نواز فرید ݙاہر
نواز فرید سانول سرائیکی گلوکار ہے۔
وسیبی شعور رکھنڑ والا شاعر ۔ گلوکار مخلص سیاسی کارکن فریدنواز ڈاہر سئیں جھوک لڈا گئین
انہاں دا تعلق احمد پور شوقیہ کوٹلہ موسی نال ہا
روزگار: کراچی وچ رکشہ چلیندا ہائی
وڈیو[لکھو | ماخذ وچ تبدیلی کرو]
وفات[لکھو | ماخذ وچ تبدیلی کرو]
١٨ مئی ٢٠٢٠ء
او ٹرانسپورٹ نہ ہوونڑ پاروں بائیک تے کراچی ویندے پئے ھن حیدرآباد دے نیڑے ایکسیڈنٹ تھیا انہاں کوں کراچی نیتا گیا پر انہاں دی روح اڈاری مار گئی
اساں ساہ دی سَتھر سُہا ٻیٹھے
ٻہہ اپݨے نال مُکاݨی تھئے
رو قبریں تے
وت سفریں تے
آہ ہ ہ...
وسیب واسیں دا نوحہ خواں، دھرتی داسڄاک پُتر نواز فرید ݙاہر سئیں جھوک لݙا ڳیئن...
اناللہ واناالیہ راجعون
نواز فرید ݙاہر انقلابی شاعر، لوک گلوکار تے عظیم سیاسی ورکر ہَن. جِنہاں آپݨی زندگی سرائیکی کاز کیتے وقف کر ݙتی ہئی، انہاں پردیس [کراچی] اچ روزی دے پٹڑیں پٹݨ دے نال نال انقلابی سرائیکی گیت لکھ تے ول آپݨی خوبصورت آواز اچ انہاں کوں ڳا تے سرائیکی کاز دا مشن آخری ساہ تئیں جاری رکھئیں. وسیب دے ساریں سرائیکی تنظیماں نال اُنہاں دی سانجھ ہمیش سانجھی رہ گئی اے. ماء دھرتی تے دھرتی واسیں دیں ݙکھاں،. درداں تے سولاں کوں لوظاں اچ پرو تے ول آپݨی سوہݨی تے مِٹھی آواز اچ بیان کرتے اساݙا غم ہلکا کریندے زندگی خرچ کر ݙتی اے.
سرائیکی عوامی تریمت تحریک پاکستان ماء دھرتی دے سڄاک پُتر نواز فرید سانول دے اچݨ چیت وچھوڑے تے انہاں دے گھر آلیاں دے ݙکھ اچ برابر دی شریک اے. اڄ ہک واری ول سمورا وسیب صدمے اچ ھِے. اڄ ہک ٻیا سڄاک بچڑا پردیس دے پندھ دی دھوڑ تھی ڳئے...
اللہ مرحوم کوں جنت اچ جاہ تے مُسے ٹٻر کوں صبر ݙیوے آمین
نواز فرید سانول کوں سرائیکی کاز کیتے خدمات تے سرخ سلام
سرائیکی عوامی تریمت تحریک پاکستان
لواحقین:[لکھو | ماخذ وچ تبدیلی کرو]
لواحقین اچ ترائے بالڑیاں . ہک پتر تے ہک بیوہ شامل ہے