نادر مزاری

نادرؔمزاری ہوراں دا اصلی ناں نادر علی ہے۔ آپ1960ء کوں پیدا تھئے۔ ٻہوں محبت کرݨ آلے تے سوہݨے اخلاق دے مالک ہن۔آپ ٻہوں اُچے خیالات تے سوہݨی شاعری کریندن۔ سرائیکی زبان نال ݙاڈھی محبت کریندن۔ شاعری اچ لفظیں دے استعمال دا ہنر آپ با خوبی ڄاݨدن۔سرائیکی شاعریں اچ آپ دا ناں ٻہوں مقبولیت رکھدے۔ ہر کہیں نال خوش اسلوبی نال ملدن۔کچہ چوہان راجن پور اچ آپ دی رہائش گاہ ہے۔

اصل ناں      نادر علی

قلمی ناں      نادر مزاری   

جمن          1960ء   

تعلیم         ۔۔۔۔۔۔

پیشہ          ۔۔۔۔۔۔  

فون نمبر      03006740179

جاہ پتہ      کچہ چوہان تحصیل روجھان مزاری ضلع راجن پور

(1)غزل

   اساڈے منہ تے مونجھاں ہن، نکلدی لب توں آہ اکثر     

زمانے نال نئیں تھیندا تہوں اپناں نبھاہ اکثر    

   محبت دا تقاضاہے اساں ول ول ولا امدوں    

کریندی ہے قتل ساکوں تیڈی ترچھی نگاہ اکثر    

   وڈے لوکیں دے چیتے وچ اگر کئی گال نہ آوے    

ادب نال آکھیا ویندے انہاں کوں باد شاہ اکثر    

   جتھاں ترجیح پئی ملدی ہے سماجیں وچ رواجیں کوں     

اتھاں قسماں وی رسماں ہن ہوندن کوڑے گواہ اکثر    

    اتھاں راہیں اڑانگیاں ہن اتھاں سنگتاں مہانگیاں ہن    

تہوں نادر ؔبدل ویندن کوئی خود غرض راہ اکثر