میݙی کہاݨی

میڈی کہانی ۔۔۔۔عرفی ہک شاعر ہا فارسی زبان دا ،ہوں آکھیا ہا آسمان توں جیرہی بلا وی لہندی اے ،پہلے ایہو پچھدی اے "خانہ عرفی کجا است" میڈے نال عرفی آلا حساب ہے۔۔۔مصیبت لموں آوے یا ابھوں پہلے پچھسی تاج گوپانگ دا گھر کتھاں۔۔۔ملتان وچ میڈا تریجھا اپریشن ایں دفعہ خوشخبری اے ہائ جو پتے اچ پتھری دا انفیکشن تھی گئے کڈھڑاں پوسی۔۔۔۔۔میکوں اپریشن تھیٹر تے نیندر آ گئ بعد وچ اللہ جانڑے ۔۔۔کیا بنڑی جو ڈاکٹریں میکوں ایکسپائر لکھ ڈتا ۔۔آدمی جیندا ہووے یا مردہ گھر جلھیندے ۔۔تمام مسلمانگی ،فریضے ادا کرن دے بعد میکوں چپ دے شہر ڈو نیون پے ۔۔۔میں سوچاں پیا جو میڈا سوجھل دوست خوامخواہ میڈی کہانی لکھنڑں کنوں گریزاں تھے حالانکہ بہوں مختضر ہائ میڈی کہانی ۔۔۔ہیندے وچ روانی غضب دی ہائ ۔۔میڈی روح کوں جسم دا لباس بخشیا گیا تاں میڈی معصوم زندگی کوں مترائے رشتے دان کیتے ۔۔۔۔۔گھر اچ بہوں حس تھئ تاں پیریں اچ پھرکی لا تے نگری نگری پھرا مسافر گھر کا رستہ بھول گیا۔۔میں آوارگی کئ چھائوں تلے میں پورا پاکستان پھرا۔۔ہندوستان گیا۔۔سیاست کے ذہین فطین انسان سے ملا حیدر منجن ،پل چناب ،قیامت کا ادھار کی طرز پر میں نے گلی گلی نگر نگر پمفلٹ تقسیم کیتے اے کجل مساگ دیاں ہوکاں ہن میں جوگی ہم ۔۔۔زمین دی کنڈ تے میڈا گھر نہ ہا ۔۔میڈی خوش بختی ہے میڈے خیال تے خوابیں دے اندر میں چاند نگر دا واسی ہم ۔۔میں ساری زندگی اپنڑیں ٹوری پیر فرید دے رتھ وانگوں ۔۔ہولے ہولے،،،،،،میکوں چس آ گئ جنم دے وچ میں انڈیں پا ہنڈھایا ۔۔۔دھرتی واس دے ہر سوجھل ساتھی نال گانڈھا رکھیا۔۔۔"جتھاں پیت پرم دی ڈھولک وجی میں رے کانڈھی ٹر پئ" ونج در سائیاں دے نچی" میں دھرتی واس مدامیں دا ۔۔جو کجھ دھرتی میکون دان کیتا ۔۔میں واپس دھرتی دے ملخ کیتا ،ہخ خس نیئں رکھیا کھیسے وچ ۔۔سارے چشتی آکھ تے گن جمع نہ کر تمع نہ کر منع نہ کر،،میڈی زندگی دے کچکول دے وچ جیرہی دھرتی لیکھے لگ گئ اے۔۔سو (100) قصے ہن ،لکھ امر کہانیاں ہن ۔۔میڈی ذاتی زندگی ہک سطری ہے ۔۔۔ کھایا پیا کچھ نہیں ضرف گلاس توڑا 2 روپے اے انت کہانی نہ مکسی میں زوریں ریت مکیندا پیاں ۔۔کاندھی واپس گھر ول اے میں کلہے کمرے دے وچ رہے گیاں۔۔میڈا ڈر مک گیا ۔۔میں افسوس کیتا جیویں کمرہ روشن ہے اج کاغذ قلم وی نال ہوندا۔۔کجھ لکھوں ہا کجھ سوچوں ہا ۔۔دنیا تے فرصت نئیں ملی ۔۔ہن حمد لکھوں ہا مالک دی ۔۔کمرے دا دروازہ کھلیا ۔۔2 شخص فرشتیں دی بھاند ڈیون ،میں ڈو پچھدے ہن ڈومیسائل میڈا میں آکھیا رب رسول ص دا پچھو کجھ دین دھرم دی گال کرو ،ہنیں آکھیا جے راجن پور دا وسدا ہیں ہک پیکج ہے تیڈی ذات کیتے ،میں آکھیے ڈومیسائل تاں ہے کائنا اوویں قسم اے میکوں اکھیاں دی میں جم پل ہاں راجن پور دے ضلعے دا،ہک فرشتے دا الاپ تھیا ۔۔خوشخبری ہے تیڈی ذات کیتے ۔۔جئیں دریشک راج دے وچ رین گزاری زندگی دی ۔۔رب رحمن اعلان کیتے جو ہوندی خاطر بالکل معافی اے ہونکوں اوہا سختی کافی اے ۔۔۔۔اللہ کافی اے اللہ شافی اے ۔۔۔اتنے تائیں مئ نرس میڈا مونڈھا آن ہلایا ۔۔بابا اٹھو دوا دا ٹائم تھی گئے ۔۔میں نندروں جاگیم ،ڈٹھم وچ ہسپتال دے 6 نمبر بیڈ تے ہاں میں خوش تھی گیوم جو رب سوہنڑیں دا ڈتا پیکج وی اکھیں تے پر حیاتی ڈھیر غنیمت اے ۔۔۔(تاج محمد گوپانگ)