وسیب دا ٻال ادب
کہیں وی زبان دے لوک ادب وِچ ٻالیں دے قصّیں دے نال نال نظماں کوں وی خاص اہمیّت حاصل ہون٘دی ہِے، جیویں جو موجودہ دور اِچ اساݙے شاعر تے ادیب ٻال ادب [١] تے کَم تاں کرین٘دے پئے ہِن پر اُوہ ٻہوں تھولا ہِے۔ البتّہ اساں ڳول پھول کروں تاں اساکوں ٻالاں دا لوک ادب ٻہوں مِلدے۔ اِین٘دے وِچ لوک قِصّے، لوک کہاݨیاں، وی ہِن اَتے لوک نظماں وی۔ نمونے دے کُجھ نظماں ݙیکھو:
ماماں جمال خاں
[لکھو | ماخذ وچ تبدیلی کرو]ماماں جمال خان
جی بھݨیجا لال خاں
تیݙی گھوڑی آٹ کھاوے، ٻاٹ کھاوے
سَت کنالاں پاݨی پِیوے
جھنڈی آوے
بندی آوے
توتی آوے؟
نغارہ آوے؟
شرنا آوے؟
ڈَگ ڈَگ آوے؟
طُو، طُو آوے؟
بِلّی تیݙی ماسی
[لکھو | ماخذ وچ تبدیلی کرو]اَسّی ہِک اِکاسی
بِلّی تیݙی ماسی
چوہا تیݙا ناناں
کڈّھ میݙا آناں
آناں تیڈا کھوٹا
پِیؤ تیڈا موٹا
ماء تیڈی پتلی
پئی ودّی چَپلی
چَپلی وِچ سوئی
تیڈی میڈی پھوئی
بادشاہ دے کن وِچ دھاڳا
[لکھو | ماخذ وچ تبدیلی کرو]ہِک ہا بادشاہ، اُوندے کن وِچ ہا دھاگا
تیں چِھکّیا، میں چِھکّیا بݨ ڳیا دروازہ
دروازے وِچُوں نِکلی گوری گانہ
گوری گانہ ماری پھوسی
وِچُوں نِکلیا بامن جوسی
بامن جوسی گھڑے کِلّے
وِچُّوں نِکلے کُکّڑ بِلّے
کُکّڑ بِلّیاں گھتّی لڑائی
وِچُوں نِکلیا نورو نائی
نورو نائی چاتی رچھانی
وِچُّوں نِلی جگّاں مُچانی
جگّاں مُچانی چاتا چَھڄ
سارے ٻال ڳئے بھڄ
دائی ڳئی لَمّے
[لکھو | ماخذ وچ تبدیلی کرو]لالیاں بھن٘والیاں
دائی دے کنّے والیاں
دائی ڳئی لَمّے
گِھدّی آئی ڳَنّے
ڳَنّے وِچ کِیڑا
سپاہی منگیا ٻِیڑا
ٻِیڑے وِچ کَکھ
ساوا ݙوݙا چَکھ
اے اہدے؟
[لکھو | ماخذ وچ تبدیلی کرو]اے اَہدے کھاؤں پکاؤں
اے اہدے کِتّھوں آنوں؟
اے اَہدے اُدھار چاؤں
اے اَہدے لہیسے کون؟
اے اَہدے مَیں جو کھڑاں[٢]
ٻیا ݙیکھو
[لکھو | ماخذ وچ تبدیلی کرو]حوالہ جات
[لکھو | ماخذ وچ تبدیلی کرو]- ↑ از: ظہور دھریجہ، ناں کتاب: سرائیکی وسیب، چھپَّݨ دا ویلا: نومبر 2003ء اتے 2013ء، چھاپہ خانہ: جھوک پرنٹرز ملتان۔
- ↑ از: لائبریری سئیں ڈاکٹر خالد اقبال۔
ٻاہرلے جوڑ
[لکھو | ماخذ وچ تبدیلی کرو]- سئیں ظہور دھریجہ دا تعارف اُردو زبان وِچ۔ ۔ ۔۔ ۔ ۔ ۔ ۔ ۔