ناروے وِچ زنانیاں

١٩١٥ء وِچ گِھدّی ڳئی ناروے دی ہِک تِریمت دی تصویر

ناروے وِچ زنانیاں / تِریمتیں (اردو: ناروے میں خواتین) (انگریزی: Women in Norway) اپݨے حقوق اَتے سماج دے ہر شعبہ وِچ اپݨی حِصّے داری ودھاوݨ دے معاملے وِچ ٻہوں محرّک رِیہاں ہِن۔ دیس وِچ زنانیاں نال ہمدردانہ تحریک ٻہوں ترقّی دے مقام تئیں پُڄّی ہِے۔ اِین٘دی وجہ نال اِتّھوں دے ٻہوں سارے قنُون بدلے ون٘ڄ چُکّے ہِن جِنّھاں نال زنانیاں کُوں وݙّا مقام دا حصول ممکن تِھی سڳیا ہِے۔ اِین٘دے تُوں اَن٘ج سماج دے کئی رِیتاں تے رواجاں دی وی اصلاح تِھئی اَتے دیس وِچ زنانیاں کِیتے ہِک مثبت رویّہ قائم تِھیا۔

چنڳّے عہدیاں اُتّے زنانیاں

٢٠١٧ء وِچ ناروے دے ترے سبھ تُوں اہم اَتے تَکڑے عہدیاں وزارتِ عظمیٰ، وزارتِ خزانہ اَتے وزارتِ خارجہ وِچ ترے زنانیاں فائز تھی ڳئیاں ہَن۔ ݙو زنانیاں ایرنا سولبرگ اَتے سیوجنسن پہلاں وی ترتیب وار وزیر اعظم اَتے وزیرِ خزانہ دے اہم عہدیاں اُتّے ہَن جاں جو بعد وِچ ہفتے تِریمت وزیرِ خارجہ دے تقرّر دے بعد اِیہ تِرِیجھا سبھ تُوں اہم عہدہ وی ہِک تِریمت دے کول آ ڳیا ہئی۔ نویں تقرریاں دے بعد ناروے دی کابینہ دے کُل اراکین دی ڳِنتری اُنوِیہہ تِھی ڳئی ہئی اَتے اِنّھاں وِچُوں وزیر اعظم سمیت ٩ تِریمتاں ہن جاں جو بقایا ݙاہ بندے مرد ہَن۔ ناروے دی تاریخ وِچ اِیہ پہلا موقع ہئی جو ہِک تِریمت وزیرِ خارجہ دا تقرّر تِھیا ہئی۔ ناروے دی اَزادی بعد ہِک سو ٻارہ ورھیاں دے دوران تِرِیہہ وزیرِ خارجہ اِیں عُہدے اُتّے رِیہے جیڑھے سبھے دے سبھے مرد ہَن۔ تاہم اِنّھاں تبدیلیاں دے بعد اِیہ روائت مُک ڳئی جو ہِک تِریمت دا اِیں عہدے اُتّے تقرر عمل وِچ آ ڳیا۔ نویں وزیرِ خارجہ اکتالِھی ورھیاں دی مِس "اینے اریکسن سوریدے" دا تعلق حکمران جتّھے (ہورے پارٹی) نال رِیہا ہِے اَتے اُوہ اِین٘دے تُوں پہلاں وزیرِ دفاع سمیت اَݨ ڳِݨت عہدیاں اُتّے کَم کر چُکّے ہِن۔

کھیݙاں وِچ نمایاں مقام

٢٠١٩ء وِچ چین اَتے ہسپانیہ دے نال ناروے وی زنانے فٹ بال ورڈ کپ دے سولہاں جَتّھیاں وِچ شامل رہ چُکّیا ہئی۔ ناروے نے ہِک فیصلہ کُن مقابلے وِچ جنوبی کوریا کُوں ݙو-ہِک نال ہَرایا ہئی۔ اِین٘دے نال پتّہ چلدے جو کھیݙاں وِچ، خاص طور تے فٹ بال دے معاملے وِچ ناروے دے زنانیاں ٻہوں متحرّک رِیہاں ہِن۔

ٻِیا ݙیکھو

• یورپ وِچ زنانیاں
• زنانیاں کُوں با اختیار بݨاوݨ
• ناروے وِچ عِزّت لہاوݨ