موبائیل فون تے اساں
موبائیل فون تے اساں
اڄکل دے سائنسی دور اچ جتھاں انسان چن تے پڄ ڳئے اتھاں انساں وڳاڑ دی انتہا کوں وی کراس کر ڳئے اپݨے رسم و رواج ثقافت اپݨی تہذیب کوں بھل ڳئے موجودہ دور اچ موبائیل دی اہمیت توں انکار ممکن نئیں موبائل ڈھیر ساریاں آسانیاں پیدا کیتین فاصلے دور کیتن انسان گھر ٻیٹھے ڈھیر سارے کم بطور روز گار کریندا ٻیٹھے نت نویاں نویاں ایجاداں ایجاد کرکے آسانیاں پیدا کریںندا ٻیٹھے اے حقیقث ہے معاشرے تے موبائیل تے اثرات حاوی ہن مگر ایندے نال نال موبائیل معاشرے تے وڳاڑ دا سبب وی بݨے موبائیل ساݙے کولھوں پیار خلوص احساس محبت جھائیں قیمتی دولت وی کھس گھدی ہے موبائیل فائدے توں زیادہ معاشرے کوں نقصان ݙے ڳئے خاص کر نویں نسل منفی رجحان اچ لڳی ڳئی ہے میݙی تحریر تے کجھ دوست آکھسن موبائیل چنڳی شئے ہے ایکوں استعمال تاں انسان کریندے اے انسان تے ہے جو ایکوں صحیح استعمال کرے میݙے خیال اچ انسان نال شیطان ہوندے موبائیل دی آسانی نال انسان برائی دو زیادہ ویندے ساݙی نوجوان نسل موبائیل کوں زیادہ تر غلط استعمال کریںدن جیندے کولھ ٹچ موبائیل ہے اوندی میموری ݙیکھو تاں زیادہ تر غلط تے فحش ویڈیو ہوسن تساں آپ محسوس کیتا ہوسی جتھاں ݙو چار دوست ٻیٹھن او اپݨا اپݨا موبائیل چلائی ٻیٹھن ہک ٻئے دے حال دا کوئی پتہ کائنی جوان بھل چک کے گھر آوے تاں ماء پیو نال ٻہہ کے الاوݨ گوارہ نئیں کريندا ٻس موبائیل اچ مصروف ہوندے پیو ماء کوں اے پتہ کائنی یا ڄاݨ ٻجھ کے ٹال مٹول ہے جو ایں میݙے پتر موبائیل کتھوں گھدے ایندا لوڈ کتھوں گھندے اپݨا خرچہ کتھوں پورا کریندے میݙی نظر اچ تاں چوری یا وادھا گھاٹا کوئی اکثر نوجوان ساری رات موبائیل استعمال کریںدن فجر 10 وڄے اٹھدن نماز وی قضاء تھی ویندی ہے ساری رات ذہن اچ غلط خیال آندن اکثر نوجوان مثانے دے امراض دا شکار ہن شادی دے بعد اپݨی بیوی دی خواہش دا احترام پورا کرݨ توں قاصر ہن ٹک ٹاک ݙیکھو کتنی بےحیائی ہے فیس بک تے 90 فیصد کوڑ ہوندے کیا ساکوں اسلام ایہو سبق ݙیندے ایہ موبائیل دی وجہ توں کتنیاں ٻچیاں گھروں بھڄین کتنے پیو ماء دے کیتے 15 کال سر دی سٹ بݨی ہے اڄکل شادی غمی تیمارداری موبائیل تے اٹنڈ تھیندی ہے انسانی صحت تے موبائیل نے اپݨا اثر چھوڑے انسان سست کم چور نظر دی کمی دا شکار تھئے لوط آلا کم زناء اچ بےپناہ اضافہ تھئے موبائیل آسانی پیدا کیتی ہے وݙے چھوٹے دا احترام لڳا ڳئے خاص کر 11سال توں 20۔ 22 سال دے نوجوان ایندا شکار تھئین جہڑھے نوجوان ساݙا سرمایہ ہن اے موبائیل دا کردار ہے جو پاکستان سیکسی فلماں ݙیکھݨ آلا ملک ہے اے تحریر لکھݨ دا مقصد موبائیل دی اہمیت توں انکار نئیں مگر معاشرے دی سوچ دا نوحہ ہے پیو ماء کوں سوچݨاں چاہیدے اپݨی اولاد دی تربیت اسلامی اصولاں دے مطابق کرن انہاں دیاں سرگرمیاں تے نظر رکھن تعلیم مستقل روزگار تے توجہ ݙیون ٻالیں کوں اگر ضروری ہے تاں سادہ موبائیل گھن کے ݙیون حکومت کوں چاہیدے کہ فحاش چیزاں تے پابندی لاون سکول کالج دے استاد لیکچر ݙیون اگر اساں نوجواناں دے ذہن دی نشونما کر گھدی تاں اساں ہک عظیم قوم بݨ سڳدے ہیں ساݙا ملک وی ترقی کر سڳدے ساݙا اڳلا جہان وی سنور سڳدے ولا ݙسینداں ڄلاں میݙی تحریر دا مقصد موبائیل فون دی مخالفت نئیں میݙا مقصد کہیں تے تنقید نئیں صرف معاشرے دے نوجواناں نال ہمدری ہے میکوں اپݨے نوجواناں نال محبت ہے امید ہے تساں میݙی تحریر تے سچیسو اگر ہک نوجوان سدھر ڳیا تاں میݙا مقصد پورا تھی ویسی اجازت ݙیسو """
اللہ دی امان """"
رمضان عاطف بھکر
11/06/2022