نور محمد سائل

1896ء تا 1976ء

سائلؔ ڈیروی مرحوم دا ناں کون نہیں جٖانْدا جَیں ضلع ڈیرہ غازی خان دی دھرتی تے اپنْی شاعری دی جوت جگٖا کے علم و ادب دیاں رہواں روشن کیتیاں ۔احمد خاں طارقؔ ، بسملؔ شاہ تے رمضان طالبؔ جھئیں بے شمار شاگرد پیدا کیتے۔آپ دا نمونہ کلام ملاحظہ کرو!

غزل

ہے چو گٖوٹھ غوغا بہاراں بہاراں

نہ بدلیاں اے ڈٖکھیاں دیاں ڈٖکھیاں ڈٖینہواراں

ضمیریں دی جرأت کوں زنجیر پئے گٖئی

لائے لب تے تالے سنبھل کے لوہاراں

منینداں میں خاموشی ہے جرم لیکن

مِلِن لب کشائی توں قیداں تے داراں

دھواں نہیں نکلدا تاں ہتھ لا کے ڈٖیکھو

تلّے کیری اونویں میں بکھدا انگاراں

توڑے ساز دل دا ہے خاموش سائلؔ

لگٖے جے کئی دھچکا تاں ہَل ویندیاں تاراں

ؔ؎تیڈٖی مرضی مار کے سٹ گھت

جیجھی دُھپ تے جیجھی چھاں تے

دل دلدار دلیر ہے ایجھی

نسی پوندی تک درداں تے

بٖاجھوں در اقدس دے سائل

دید نہ بھالاں کون مکاں تے

٭٭٭