نواں نظام (افسانہ)
دُنیا دا نواں نظام (سرائیکی لوک افسانہ)
[لکھو | ماخذ وچ تبدیلی کرو]آہدِن جو شیر جنگل دا بادشاہ ہے،ہوندا ہوسی کݙاہیں،ہُݨ تاں اوندا حال اِی ساݙے بادشاہیں جیہاں ہے۔ ساݙے بادشاہیں کوں وی ہُݨ باقاعدہ آئینی تحفظ ݙے کے بچیندے پئین۔ شیر وی صرف نیشنل پارکیں اِچ ہتھیکا ہے۔ اونویں شینہ کوں لوک سرکس اِچ سٹول تے چڑھیا ہویا وہ روز ݙہدن۔ رِنگ ماسٹر دے ݙر کنوں تراݙ دا وی ہے،سرکس اِچ ٻیٹحے ہوئے لوک اوندی تراݙ کنوں تھوڑا ٻہوں ݙر وی ویندن۔ ݙردے صرف وݙے ہِن۔ ٻال اَصلوں نہیں ݙردے۔ اُنہیں تاں شینہ کوں چڑیا گھر اِچ ݙٹھا ہویا ہوندے تے اپݨی پہلی دی کتاب اِچ وی وݙیں کوں تاں اپݨی پہلی دا کتاب آلا شینہ یاد نہیں ہوندا۔ اُنہیں کوں اپݨی آخری کتاب آلا بادشاہ یاد ہوندے ایں واسطے او باشاہ کنوں وی ݙردِن۔ ٻال بادشاہ کنوں وی نہیں ݙردے۔ او بادشاہ کوں روز ٹی وی تے ݙہدن،جاپان دے بادشاہ کوں اکبر بادشاہ کوں ڈرا میں اِچ ݙہدن۔ ایں واسطے او بادشاہ کنوں وی نہیں ݙردے۔ التبہ وݙے انہیں کوں بادشاہ تے شینہ کنوں وݙا ݙراوݨ دی کوشش کریندن۔ ٻال نَہر کنوں وی نہیں کیوں جو نَہر دا سوتر ہزاریں سالیں کنوں بندے کنوں ہاری من تے اوندے نال وسݨ شروع کر ڈتے۔ اوالسیش کوں تاں ہر روز ڳلی اِچ اپݨے مالک دے سائیکل دے پِچھو پِچھو دُرکدا ݙہدن۔ ٻچے صرف گیدڑ کنوں ݙردِن۔ جݙاں دا جنگل مُکِن دِلیر تے طاقت ور جانور چڑیا گھر آلُکین۔ ہُݨ رات کوں انسانی وستی دے نال صرف گیدڑ ہوندے جیڑھا ساری رات اپݨے ہووݨ دا سݙمریندا ہووے۔ ٻئی اے ڳالھ جو گیڈر رنگ ماسٹر دی چابک دے ݙر کنوں سٹول تے وی نہیں چڑ ٻہندا۔ گیڈر دی تصویر کتابیں اِچ وی نہیں ہوندی۔ گیڈر ٻہوں سیاݨا ہے۔ او صرف رات کوں ݙریندن۔ ٻال وی سیاݨے ہِن او رات کوں ٻاہر نہیں نکلدے۔
ٻیا ݙیکھو
[لکھو | ماخذ وچ تبدیلی کرو]ٻاہرلے جوڑ
[لکھو | ماخذ وچ تبدیلی کرو]- گُلِ رعنا ادب سوسائٹی دے ٻئے کتاباں ۔ ۔ ۔ ۔ ۔ ۔ ۔