نجیب اللہ نازش

صوفی نجیب اللہ نازش سرائیکی شاعر ہے۔

سرائیکی شاعرصوفی فیض محمد دلچسپ دے پتر ہن۔

گیت

دل نال چا دل وٹوایو سے نہ تئیں سوچا نہ میں سوچا

ہک لحظہ دیر نہ لایو سے نہ تئیں سوچا نہ میں سوچا

نہ پیار وسرسے مردیں تئیں ہا خوشیاں وچ اقرار تھیا

ول قسم چا بھج تے چایو سے نہ تئیں سوچا نہ میں سوچا

ہے یاد اچانک مل پوّݨا تیݙے نال تیݙے کجھ اپݨے ھَن

چا نظر ملا مُسکایو سے نہ تئیں سوچا نہ میں سوچا

میݙا وقت نزع تیݙا لنگھ آوݨ کُجھ لوگ حقیقت جاݨ ڳئے

جیویں رو رو وقت نبھایو سے نہ تئیں سوچا نہ میں سوچا

ارمان ہے نازش نکھڑݨ دا ہا سخت نکھیڑا محشر تئیں

نہ چھیکڑ دا مکلایو سے نہ تئیں سوچا نہ میں سوچا

صوفی نجیب اللہ نازش