منظور سخیرانی

P21 العشير ويكي بيانات منظور سخیرانی (اردو: منظور سخیرانی) (انگریزی: Manzoor Sakhirani) (ڄَمَّݨ دی تَرِیخ: ١٤ اپریل ١٩٥٩ء) پاکستان دے صوبہ سندھ نال تعلّق رکّھݨ آلے سندھی، اردو اَتے سرائیکی ٻولیاں دے مہان٘درے لوک ڳائیک ہِن۔

ابتدائی حیاتی

منظور سخیرانی بہار الدین سخیرانی دے گھر وِچ ١٤ اپریل ١٩٥٩ء کُوں ضلع دادو دے شہر وِچ ڄَمّے ہَن۔ اِنّھاں دے پِیؤ محکمہ ریونیو وِچ ملازمت کرین٘دے ہَن۔ منظور سخیرانی نے پرائمری تُوں میٹرک تئیں تعلیم دادو شہر وِچ حاصل کِیتی۔ منظور سخیرانی تعلیم جاری نہ رکھ سڳے۔

کَم کار آلی حیاتی

منظور سخیرانی کُوں ڳاوݨ دا شون٘ق نِکّے لاء تُوں ای ہئی۔ اِنّھاں نے کلاسیکی راڳ اَتے کلاسیکی موسیقی / لوک موسیقی دی سِکھلائی اُستاد قدرت اللہ تُوں حاصل کِیتی۔ اِنّھاں دی پہلی آدیو کیسٹ ١٩٨٣ء وِچ جاری تھئی۔ منظور کُوں ریڈیو پاکستان دے کراچی ٹیشن تُوں پروڈیوسر نثار میمن نے اَتے پی ٹی وی کراچی سینٹر تُوں پروڈیوسر اعجاز علیم عقیلی نے سُن٘ڄاݨ کروایا۔ اِنّھاں نے سندھ دے کلاسیکل اَتے جدید شُعراء دا کلام ٻہوں مہان٘در نال ڳایا ہِے۔ جِنّھاں وِچ شاہ عبد اللطیف بھٹائی، اُستاد بخاری، شیخ ایاز، عبدالغفار تبسم اَتے ٻئے وݙّے شُعراء شامل ہِن۔ منظور سخیرانی نے سندھی ٻولی، اردو اَتے سرائیکی ٻولیاں وِچ کلام ڳایا ہِے۔ اِنّھاں نے سندھ اَتے پاکستان تُوں انج دبئی، شارجہ، بھارت اَتے سعودی عرب وِچ اپݨے فن دا مظاہرہ کِیتا ہِے۔ ٢٠١٢ء وِچ منظور سخیرانی کُوں اڳوا کر گِھدّا ڳیا ہئی۔ منظور سخیرانی محکمہ ثقافت سندھ دی طرفُوں منعقد تِھیوݨ آلی شاہ لطیف ادبی کانفرنس، لعل شہباز قلندر کانفرنس اَتے سچّل ادبی کانفرنس وِچ وی ڳان٘دے رِیہے ہِن۔