ٻارھاں تریݨ

ٻارھاں تریݨ

اے کھیݙ وسیب دی پراݨی کھیݙاں وچوں ہک کھیݙ ہے. ایں کھیݙ وچ ݙو کھݙکار کھیݙ سڳدن. اتے ہر کھݙکار کوں ٻارھاں ڳوٹیں دی لوڑھ ہوندی ہے جیویں نئوں تریݨ وچ ناؤں گوٹییں دی لوڑھ ہوندی ہے. ایں کھیݙ وچ وی کھݙکار ڳوٹیاں واسطے بھیݙ یا بکری دیاں پھینگڑیاں، پنڈ دیاں ڳٹکیں، مٹی دے چھوٹے چھوٹے وٹے، یا چھوٹی بجری دے داݨے یا لکڑ دے چھوٹے چھوٹے ٹکڑے ایں طرحاں دیاں چیزاں کوں ڳوٹیاں بݨیندے ہن. ݙوہیں کھݙکار ٻارھاں ٻارھاں ڳوٹیں دا سامان کریندن. ول دھرتی تے یا وت کہیں، ڳتے تے، کاغذ یا وت کہیں پھٹے تے تریݨ لِکیندن. ایں تریݨ وچ ٻارھاں ٻارھاں ڳوٹیاں رکھݨ دی جھا ہوندی ہے تے صرف چال چلݨ دی وی جاہ ہوندی ہے. ہک کھݙکار پہلے چال چلدے. ایں تریݨ وچ ڳوٹی مارݨ سانگے ݙوجھے کھݙکار ڳوٹی دے اتوں گوٹی لنگھ ونجے تے اڳوں ڳوٹی رکھݨ کیتے خانہ وی خالی ہووے ناں تاں ڳوٹی دی چال کائنی ہوندی. ایویں ݙوہیں کھݙکار ہک ہک ٻئے دیاں ڳوٹیاں مریندن ویندے تے جیندیاں ڳوٹیاں پہلے مرونجن او ہر ویندے. یا وت ہک کھݙکار دیاں ڳوٹیاں پھس ونڄن چال ناں بچے او وی ہر ویندے. اتے ناؤں تریݨ وچ وی کھݙکار ہک ٻئے دی چال ٻدھݨ دی کوشت کریندن جیہڑا کھݙکار ݙوجھے کھݙکار دی چال ٻدھ ونجے او وݙا کھݙکار سمجھیا ویندے