھے ، کئ روپ وٹیندے کون ھوسی ھن سنتاں واجب فرض بہوں ، اے ھک_نتویندے کون ھوسی جڈاں "طارق" ویندوں سجدے وچ ، کئ غزل سنڑیندے کون ھوسی.

اے ڈوہڑہ مکا تے طارق سئیں سٹیج چھوڑنڑ پوندن تاں بڈھڑے سمیت کئ لوک انہاں کوں کجھ بیا کلام سنڑاونڑ دا واویلا اتے ارداس کریندن- طارق سئیں انہاں دے اصرار تے ول پڑھنڑ شروع کریندن تاں اوھو آدمی جیرھا لحظہ پہلے طارق سئیں تے صرف صوفی شاعر ھوونڑ دا ٹھپہ لئ بیٹھا ھوندے- طارق سئیں کنوں

سب "طارق" مال آزاد تھۓ تیڈیاں ڈاچیاں ڈانونڑ نال ودئین

ساڈا دل ہے "طارق" جگ وانگوں ایہا گال اے ٹوکرے بدھنڑے ھیں

میں پٹیاں کھول تے انگلیں توں کپ ڈاترئیں دے_ڈکھلاۓ ھم، حال سنڑاۓ ھم.