مٹی دیاں قِسماں
مٹی دی پہچاݨ کیتے، ڄٹ حضرات کُجھ ناں ورتیندے ہِن، جیندے توں سُنڄاݨ تھیندی ہے جو کیہرا فصل ڳݙا ونڄ سڳدے- عام طور تے زمی دار ایہ تلے ݙتے ڳے ناں ورتیندے ہِن، جیندے توں زمی دی ساخت یا ویتر پتا لڳدی ہے- اے ناں یکے سرائیکی وسیب وچ گھدے ویندن-
بھؤہر یا میْرا: ہِکسی یا ہموار زِمی، جیہری بارانی ہوندی اے، اون٘کوں بھؤہر یا میْرا آکھا ویندے- اینجھی زمی تے مٹی دی پتلی جئیں تہہ ہوندی اے-
مَل: مٹی دی تہہ، جیندے وچ ریت رَلّی ہوئی ہووے-
اَٹ: پُراݨی زمی تے ڄمݨ آلی، مٹی تے ریت دی تہہ-
دَڑ: اینجھی مٹی، جیندے وچ ریت رَلّی ہووے، اتے اوں زمی جیندے تے مٹی دی ٹُھلی تہہ ڄمی ہوندی ہے -
تَلّا: جِّھکی زمی، جتھاں ساوِل ڈھیر ہووے-
کَچّھی: دریا تے کنارے آلی زمی کوں کَچّھی آکھا ویندے-
بیْلا: اینجھی زمی جیہرھی دریا وچ ٻݙی راہندی اے-
کچھا: کچھا بیْلے دا ای ٻیا ناں ہے-
سِلاب: ٻݙی ہوئی زمی کوں سیلابہ، سِلاب تے بیلا سݙیندے ہِن-
تریْڑ: مِٹی دے وچ دراڑ، لکیر یا تِڑک کوں تریْڑ آہدے ہِن-
لیک (لی ک): مِٹی وچ دراڑ یا تِڑک کوں لیک آکھا ویندے-
دلیک (دلی ک): مِٹی وچ دراڑ یا تِڑک دا ٻیا ناں، دلیک ہے-
نیآئی (نی آئی): اینجھی زمی، جیندے تے کھاد یا فُضلا سٹا ویندے- (بار دی زمی)، جھکی زمی-
پَواہ: گِراں دے نیڑے آلی زمی-
ریْتڑ: ریت آلی مِٹی-
ریْتڑی: ریتلی مِٹی-
رپَّڑ: چیہڑھی تے پیڈھی چِکݨی مٹی، جیہری ٻنڄر ہوندی ہے-
کورو: ریت دے اُتے تھوڑی جئیں زرخیز مِٹی دی تہہ-
نلی: لَمّی، کھوکھلی تے تنڳ-
چُورا: نِکّا تے خالی-
ووہل: جِھکی زمی-
کرہولا: اُچا کنارہ-
ریْت: ریتلی جاہ-
رتّی: زرخیز چِکݨی مٹی، جیندے وچ ریت شامل تھی ونڄے، اس دا ناں رتّے رنڳ دی وجہ کول رتّی آہدن-
رتولی: معمولی ریت آلی زمی کوں رتولی آہدے ہن-
شور، کلر یا کلری: جیہرھی زمی دے وچ نمکیات دی مقدار ودھ ونڄے، او شور، کلر یا کلری تھی ویندی ہے-
ساحل: دریا دے پُراݨے راہ کُوں ساحل آہدے ہِن-
ریْڑھ: پاݨی نال جیہرھی ریت لُڑھ کے آوے، او ریْڑھ ہوندی ہے-
کَکّی ریْت: پیلی ریْت-
رَڑی: سخت پیڈھی، زمی، بارش توں بعد جیندے وچ دراڑاں آ ویندن-
لاگھا: تھل دی زرخیز زمی-
پَٹڑی: ݙُو ٹِبّاں دی وچالی جاہ، جیہری پیڈھی ہوندی ہے-
پَٹّی: پَٹڑی کوں پَٹّی وی آہدے ہِن-
روہی: پیڈھی،کُراڑی تے جِھکی زمی کوں روہی آکھا ویندے-
چُھرا: چاڑی وادی کوں چُھرا سݙیندن-
چول: سَوڑی یا تنڳ وادی کوں چول آہدن-
کوتلی: پاݨی دی تنڳ ڳزرڳاہ کوں کوتلی آہدے ہن-
بھسری: چکݨی یا ریتلی مٹی، بھسری ہوندی ہے-
چاہی/ آبی: جیہری زمی کوں کُھوہ تے جھلاراں دا پاݨی لڳدے او آبی یا چاہی ہوندی اے-
نہری: نہر دا پاݨی گھنݨ آلی زمی نہری تھیندی اے-