ملک مشتاق دیاں تحریراں
لکھت ملک مشتاق بزدار قبیلہ سرائیکی وسیب دے نال نال سندھ تےبلوچستان دا وسیندڑاے سندھ ءچ سندھی بلوچستان ءچ بلوچ تے وسیب ءچ وی وڈی تعداد اپنڑاتعارف بلوچ دے کرویندے چاہے بلوچی زبان آوے بھانویں نہ آوے لیکن بزداریں دے خویش قبیلے ءچ کجھ لوک ایہوجہے وی ھن جیہڑے سرائیکی دھرتی تےاوندی بولی کوں اپنڑی سکی ماءوانگوں سمجھدن اونہیں لوکیں ءچ ھک معتبرناں سئیں عاشق خاں بزدار دا اے جئیں سرائیکی زبان ثقافت تے دھرتی دے ناصرف زخماں کوں محسوس کیتے بلکہ اوندے پھٹاں تے مرھم رکھنڑ سانگھے اپنڑی سنگت صوفی تاج گوپانگ استادنذیرفیض مگی اختر خاں گوپانگ منورخاں بذدار دے رلے اج توں تقریبن 38سال پہلے سرائیکی قوم کوں سجاک تےشعور ڈیونڑ سانگھے ہک فوک میلے تے سرائیکی مشاعرے دامنڈھ بدھاہا جیندی اج جگ جہان ءچ بھل بھل اے ھنڑ اے صرف شغل میلہ نئیں بلکہ سرآئیکی شعور دا وزڈم ہاؤس اے جتھاں پوری دنیا توں لوک فیض یاب تھیونڑ آمدن مھرے الا او وسوں اے جتھاں باں بنڑو ڈیندا بال وی سرائیکی شعور ونڈیندے عاشق خاں دا اے میلہ ہک تربیت گاہ بلکہ یونیورسٹی دا روپ دھارگئے جے تساں عاشق خاں دی جوانی ڈیکھنڑی اے تاں ول میلے تے آ کے قسور خاں بذدار کوں سٹیج تے الیندا ڈیکھو جے صوفی تاج گوپانگ دا نواں نکور تے دانشورانہ روپ ڈیکھنڑ چاھندو ول سبطین یاسرگوپانگ کوں سٹیج سیکرٹری بنڑ تےگال کریندا سنڑو نویل چھوریں کوں غلام فریدکنیرے نال جھمر دا پڑ لیندا ڈیکھو 16سال کنوں سوسال دے سرائیکی شاعریں دی شاعری سنڑڈیکھو ملک مشتاق دے سرائیکی وکیپیڈیا پیغام کوں سنڑ ڈیکھو اینکوں وڈی فکر اے کہ سرائیکی زبان گلوبل/UNOلئنگوئج بنڑونجے اے خطبہء حج داترجمہ عمرہ یواےای ایران عراق تےشام ءچ گائیڈلائن لئیگوئج بنڑواونڑ کیوں ایندا مشن اے ناٹک اینجھا کہ حقیقت دا گمان تھیوے امریکہ کینیڈا برطانیہ دوبئی تے سعودیہ سمیت جگ جہان توں سرائیکی لورز مھرے والے آ تے اپنڑے ڈکھڑے بھل ویندن سرائیکی گلوگاریں کوں اتھاں جیہڑا سنڑدے ول او پورا سال ڈاکدار دا مونہہ نئیں ڈیھدا جے تساں وی سوھنڑی سوچ دے سوھنڑے سرائیکی لوکیں کوں ملنڑ چاھندو اونہیں دی شاندار تےآؤٹ کلاس پرفارمنس ڈیکھنڑ چاھندو کتابیں دے سٹال توں کتاباں ڈیکھنڑ یا گھنڑ چاھندو تےاپنڑی روح کوں خش کرنڑ چاھندو تاں ول ایں چھنڑ چھنڑ تے آڈت 18,19نومبررات 8وجے عاشق خاں دا جگ مشہور سرائیکی میلہ شروع تھیندا پئے جیندے وچ سرائیکی زبان ثقافت سیاست ادب سمیت ھر رنگ اپنڑے سوھنڑے روپ تےجوبن ءچ ہوسے ویڈیو ءچ او چس نہ آؤسے جیہڑی موقع تے ہوسے باقی اگوں تہاڈی مرضی باقی گالھیں فیس ٹوفیس میلے تےکریسوں سنگت کوں نال رلائی آواوے بندہ سنگت نال سوھنڑالگدے Thall Damaan
ڈوجھی تحریر
اُستاد نذیر فیض مڳی سرکار دے نظریاتی وراثیں دے نان٘ویں
لکھت: ملک مشتاق احمد
(مرکزی رہنما سرائیکی وکی پیڈیا)
بخدمت جناب قائدین سرائیکی تحریک صاحبان!
السلام علیکم!
کراچی وچ سرائیکی جماعتیں دے متحدہ محاذ دی طرفوں کراچی پریس کلب وچ وݙی تعداد وچ مظاہرہ خوش آئند ہے لیکن اگر ایہ مظاہرہ سرائیکی پولیٹکل پاور آلی کار آرگنائز کیتا ویندا تاں ایں توں وی چنگا ہوندا۔ اتنے وݙے سرائیکی کراؤڈ تے کٹھ دے کراچی دیاں قوم پرست تنظیماں کوں شاندار خراج تحیسن تے نو لکھ مبارکاں
Well done, Keep it up
سرائیکی قومی شعوری تحریک دی کامیابی سانگھے چند تجاویز پیش خدمت ہن۔
١۔ PDM دی سولھاں مہینیاں دی حکومتی کارکردگی تے نگران وفاقی تے پنجاب کابینہ وچ سرائیکی ریجن دی نمائندگی تے اقدامات سرائیکی جماعتیں دیاں اکھیں کھولݨ کیتے کافی ہن۔ پی پی پی کوں وی سرائیکی غمخواری دا دورہ PDM دی حکومت دے خاتمے دا بعد پئے۔
پی پی پی دے یک طرفہ عشق وچ گرفتار سرائیکی قوم پرستاں کوں سرائیکی پولیٹکل پاور یا پی پی پی وچوں ہک دا انتخاب کرݨاں پوسی، اڳوں جیویں سئیں دی مرضی۔
٢۔ اڳلا سال الیکشن دا ہے۔ الیکشن خود لڑو یا کہیں جماعت دی حمایت کرو۔ ووٹ فار سرائیکستان الیکشن دا نعرہ / منشور کوں ہر گھر ڳلی بازار ہوٹل تے چوک تے موضوع بحث بݨاوݨ کیتے گراس روٹ لیول تے کم کرݨ دی اشد ضرورت ہے۔ خاص طور تے لیڈیز تے یوتھ کوں ایں بارے موٹیویشن ݙیوو۔
٣۔ سندھ وچ سرائیکی اختیاری فار میٹرک + بلوچستان وچ سرائیکی لازمی بکس فار پرائمری کلاسز+ پنجاب وچ پرائمری کنوں گھن تے ایف اے تک سرائیکی بکس دی اشاعت تے سرائیکی ٹیچرز دی بھرتی.
گھر ٻیٹھے کتاباں کائناں چھپسن ، ایں سانگھے سرائیکی علم دوستیں کوں بھا تے ٹرݨاں پوسی۔
٤۔ تربت بلوچستان وچ چھی سرائیکی مزدوراں دے قتل عام تے ریاستی اداریاں دی مجرمانہ خاموشی تے سانحہ جڑانوالہ تے ریاست دے ردعمل کوں ݙیکھ تے سرائیکی قوم وی بنگالیاں آلی کار سوچݨ تے مجبور ہے۔
کیا سرائیکی قوم دی رَت پاݨی کنوں وی زیادہ سستی ہے۔ ہر سرائیکی نال ایہو کجھ تھی سڳدے، اڳوں جیویں تہاݙی مرضی۔ ٻولو تے بھان٘ویں گنگے بݨے راہوو۔(میڈیا کوریج لازمی)
٥۔ ریونیو تے خزانے دے بغیر سب سیکرٹریٹ دا کوئی فائدہ کائنی جھنگ میان٘والی خوشاب تے بکھر کوں ملتان سول سیکرٹریٹ تے ملتان ہائی کورٹ وچ شامل کراوݨ سانگھے نمائندہ تنظیماں آپݨاں عملی کردار ادا کرن۔
٦۔ قرآن مجید دا سرائیکی ترجمہ تعلیمی اداریاں تے دفاتر وچ سرائیکی وکی پیڈیا سیل دا قیام+ دیوان فرید ریسرچ سنٹرز+ تمام بی ایس فور وچ سرائیکی شامل + پنجاب وچ پرائمری تا ایف اے وچ سرائیکی لازمی بمعہ سرائیکی ٹیچرز دی بھرتی۔
٧۔ پی ٹی وی ملتان دی اپ گریڈیشن تے پی ٹی وی نیشنل ملتان دے باقاعدہ افتتاح دی بجائے پی ٹی وی ملتان وچ سٹاف بھرتی سانگھے مقامی سرائیکیاں دی بجائے لہوری پنجاٻیاں کوں بھرتی کیتا ویندا پے، سویپر، چپڑاسی، نائب قاصد، سٹوڈیو ہینڈ، کلیریکل، ٹیکنکل اینڈ ناں ٹیکنیکل سٹاف دی بھرتی دا میرٹ لہور تے گوجرانوالا دا ڈومی سائل ہے ، ظلم دی ایں انتہا تے سرائیکی وسیب دے مہاجر تے پنجابی وی چُپ ہن، ارمان تاں لڳدے،
٨۔ ضلع ننکانہ وچ سیف سٹی پراجیکٹ سمیت تمام جدید سہولیات تے بابا گرونانگ دے زائرین کیتے وی آئی پی پروٹوکول تے ریاستی مہمانداری تے خواجہ فرید پاک سرکار دے دربار تے عُرس تے چھڑے غلابی تُرکا۔
دیوان فرید دی سرکاری سطح تے چھپائی+ کافیاں فرید دے ہر مہینے مقابلے تے انعامات+ ، خواجہ فرید کلچرل میوزیم،+ خواجہ فرید تصوف یونیورسٹی دا قیام تے نصاب وچ دیوان فرید ہک خواب بݨ ڳئے، ریوینو خواجہ فرید سئیں دا لڳدا تخت لہور تے کھڑے، آخر کیوں؟
٩۔ خواجہ فرید پاک سرکار جمل جہان کیتے مسیحاء انسانیت تے سرائیکی قوم دا شناختی کارڈ تے اساݙے کیتے گھر دا پیر چلھ دا وٹا، نہ نصاب وچ کلام فرید، نہ تعلیم اداریاں وچ دیوان فرید ریسرچ سنٹرز دا قیام، نہ خواجہ فرید کلچرل میوزیم تے تصوف یونی ورسٹی دا قیام۔ نہ کہیں شہر وچ خواجہ فرید دیاں یاد گاراں نہ اوندے مجسمے، دربار فرید وچ دراڑاں۔۔ تھل دیاں کُوکاں تے روہی دیاں آپݨی نیلامی تے دھاڑاں۔۔۔
پر اساکوں کیا؟ اساں کیوں الاؤں؟ اساکوں تاں ڈھڈھ تے مفاد نال غرض ہے، ایہو جیہے چُپ دے جیوݨ کنوں ٻولݨ آلی موت چنگی۔
١٠۔ سرائیکی وکی پیڈیا دی ارداس سرائیکی قوم دے نان٘ویں۔ جے تساں سرائیکی قوم تے زبان دی بقا چاہندو، جے تساں چاہندو جو سرائیکی زبان خطبہ حج، عراق ایران شام تے خلیجی ممالک وچ گائیڈ لائن زبان بݨ ون٘ڄے ، موبائل، کمپیوٹر، یو این او تے گلوبل لینگویج بݨ ون٘ڄے۔ آئی ٹی دی زبان بݨ ون٘ڄے۔ تاں گوگل آہدے تساں سرائیکی وکی پیڈیا تے زیادہ توں زیادہ آرٹیکلز تے شاعری سرائیکی زبان وچ لکھو تے ڈالراں وچ انعام وی گھنو۔ ازمائش شرط ہے، جہڑا بندہ سرائیکی نھیں لکھ سڳدا اوایں پیغام کوں فیس بک وٹس ایپ گروپ تے ٹویٹر تے شیئر دے نال نال ہر ممکن سپورٹ کرے۔
skr.wikipedia.org
پرویز قادر 03346069236
خاص طور تے اساتذہ سٹوڈنٹس یوتھ لیڈیز تے ایجوکیٹڈ پرسن۔
١١۔ جھنگ بکھر تے وادی گومل(دیرہ ٹانک) وچ مقامی سرائیکیاں کوں مذہب تے مسلک دی بݨیاد تے کئی سالیں توں روزانہ ماریا ویندا پئے۔ سرائیکی لوکیں کوں زبردستی بے دخل کرتے آبادکاری دے ذریعے قبضہ کیتا ویندا پئے۔ سرائیکی قوم دا منظم طور تے بدترین قتل عام سرائیکی نسل کُشی دی جانب ہک قدم ہے۔ اگر کشمیر تے فلسطین وچ غیر مقامیں دی آبادکاری گناہ تے جرم ہے تاں ایہو آبادکاری سرائیکی وسیب وچ کارِ ثواب کیوں ہے؟ ظلم تے چُپ راہوݨ وی ظالم دا ساتھ ݙیوݨ دے مترادف ہے۔
١٢، آخر وچ التجا ہے جگ جہان وچ سرائیکی جتھاں وی راہندا پئے آپݨی سرائیکی سُن٘ڄاݨ تے پہچان نہ بھلے۔ تل وسیبی وی عرب فارس تے فرنگی کوں کاپی کرݨ دی بجائے تے آپݨے سرائیکی ہووݨ تے شرمسار تھیوݨ دی بجائے ناز کرے تے نویں نسل کوں غیر دی ٻولی تے کلچر دا نشئی نہ بݨاؤ۔ سرائیکی الاؤ، سرائیکی لکھو تے آپݨے آپ کوں سرائیکی عمل نال ثابت کرو، ڳالھیں نال نھیں۔
وسدے راہوو شالا، ساݙا عشق سرائیکستان
والسلام ۔۔۔۔۔۔۔ 18 نومبر 2023ء بموقع 38واں سالانہ خواجہ فرید سرائیکی ثقافتی میلہ مہرے والا فاضل پور،
فکر فرید دا ادنیٰ جیہا طالب علم،
ملک مشتاق احمد
مرکزی رہنما
سرائیکی وکی پیڈیا
03316033234
مُفتا ڄاݨ تے رزق اساݙا مارے کوئی نہ پھکے ،
پٹھ کوئی ظالم جابر ایݙا ساݙی کاوِڑ ݙکے،
تیݙی سوچ غلیظ ہے ظالم سُݨ ساݙا منصوبہ،
نال تیݙے ہے جنگ اساݙی ان٘ج بݨیسوں صوبہ (استاد نذیر فیض مڳی)،
بہاول پور نہ جنوبی پنجاب صوبہ صرف سرائیکستان
نوٹ: ایہ تحریر فیس بک تے وٹس ایپ گروپاں وچ شیئر کرو۔
ترجھی تحریر
تحریر: ملک مشتاق احمد
بخدمت جناب جملہ اڳواݨ سرائیکی قومی تحریک صاحبان
السلام علیکم
اڄ دا ݙین٘ہ ارشاد امین سئیں دے نان٘ویں
ارشاد امین سئیں سرائیکی قومی شعوری تحریک دے کارکن، ورکر تے طالب علمیں سانگے ہک یونی ورسٹی دی مانند ہائی۔ سرائیکی قوم کوں سڄاک بݨاوݨ کیتے کہیں ویلھے مرکزی کردار ادا کریندیں ہوئیں تے کہیں ویلھے مظلوم سرائیکیں دی پارت ݙیندیں ہوئیں نظر امدے۔ اڄ اوندی آبڑگھت رحلت نال جمل جہان دے مظلوم سرائیکی مونجھے، ارمانی تے سوگ وچ ہن۔ اوندے سرائیکی قومی پورھیے کوں خراج تحسین پیش کرݨ سانگھے سرائیکی ادبی ثقافتی تے قوم پرست جماعتیں کوں تعزیتی ریفرینسز، سیمنارز، مذاکرے فکری نششتاں کرواݨیاں چاہیدے ہن، تاکہ نویں نسل حملہ آوریں دی بجائے آپݨی دھرتی دے سرائیکی ہیروز کوں آپݨاں آئیڈیل بݨاوے۔ ضیائی آمریت دے بدترین دور وچ سرائیکی قومی شعوری میلہ کراوݨ سرائیکی قومی تحریک وچ نویں روح پھوکݨ دے مترادف ثابت تھئے۔ سرائیکی قوم کوں شعوری طور تے سڄاک بݨاوݨ ارشاد امیں سئیں دا خواب ہا، ایندے کیتے اوں سرائیکی اخبار سڄاک کڈھیا۔ جیکوں پڑھ تے ڳالھے بھولے سرائیکی وی سڄاک تھی ڳئے، تے سرائیکی قومی تحریک وی فرش کنوں عرش تے پُڄ ڳئی۔
ایہ ڳالھ تخت لہور کوں نہ بھاݨی تے اوں بھاء ٻال ݙتی تے مظلوم سرائیکیاں تے ظلم دے پہاڑ تروڑ ݙتے۔ ایہ ویلھا سرائیکی قوم تے ٻہوں ٻاری ہائی، سرائیکی لوکیں دی رت نال دھرتی رتی تھی ڳئی، جیلاں، پابندیاں، تشدد سرائیکی ورکراں کوں ادھ مویا کر ݙتا، ایں ویلھے کجھ وݙے کردار دے لوک مظلوم سرائیکیں دے غمخوار بݨ تے انہاں دے ولی وارث بݨیے، جیندے وچ ارشاد امین سئیں سرفہرست ہا، جہڑا آپݨی ذات دی بجائے مجبور و محکوم اسیر سرائیکیاں دی پارت ودا ݙیندا ہا تے سرائیکیاں کوں حوصلہ ودا ݙیندا ہا۔ سرائیکی صوبے دا قیام تے سرائیکی لوکیں کوں سڄاڳ بݨاوݨ اوندا خواب ہا جیندی تکمیل کیتے اوں ہر ٻاݨ ماریے تے ایہو ݙکھ مردے ویلھے ہاں کوں لائی ڳئے۔ ارشاد امین سئیں آپݨے پورھیے کردار تے عمل نال سرائیکی ماء دھرتی ماء ٻولی تے اوندے واسییں دے حقوق سانگھے مردیں دم تائیں جو کجھ کر سڳدا ہا اوں کیتے، ہݨ اوندا پورھیا ساݙے کیتے رول ماڈل ہے۔ او چاچڑیں تے کوٹ مٹھݨ دے ادھ وچ سرائیکی لائبریری تے وساخ بݨاوݨ چاہندے ہن۔ لیکن زندگی وفا نہ کیتی ۔ لیکن یار اساں تساں تاں حالیں جیندے ودوں۔ چھڑا سرائیکی الاوݨ تے جھمریں تے زور نہ لاؤں۔ آپ وی سرائیکی لکھوں تے آپݨے ٻالیں تے سنگت کوں وی ایں پاسے لاؤں۔ کیوں جو لکھا لوہا تے الایا ڳوہا ہوندے۔ جے اساں سارے ارشاد امین کوں خراج تحسین پیش کرݨ سانگھے سرائیکی وکی پیڈیا انہاں دی سرائیکی قومی جدوجہد دے بارے وچ آپ لکھوں یا کہیں ٻئے کنوں لکھواؤں ۔ ایندے نال ارشادامین سئیں دی روح خوش تھیوݨ دے نال نال سرائیکی زبان کوں گلوبل لینگویج، خطبہ حج دی زبان تے عراق ایران شام وچ گائیڈ لائن لینگویج بݨݨ وچ مدد ملسے۔
skr.wkipedia.org
ارشاد امین سئیں دے نظریاتی کم دے ناں تے لائبریری چینل اخبار، تعلیمی ادارے، لنگر خانے تے سبیلاں بݨاتے وی انہاں دے سرائیکی قومی نظریہ کوں اجاگر کیتا ون٘ڄ سڳدے۔
میݙے دوستو!
جنیدے دا جہاں ہے، مویاں دا غُستان ہے۔
جیندے اݨ سون٘ہاں تے موئے دیاں چنگائیاں۔ ہݨ اساں ایں ریت کوں بدلوں ، جیندے نظریاتی لوکیں کوں ڈھڈھوں صاف تھی تے اپریشیٹ کروں۔ ساڑ سڑپا تے قد دے جھیڑے چھوڑوں، ہک ٻئے کوں سوبھ ݙیوں، منافقت چھوڑ تے ہک ٻئے دی دل نال عزت کروں نہ تاں پتہ وی کائناں لڳسے تے بُت وچوں پھوکا نکھتا ویسے ۔ اڄ این٘ویں سمجھو ارشاد امین دے بعد ساݙی واری ہے۔ ارشاد امین جیہے وݙے بندے دی موت تے وی اساں اڄ کٹھے نہ تھئے تاں کݙاہیں کٹھے کائناں تھی سڳسوں،
کل کل کرݨ آلے سارے ٹر ڳئے ہن۔ ہݨ تہاݙی مرضی ہے کم کل تے چھوڑو یا اڄ کنوں شروع کر گھنو
والسلام
فکر فرید دا ادنی جیہا طالب علم
ملک مشتاق احمد مرکزی رہنما سرائیکی وکی پیڈیا
فون: 03316033234، 03448599729
11 نومبر 2023ء
وݙے بندے مر نی ویندے ݙو ٻک مٹیاں پاوݨ نال
ٻلھے شاہ اساں مرݨاں ناہیں گور پیا کوئی ہور
چوتھی تحریر
سرائیکی وکی پیڈیا دے مرکزی رہنما ملک مشتاق احمد دا سنیہا
پروفیسر ڈاکٹر جاوید حسان چانڈیو، ڈاکٹر ممتاز بلوچ، پروفیسر اطہر لاشاری تے پروفیسرسبطین تاج گوپانگ دے نان٘ویں!
السلام علیکم، ماشاء اللہ تساں ساریاں دی سرائیکی ادب دے اسمان اتے خدمات چوݙویں دے چندر آلی چمکدیاں کھڑیاں ہن۔ سرائیکی ادب تے تساݙے بزرگیں دا کم تاقیامت نشابر تے رول ماڈل ہے۔ اسلامیہ یونیورسٹی دے وچ سرائیکی دا فروغ تہاݙے تعاون تے سپورٹ دے بغیر ناممکن ہے۔ سرائیکی زبان کوں گلوبل لینگویج بݨاوݨ سانگے تساݙی عملی سپورٹ دی ضرورت ہے۔ اگر تھی سڳے تاں کل اسلامیہ یونی ورسٹی دے جہانگیر مخلص آلے پروگرام وچ سرائیکی وکی پیڈیا بارے ہک تعارفی اعلان کرواؤ چا تاکہ اتھاں موجود شرکاء سٹوڈنٹس اساتذہ کوں ایں بارے سٹیج توں ݙسایا ون٘ڄے کہ جیندی ماء ٻولی سرائیکی ہے او سارے سرائیکی وکی پیڈیا تے آپݨاں اکاؤنٹ بݨا تے آپݨیاں تعلمی اسائنمنٹس آپݨی پسندیدہ شخصیت آپݨے اساتذہ بارے روزانہ آرٹیکل لکھن۔ تاکہ سرائیکی ماء ٻولی کوں فروغ مل سڳے۔
آخر وچ ہک ٻئی ڳالھ جو تساں مہان لوکیں کوں ہتھ ٻدھ تے ارداس ہے جو یونی ورسٹی نوٹی فیکیشن فار سرائیکی وکی پیڈیا جاری کرواوݨ وچ آپݨاں مخٰلصانہ کردار ادا چا کرو تاکہ سرائیکی زبان کوں گلوبل لینگویج دا درجہ مل سڳے۔ آپݨی ماء ٻولی سرائیکی دی خدمت وی ہک عبادت ہے۔ ایہ تساں کنوں بہتر کوݨ ڄاݨدے۔
پنجویں تحریر
لکھت: ملک مشتاق احمد مرکزی رہنما سرائیکی وکی پیڈیا
۔
ستواں نذیرفیض مگی میلہ پارٹ ون
میکوں جیہڑے ویلھے پتہ لگے کہ میڈاروح داسنگتی یاریں دایار جگ مشہور وکیل سرائیکی شاگرد سانجھ داموھری سرائیکی قوم پرستی دی یونیورسٹی تے شاندارانسان سئیں اخترخاں گوپانگ کوں دھک لگے تے میڈاھاں ماندہ تھی گئے ول میں اونہاں دےگھرگئیاں میکوں ڈیکھ تے سردار اخترخاں گوپانگ ڈاڈھا خش تھیا میں پچھیا سئیں اے کیویں تھئے اخترخاں آکھیا کہ پتہ نئیں کیاتھئے تے کیویں تھئے بس ایہوپتہ لگے کہ مرچے آلی ھڈی کریک تھی گئی اے سجامونڈھے تےاوندےنال سینے تے وی دھک لگے بس یارملک ھنڑ حیاتی دے ڈینہہ پورے کریندےودوں
میں آکھیے خیرتاں ہے سوھنڑا کہیوں جہیاں گالھیں کریندے پئو تساں تاں ہمیشہ اساکوں حوصلہ ڈتے امیدڈتی اے ہراوکھے ویلھے وچ جیونڑ دا راہ ڈکھلائے ھمت ڈتی اے
میکوں لگدے تساں کلیھیپے دا شکار تھیندے ویندو تساں تاں محفلیں دے شوقین ہاوے تساں کڈنڑ کنوں کلیھیپاپسند تھی گئیو میکوں لگدے اے اندر دی مونجھ اے جیہڑی سجنڑیں دی محفل موسیقی سرائیکی مشاعرے تےبٹ کڑاک نال ٹھیک تھیسی اخترخاں آکھیا ملک مشتاق ادا تئیں صحیح بجھئے ھنڑکوئی ترتل وی کر میں آکھئیے اگوں ترائے سرائیکی پروگرام امدےپئین
عرسءفرید تے 22ویں سرائیکی نیشنل کانفرنس ستواں استاد نذیرفیض مگی میلہ تےعاشق خان بزدار دا خواجہ فرید سرائیکی ثقافتی میلہ
اونہاں آکھیا ملک تیاری کر کٹھے جلدےپئوں بس دعاکر طبعیت ٹھیک تھی ونجے میں سمجھی ودا ہم کہ استاد نذیرفیض مگی میلہ عرس فرید دے بعد25 اکتوبر کوں اے جمعہ 20 تریخ کوں فیس بک توں پتہ لگے جو کل شام 8وجے پروگرام اے میڈے کیتے مسئلہ بنڑگئے کیوں جو کل21اکتوبر کنوں عرس فرید شروع تھینداپئے تےخواجہ غلام فریدکوریجہ سربراہ SQIتےجانشیں دربارفرید نیں سپیشلی انوائٹ کیتا ھئی جو عرس فرید دی تقریبات دی منیجمنٹ ءچ ہتھ بھرائی کرواؤ خاص طورتے 22ویں سرائیکی نیشنل کانفرنس دے حوالے نال اپنڑاکردار ادا کرو جیندی میں ہامی وی بھری کھڑاھم اجاں میں سوچینداں وداں ہم جو کیویں کراں کہ یارمن SQI دے سربراہ تے جانشیں دربار فریدخواجہ غلام فریدکوریجہ دےترجمان جام فیض اللہ سئیں نیں فون تےڈسایا کہ تہاکوں خواجہ صہب یادکریندے پن میں اپنڑی پریشانی ڈسائی جینکوں سنڑتے جام صہب آکھیا ملک صہب اداساڈے تاں پرسڑدن توں آپ سئیں نال رابطہ چاکر ول میں سئیں کوں فون تےساراحال ڈتا تےایں گال تےجو تساڈے استادنذیر فیض مگی دے میلے ءچ شرکت نال میڈی وی نمائیندگی تھی ویسی وڈی مشکل نال سئیں نیں اجازت ڈتی لیکن نال اے شرط وی رکھی کہ آڈت رات سرائیکی کانفرنس ءچ لازمی شریک تھیسو
۔
استاد نذیرفیض مگی میلہ پارٹ ٹو
پروگرام آلے جیہاڑے میں اخترخاں گوپانگ نال رابطہ کیتا تاں اوندے گھروں پتہ لگا جو ابو دی طبعیت ٹھیک تاں ہے لیکن اتنی چنگی کائینی جو بائیک تےسفرکرسگن ول میں کلہا روانہ تھی پییم تے تقرییا ساڈھے8وجے رات دا میں محب میرج ہال فاضل پور پج گئیاں سٹیج تے ونج تے طاھرحسین مگسی یوسف ثانی سوھنڑاشاہزدہ جام شوکت تے لاجواب سرائیکی شاعر باکمال نثرنگار سرائیکی ادب دا شاھکار جاوید آصف نال ملاقات تھئی انہاں دا بھاکل پاونڑ تے شاندار استقبال میکوں کئی مد تائیں یاد راھسی انہیں دی کمال محبت جو آکھیے نیں ملک مشتاق اتھائیں ساڈے کٹھے سٹیج تےبہو جام شوکت دی صحبت بندے کوں نواں نکور تےنوجوان بنڑا ڈیندی اے تے جاوید آصف دا اخلاص تے سادگی بندے کوں مل گھن گھندی اے تے طاھرمگسی میڈا ولا ولا ایویں شکریہ ادا کریندا بیٹھا ہا جیویں میں روہ توں ٹردا آیاں ہونواں برحال اے اوندی محبت اے
اے کوئی عام پروگرام نہ ہا ایویں لگدا ہا نویل یعنی ٹین ایجر چھوریں دا شو ہا ایویں سمجھو اے یوتھ شو ہا نوے فیصد یوتھ آئی کھڑی ھئی اے وی ڈساواں چا اوں ڈیہاڑے شام دا موسم جھڑمینہہ الا ہا آندھاری وی ھئی کنڑمنڑ وی لگی کھڑی ھئی میں راجن پورکھڑتے طاھرمگسی کنوں فون تے پروگرام بارےپچھیا تساں آونڑ دی کرو ول شروع کروں بارش آگئی تاں انتظام ہےپیاء خیر سٹیج دے نال سائیڈیں کنوں مہمانیں سانگھے کرسیاں لگیاں پیاں ھن تے سامھنڑے حاضرین کیتے تلے ترپال وچھیا پیاءھئی 12کنوں بیاسی سال تک سوھنڑے سوھنڑے لوک آے ودے ہن جیندے سرائیکی شعراء گلوکار ادیب دانشور فنکار انٹرٹینر جھومری تے سیاسی سماجی لوک شامل ھن ایں پروگرام ءچ شامل ہر بندہ ایویں خش ہا جیویں اوندی شادی ہووے آخر انتظار دیاں گھڑیاں توڑ کوں پجیاں طاھرمگسی نیں ڈائس تے آکے نوبت دا اعلان کیتا جیویں ای میرزادے نیں دول وجاونڑشروع کیتے سوھنڑی سوچ دے سوھنڑے لوک نکے وڈے بڈھڑے نینگر تے نویل سارے جھمرکھیڈنڑ سانگے میرزادے دے چدھاروں کٹھے تھی تےجھمرکھیڈنڑ پئے گئے تےاساں سارے مست بلکہ ھیپناٹائز تھی گئوسے مونجھیں دی مونجھ مردی گئی اکھیں رج دیدکیتی سوچ معراج تےگئی ہرچہرہ غلاب دےپھل وانگوں تروتازہ تھی تے استاد نذیرفیض مگی سئیں کوں خراج تحسین پیش کرنڑ تے فکرنذیرفیض مگی دے پرچار سانگھے آیا کھڑا ہا
لگدا ایویں ہا جیویں اے جھمرنئیں بلکہ جادو اے جیہرا سارے پنڈال تے اثرکرگئے واہ واہ چس آگئ اے
باقی ول
استاد نذیرفیض مگی میلہ پارٹ ٹو
پروگرام آلے جیہاڑے میں اخترخاں گوپانگ نال رابطہ کیتا تاں اوندے گھروں پتہ لگا جو ابو دی طبعیت ٹھیک تاں ہے لیکن اتنی چنگی کائینی جو بائیک تےسفرکرسگن ول میں کلہا روانہ تھی پییم تے تقرییا ساڈھے8وجے رات دا میں محب میرج ہال فاضل پور پج گئیاں سٹیج تے ونج تے طاھرحسین مگسی یوسف ثانی سوھنڑاشاہزدہ جام شوکت تے لاجواب سرائیکی شاعر باکمال نثرنگار سرائیکی ادب دا شاھکار جاوید آصف نال ملاقات تھئی انہاں دا بھاکل پاونڑ تے شاندار استقبال میکوں کئی مد تائیں یاد راھسی انہیں دی کمال محبت جو آکھیے نیں ملک مشتاق اتھائیں ساڈے کٹھے سٹیج تےبہو جام شوکت دی صحبت بندے کوں نواں نکور تےنوجوان بنڑا ڈیندی اے تے جاوید آصف دا اخلاص تے سادگی بندے کوں مل گھن گھندی اے تے طاھرمگسی میڈا ولا ولا ایویں شکریہ ادا کریندا بیٹھا ہا جیویں میں روہ توں ٹردا آیاں ہونواں برحال اے اوندی محبت اے
اے کوئی عام پروگرام نہ ہا ایویں لگدا ہا نویل یعنی ٹین ایجر چھوریں دا شو ہا ایویں سمجھو اے یوتھ شو ہا نوے فیصد یوتھ آئی کھڑی ھئی اے وی ڈساواں چا اوں ڈیہاڑے شام دا موسم جھڑمینہہ الا ہا آندھاری وی ھئی کنڑمنڑ وی لگی کھڑی ھئی میں راجن پورکھڑتے طاھرمگسی کنوں فون تے پروگرام بارےپچھیا تساں آونڑ دی کرو ول شروع کروں بارش آگئی تاں انتظام ہےپیاء خیر سٹیج دے نال سائیڈیں کنوں مہمانیں سانگھے کرسیاں لگیاں پیاں ھن تے سامھنڑے حاضرین کیتے تلے ترپال وچھیا پیاءھئی 12کنوں بیاسی سال تک سوھنڑے سوھنڑے لوک آے ودے ہن جیندے سرائیکی شعراء گلوکار ادیب دانشور فنکار انٹرٹینر جھومری تے سیاسی سماجی لوک شامل ھن ایں پروگرام ءچ شامل ہر بندہ ایویں خش ہا جیویں اوندی شادی ہووے آخر انتظار دیاں گھڑیاں توڑ کوں پجیاں طاھرمگسی نیں ڈائس تے آکے نوبت دا اعلان کیتا جیویں ای میرزادے نیں دول وجاونڑشروع کیتے سوھنڑی سوچ دے سوھنڑے لوک نکے وڈے بڈھڑے نینگر تے نویل سارے جھمرکھیڈنڑ سانگے میرزادے دے چدھاروں کٹھے تھی تےجھمرکھیڈنڑ پئے گئے تےاساں سارے مست بلکہ ھیپناٹائز تھی گئوسے مونجھیں دی مونجھ مردی گئی اکھیں رج دیدکیتی سوچ معراج تےگئی ہرچہرہ غلاب دےپھل وانگوں تروتازہ تھی تے استاد نذیرفیض مگی سئیں کوں خراج تحسین پیش کرنڑ تے فکرنذیرفیض مگی دے پرچار سانگھے آیا کھڑا ہا
لگدا ایویں ہا جیویں اے جھمرنئیں بلکہ جادو اے جیہرا سارے پنڈال تے اثرکرگئے واہ واہ چس آگئ اے
باقی ول
ستواں استاد نذیرفیض مگی میلہ پارٹ تھری
نویل جھومریں جھمردی چس چوا ڈتی
خیرسئیں نوبت دےبعد پروگرام داباقاعدہ منڈھ تلاوت قران تےدیوان فرید نال بدھیج گیا
مرتضی لشاری اپنڑے سوھنڑے اندازنال نقابت دے فرائض سرانجام ڈتے
طاہرفیض مگسی ہا تاں میزبان آخرتےمہماناں داشکریہ تے تقریر کرنڑ دی بجائے پہلے پہلے استاد نذیرفیض مگی کوں بہوں شاندار طریقے نال خراج تحسین پیش کیتا ایویں لگدا ہا اوندیں گالھیں ءچوں غلاب دےپھل کردے پن آونڑ آلی ساری سنگت دا شکریہ اداکیتس
ایندے بعد طاھر مگسی سئیں سرائیکی وکیپیڈیا دے مرکزی رھنما ملک مشتاق سئیں کوں دعوت خطاب ڈتی
ملک مشتاق نیں استاد نذیرفیض مگی سرکار کوں خراج تحسین پیش کریندیں ہوئیں آکھیا کہ ایں پروگرام ءچ شرکت میڈی حسرت ھئی کیوں جو نذیرفیض مگی کوئی چھوٹاموٹایا عام بندہ نہ ہا بلکہ سرائیکی دھرتی دامہماتمابدھ ہا اوہ بہوں وڈی سوچ دا وڈابندہ ہا او ہریتیم سرائیکی بال داپئو ہا ہرغریب سرائیکی دھی بھینڑ دا بوچھنڑ ہا ہربےگھرتےانڑپھر دا اوچھنڑ ہا بےسہاریں داسہارہ ہرڈکھے بھکےسرائیکی کیتے جنکشن ہا ھینڑیں تےلاوارث سرائیکیں وارث ہا اینجھے لوک صدیں بعد جمدن
نذیرفیض مگی دے وارث اوندے خونی رشتےدار نئیں بلکہ اوندے نظریے سوچ تے فکر تےعمل پیرالوک ای اوندے وارث ان
سرائیکی وکیپیڈیا اج نذیرفیض مگی دے نظریاتی وارثیں کوں دعوت ڈیندے جواپنڑے عظیم قائد دی سوچ شاعری فکرتےنظریے کوں سرائیکی وکیپیڈیا تے آپ وی لکھو تے اپنڑی سنگت کوں وی آکھو سرائیکی شاعرادیب دانشور استاد تےسٹوڈنٹس ہی سرائیکی وکیپیڈیا دےاصل وارث ہن
دوستو اگر زبان بلکہ ماءبولی دی قدر تےاھمیت سکھنڑی اے تاں بنگالیں تے سندھیں الیں جذبے دی لوڑھ اے
دنیا ءچ کل 6000ہزار زباناں موجود ان لیکن 2000ہزارزباناں کوں لکھت پڑھت تے محفوظ نہ کرنڑ دی وجہ توں مستقبل ءچ معدوم تھیونڑ دا خطرہ اے
ایں سال خطبہ حج داترجمہ 20زبانیں ءچ تھئے لیکن ارمان دی گال تاں اے ہے جو امام کعبہ وی سرائیکی ہووے سعودی عرب تے یواےای دی موجودہ ترقی ءچ سرائیکی قوم دی رت شامل اے تےہرسال حج تےعمریں تے آونڑالے لکھاں لوک سرائیکی ہوونڑ دےباوجود خطبہ حج عمرہ دی گائیڈلائن لینگوئج سرائیکی نہ ہووے ارمان تاں لگدے میں ایں سلسلے ءچ امام کعبہ کوں فون وی کیتم اوں آکھیے تساں سعودی حکومت کوں باقاعدہ درخواست ڈیئو ول میں وی کوشت کرینداں میں سعودی سفارتخانے ءچ اپنڑے ناں نال درخواست جمع کرواڈتی ھم ایویں ای سارے جگ ءچ سرائیکی نوحہ مرثیہ تےغم حسین مشہور اے تے ہرمہینے زواری تے ونجنڑ الیں دی بہوں وڈی تعداد دا تعلق سرائیکی وسیب نال ہوونڑ دے باوجوداجنڑ تائیں ایران عراق شام ءچ سرائیکی زبان کوں گائیڈلائن لینگوئج دا درجہ حاصل کائینی میں ترئیں ملخیں دے سفارتخانے ءچ درخواستاں جمع کرواڈتین جیندا ہتھ پمدے او ساڈابانہہ بیل بنڑے یا ساکوں لیڈ کرے
وڈے وڈے سرائیکی دے پردھان آئے بیٹھن اسلامیہ یونیورسٹی توں پروفیس سبطین تاج گوپانگ صہب وی اتھاں موجود ان سرائیکی وکیپیڈیا دا پراجیکٹ یونیورسٹیاں تےکالجز اپنڑے سٹوڈنٹس تےپروفیسرز دے تھروکامیاب کروا سکدین
اج توں کجھ سال پہلے میں تے اخترخاں گوپانگ دی کارتے جھوک اترے سرائیکی کانفرنس تے ویندیں ہوئیں فاضل پور استاد نذیر فیض مگی کنیں لحظہ پہر بہہ گیوسے اوں ویلھے اتھاں پروفیسر مرید عارف وی آگیا سرائیکی تحریک دے حوالے نال لکھیا گیا آرٹیکل میں جئیں ویلھے مریدعارف کوں ڈتا تاں استاد نذیر فیض مگی آکھیا ابا ہک میکوں وے ڈے میں وی ان پڑھ ہاں جیہڑے ویلھے استاد تحریر پڑھی تاں ناصرف میکوں شابش ڈتس نال اے وی آکھس کہ ھنڑ اساں مطمئن آوؤں جو ساڈے بعد وی سرائیکی دا کم جاری وساری راھسی
استاد نذیرفیض مگی ھک نظریے دا ناں اے جے تساں نذیرفیض مگی نال پیار کریندو تاں ول اوندے جمنڑ توں گھن کہ اوندے وصال تائیں حالات زندگی تے اوندی شاعری کوں سرائیکی وکیپیڈیا تے آپ لکھو یالکھواو سرائیکی شعراء کیتے بمپرآفر کہ او اپنڑاں کلام سرائیکی وکیپیڈیا تےمخت لکھواون
سرائیکی وکیپیڈیا دا لنک skr. Wikipedia.org
کیوں غیرداحامی بنڑ گیا ھائیں کیوں ظالم تیکوں بھانڑے ان
اتھ ہرمظلوم دےسینے تےپئے دھکدے درد پرانڑے ہن
اتھ سریں ظم دی بارش ہے تیڈے شاہر لہورٹکانڑے ہن
ہک وارتاں ول آ سنڑ تاں سہی کیا آھدے لوک نمانڑے ہن
جیندی بھوئیں تے قوضہ غیر دا ہےاولوک ارداسی بھکے ہن
والسلام
ول سٹیج سیکرٹری نیں ینگ شاعر ملک صہیب کوں سڈیا جئیں نذیر فیض مگی دے مذاحمتی رنگ ءچ شاعری کیتی تے ہک نویں اصطلاح لوظی اداکارو اپنڑی شاعری دے تھرو متعارف کروائی حاضرین نیں ملک صہیب دی شاعری کوں دل کھول تےداد ڈتی
باقی ول
ڈوجھی لڑی سرائیکی میلہ مھرےوالا
روح دا رشتہ ایویں ہوندے اتھاں اکثریت کوں نہ ہک بئے دے ناں داپتہ ہوندے نہ ذات تےعلاقے دا نہ خونی رشتہ ہوندے ول وی کشش تے محبت خونی رشتے کنوں وی زیادہ ہوندے قسوربھٹہ کنسلٹنٹ دا ویلکم پروٹوکول اپنائیت تےمحبت قابل دید ھئی غلام فرید کنیرے دی ریہرسل چس چوا ڈتی اے عاشق خاں دے دیرے تے مہمانیں کیتے وسیع لنگر دا انتظام ہا رات الے میل ءچ سارے لوک سوھنڑے ہن دا خالق جام خورشیدانسب جام یاسین یاسر حافظ غلاب فیاض مالک اشتر حنیف سونترہ ایم بی براٹھہ سمیت ہک توں ودھ سرائیکی کارکن ورکر شاعر دانشور ادیب گلوکار تے پرفارمر ایں میلے ءچ شریک ہا لیکن جیہڑیاں محبتاں پروٹوکول تے تعاون میڈے یار اسلامیہ یونیورسٹی بہاولپور دے شائینگ سٹوڈنٹ واجد اجو تےمحمد کاشف خاں نیں ڈتین او یادگارءن ملک رمضان ارائیں دی گائیڈلائن اندھارے ءچ سوجھلے دے مترادف اے
سرائیکی میلے دا افتتاح ایں دفعہ جگ مشہور ہردلعزیز ساریں دے دل دی دھڑکن مونجھیں دے سپشلسٹ ڈاکدار مینٹل تھراپسٹ شفقت شکلی دی بٹ کڑاک نال تھئے ایں بندے نیں استادنذیر فیض مگی الے پروگرام تے آؤٹ کلاس بلکہ کھڑکی توڑ پرفارمنس دا مظاھرہ کیتا ہائی تے ھنڑ وی جوان دے بچے کھلواکھلوا ککھیں بلکہ پورے ڈڈھ ءچ درد پواڈتے کھل کھل لوکیں دے اکھیں ءچ ہنجوں ہن
نوبت دے بعد خواجہ غلام فریدکوریجہ سئیں نیں تقریر کیتی تے مینارٹیز دے حقوق تےظلم زیادتی تے سرائیکی ووٹ دی پاور بارے ڈسایا
میکوں عاشق خاں بذدار خودآکھیاھئی کہ تیکوں تقریر دا موقع ضرور ڈتا ویسی جیویں پچھلے سال ڈتا ہا لیکن تساں مختصر گال کراوے ول واجداجو تےملک رمضان ارائیں نیں میڈی تقریر سانگھے عاشق خان بذدار منوربزدار قسور بزدار کوں آکھیا اوں آکھیے ٹھیک اے میں اکھیا بذدارصہب میکوں پروگرام دے شروع ءچ تقریر دا موقع ڈیواوے تاکہ میں اپنڑا سرائیکی آرٹیکل تے ارشاد امین کوں خراج تحسین الی تحریر سرائیکی کارکنان ورکرز کوں ڈیویں تے نال اے سرائیکی وکیپیڈیا دا پیغام ڈے سگاں قسور خاں بذدار ایں دفعہ کلھا سٹیج سیکرٹری ہا گڑدھال ءچ مشاعرے دی ترتیب بدل گئی بلکہ پورے پروگرام دی ترتیب بدلی گئی اے ملک اللہ نواز وئینس نیں بہوں طویل تقریر کیتی روف لنڈ جاگیرداریں سرداریں وڈیریں مولویں تےسرمایہ داریں دی اپنڑی تقریر ءچ وڈی گت بنڑائی تےغریبیں دے دل دی ترجمانی کیتی اے
میں واجد اجو تے ملک رمضان ارائیں نیں ڈوااڈھائی گھنٹے انتظارکیتے لیکن مہمان سرائیکی شعرا ادیب دانشوربہوں زیادہ ھن جتھوں میکوں اندازہ تھی گئے جوایں دفعہ سٹیج توں تقریر مشکل اے ول میں سرائیکی شعرا ادیب دانشور ورکرز تے سرائیکی لورز کوں فردأ فردأ مل تے سرائیکی وکیپیڈیا دا پیغام ڈتم تے نال سرائیکی کازالا آرٹیکل تے ارشاد آمین کوں خراج تحسین آلی تحریر وی
کتابیں الے سٹال تےگئیاں تاں اوتھاں وسیب نیشنل ٹی وی آلیں میں کنوں انٹرویو گھدا
باقی ول
38ویں خواجہ فرید سرائیکی میلہ18تے19نومبر2023 مھرےوالا فاضل پور
جوں جوں ڈیہاڑے نیڑے آمدے پئے ہن الخ ملخ دی سنگت نال رابطیں ءچ وی تیزی آمدی پئی ھئی مہرے آلےدے میل ءچ سگت دیاں مونجھاں چھنڑچھنڑ لینڈ کریسن تےول درشن ای درشن زیارتاں ای زیارتاں کیوں جو عاشق خاں دا سرائیکی میلہ وسیب دا او ہائیڈ پارک اے جتھاں پڑھیے ہوئے کڑھیے ہوئےلوک جٹ کسان حسبی نسبی تےکسبی طالبعلم استاد کلرک وکیل سرائیکی کارکن ورکر دانشورشاعرادیب گلوکار قوم پرست سمیت تمام مکاتب فکر دے لوک 8 ڈاہ سال دے بال کنوں گھن کہ 80نوے سال دا بڈھڑے اپنڑے دل دی ھبڑاس کڈھیندے اپنڑے ڈکھ سنڑویندے سرائیکی قوم دا نوحہ پڑھ تے سرائیکی قوم کوں شعوری طورتے جگویندے اے کوئی شاعری نال کوئی جھمرنال کوئی تقریرنال کوئی ناٹک نال کوئی موسیقی نال کوئی گال مہاڑ نال کوئی بٹ کڑاک نال کوئی بول بازی نال کوئی اکھ دے اشارے نال اتھاں ہرکوئی کجھ سکھنڑ تےسکھاونڑ آمدے مھرے الا سرائیکی شعور آگاھی دا محور ومرکز بنڑگئے
میں تے اللہ ڈتہ بدنام جیویں ای فاضل پورپجیوں طاھرمگسی سئیں دا فون آگئے ملک صہب ساکوں چانہہ دا ٹائم لازمی ڈیواوے استاد نذیرفیض مگی دی بنچ دی زیارت دے بغیر اگوں تے سفر اوکھا نظرداپئیا ہا تے بدنام کوں حقے دی باڑ وی چئی ودی ھئی بدنام سئیں استادنذیرفیض مگی آلی بنچ تے اوندی جاہ تے بہہ تے حقہ گڑکائے تےمیں طاہرمگسی تےاونداپترڈاکٹرحمزہ طاھر مگسی انصرنذیر مگی تےاصغرلغاری نال سرائیکی کاز تےاستادنذیرفیض مگی دی نویں کتاب دے حوالے نال سیرحاصل گالھ مہاڑ تےایندے نال ای میں ہک واری ولا ستویں نذیرفیض مگی میلے دی کامیابی تےانتظامیہ کوں مبارخاں ڈتیاں تے اونجھے ویلھے اللہ ڈتے بدنام طاھر مگسی تےانصرنذیر مگی نال گلہ کیتا جو استاد نذیر فیض مگی میڈا یار ہا میڈاہم عمرہا نظریہ وی ہکو ہا لیکن ارمان دی گال اے جو تساں میکوں ہک دفعہ وی نئیں سڈیا اپنڑے پروگرام تے
ایں دفعہ دی معزرت اگوں تےایویں ناں تھیسے ول میں آکھیا تساں کنیں ھنڑبہترین موقع اے کہ تساں استاد نذیرفیض مگی دے کلام کوں سرائیکی وکیپیڈیا تے لکھواؤ تاکہ استاد دی مذاحمتی شاعری پوری دنیا پڑھ سکے ایندے بعدسردار ابرار خاں دریشک چیف سردار تےخوبصورت تے خش اخلاق دے نال نال بہوں وًا لج پال اے ابرارخاں دی شخصیت پراثر تےجادوئی اے جیہڑا وی ملدے ھیپناٹائز تھی ویندے ساڈے نال وی ایہوکجھ تھئے پروٹوکول عزت احترام خدمت چانہہ پانڑی نال پرباش کرڈتس ملخی علاقائی تےدیسی سیاست سرائیکی کاز تےجیہڑے ویلھے الیندے تاں ایویں لگدے سامعین دے سرتے پکھی بیٹھن الیندے سارے ءن لیکن ابرار خاں وانگوں شیریں کہیں کہیں کوں ہوندی اے خان صہب روٹی کیتے بہوں اصرار کیتے اساں معزرت کیتی کیوں جو مہرے الے ونجنڑ کیتے دیر تھیندی پئی ھئی خان صہب مکلیندیں ہوئیں آکھیا تہاڈا اپنڑاگھراے واپسی تے جے رات دامیں کنیں ان رھو تاں
اتھوں اجازت گھدہوسے کیوں جوجگ مشہور سرائیکی پروفیسرتے سرائیکی حسینی ڈوھڑے ٹور تے پندھ دے مصنف سئیں مرید عارف دا ولا ولا فون آمداپیاء ہا جو ساری سنگت من وسلوی ہوٹل تے تہاڈا بھالا بیٹھی کریندی اے جلدی آؤ اتھاں ونج تے دل خش تھی گئے تے ہاں ٹھرگئے سرائیکی شاعریں داجھرمٹ لگاپیاہا بس ہک زاریاں الے یاسین صابر دا ناں یاد اے باقی بھل گن سنگت کنوں معزرت
پہلے میں سرائیکی کتاب جیہڑی حضرت خدیجہ دے حالات زندگی تے ھئی جیندامصنف میڈا یار منوربٹ سندھی اے پروفیسر مریدعارف کوں وڈے پروٹوکول نال ڈتی تے اونہیں کوں سرائیکی وکیپیڈیا تےکم کرنڑ الا سٹوڈنٹس الا وعدہ وی یاد ڈوایم تے آکھیم جو اپنڑے شاگردیں دے ذمے لاؤ میکوں اونیہں دے ناں تے نمبر ڈئیو میں اونہیں کوں سرائیکی وکیپیڈیا الا کم سکھیساں
سارے شاعراں نال مختصرتے جامع حال احوال تھیا تے اونہیں کوں وی سرائیکی وکیپیڈیا داپیغام ڈتا جو اپنڑاکلام سرائیکی وکیپیڈیا تےلازمی لکھواؤ تے باقی پیغام میں مہرے الے سٹیج توں ڈیساں غورنال سنڑاہے ھنڑاجازت
ول روانہ تھی گئیوں تے مغرب دی نماز دے تھولی دیربعد مھرے الے عاشق خاں دے دیرے تے پج گئیوں
باقی حال اگلی قسط ءچ
سئیں جی این کھوسو صہب
تیڈی جرأت جوش جذبے محنت تے لگن کوں سلام اے
تئیں او رستہ چنڑیے جیہڑا سبھ کنوں اوکھا تےوڈا ہا لوک شارٹ کٹ گولیندن تےتئیں لانگ روٹ پکڑیے اپنڑےعوامی لیڈر سئیں رسول بخش پلیجو آلی کار
اپنڑے سرکوں لوٹی سمجھ تے ہرڈاھاڈھے وزبرتےراخص تے اگوں سندھیں دے حقوق سانگھے اڑگئیں لڑگئیں تےاپنڑے مرنڑ دی پرواہ وی نوی کیتی اپنڑی نیندر سکون ونجا تےلوکیں دے سکھ سانگھے ہر ویلھے کنڈیں تےٹردا ودیں اے راہ سکھ دانئیں بلکہ ڈکھ دا اے توں تاں چلوسرپھریا ھائیں تیڈے کارکن تے ورکریں دی کمال اے بلکہ تیڈی تربیت داکمال اے ہرویلھے غریبیں مسکینیں رے سینکیں بےآسرا تےبےزمین ہارییں تےبےشعور تریمتیں سمیت ہراو سندھی دا غمخوار بنڑدیں جیہڑا ظلم دا شکار ہووے تیڈے پورھیے کنوں ثابت تھیندے جوفکرپلیجو دے وارث ایویں ہوندن
میں کنیں لوظ مک گن لیکن تیڈا پورھیا نئیں مکیا
اساں کل وی تیڈے نال ہاسے اج وی تیڈے نال ہاؤں تےزندگی وفاکیتی تےاگوں تے وی تیڈے نال ہوسوں
عوامی پورھیت تحریک دے پورھیے کوں سرخ سلام
وسدے رھو شالا ساڈا عشق سرائیکستان
سجنڑ دی دید نہ تھئ
تے اساڈی عید نہ تھئی
جیاء عید داڈوجھا ناں مونجھیں تے مظلوم ومحکوم لوکیں کوں ایں اکرس دے موسم ءچ لحظے پہر سانگھے خشیاں ڈیونڑ اپنڑے اندر دی ھبڑاس کڈھنڑ او وی سرائیکی لوک ریتیں تے رسمیں نال شاعری تے من بھاونڑی موسیقی نال سرائیکی جھمر دےپھیرءچ چس ایں چاونڑی جیویں کونج سخی سرور دے طواف سانگھے ول ول پھیرے پاءتے اپنڑی مونجھ مریندی اے بٹ کڑاک ایں لاونڑی جوطالب حسین حافظ تے چیتے دی بول بازی وی بھل ونجے تےسرائیکی دانشورادیبیں دیاں گالھیں سنڑتےمزاقی بندہ وی سنجیدگی اختیار چا کرے جتھاں ناٹک ءچ وی سبق ملے جتھاں جمدے بالیں کوں سرائیکی شعور داڈانڑملدے
جیاء جیاء تساں صحیح سمجھے وے میں عاشق خاں بزدار دے سرائیکی میلے تے اوندی وستی جیندے اتے یونان وی فخرکریندے او مہرے الا اے
گال لمبانڑ تھی گئی اے باقی حال حویلہ ڈکھ سکھ عاشق خاں دے میلے تے ونڈیسوں ویلھے سر آونڑ دی کریسو ساری سنگت تہاڈی تانگھی ہوسی تساں وی اپنڑی سنگت حق ہمسایے کوں کانڈھا ڈے تے ماء دھرتی داحق اداکرو تے عاشق خاں منورخاں تے قسوربزدار دے بانہہ بیل بنڑو
پروغرام18تے 19نومبر چھنڑچھنڑتے آڈت رات 8وجے کنوں سویل تائیں
ایں میلے تے سرائیکی وکیپیڈیا دے 2000ڈالرانعامی مقابلے تے ہک سرپرائزبارے وی ڈسایاویسی
ایں دفعہ میلہ نویں رنگ ءچ تھینداپئے تے سوھنڑے سوھنڑے لوک آمدے پن جے چک گئو وے تاں مردے دم تائیں ارمانی تھیسو
وسدے رھوشالا
ساڈاعشق سرائیکستان
سرائیکی میلہ مہرے والا تریجھی لڑی
میلے دے پنڈال دے چدھاروں رنگ لگے پئے ھن چانہہ دے ہوٹل یخنی دا سٹال چاول چھولے مٹھائی تے شئے دیاں دکاناں ڈرائی فروٹس شاپس ہرجاہ تے رش ہا ہر کوئی اپنڑے اپنڑے انداز نال میلے دی چس ودا چیندا ہا یار یاریں دے ہتھ ءچ ہتھ پا ٹردے ودے ہن
میلے تے میں سٹیج تے پنڈال ءچ موجود تقریبن ڈھگ ساریں عام بندے کنوں گھن سرائیکی شاعر ادیب دانشور کارکن طالبعلم استاد جٹ کسان وکیل صحافی قوم پرست نکڑا وڈا پڑھیے تےکڑھیے ہوئے بندے کوں سرائیکی وکیپیڈیا دا پیغام ڈتم تے جیہڑی تقریر میں تیار کرتے آیا ہم تے جیہڑی میں سٹیج توں کرنڑی ھئی او اے ہے
السلام و علیکم
38سال پہلے جڈاں سرائیکی دا ناں گھنڑ تے بغاوت دے پرچے جیلاں تےجبروتشدد جہے مظالم ہوونڑ دے باوجود سرائیکی میلے دی ابتدا تھئی ھئی محنت کش غریب مظلوم تےھینڑے سرائیکی لوکیں دی آس تےامید دا ڈینہہ بلکہ عیددا ڈینہہ سرائیکی میلے دا ڈینہہ ہوندے
مظلوم و محکوم سرائیکی قوم دے حقوق دا جیہڑا علبردار اے او عاشق خان بذدار اے موہانڑیں کٹانڑیں تے غریبیں دی جیہڑی تانگھ اے اوصوفی تاج گوپانگ اے ہرانڑ پھر تے رے سینگیں سرائیکی دی طاقت اے تےحوصلہ اے او استاد نذیر فیض مگی اے
سرائیکی وکیپیڈیا ہک پلیٹ فارم اے جیندے اتے میں بلکہ ساڈی ٹیم سرائیکی زبان دے فروغ سانگھے کم کریندی پئی اے اینکوں سرائیکی ءچ بھوم گوجھی آہدن
سرائیکی وکیپیڈیا دا مشن اے کہ سرائیکی زبان کوں گلوبل&UNO دی لئینگوئج بنڑونجے خطبہءحج دے ترجمے ءچ سرائیکی زبان شامل تھی ونجے عمرہ یواے ای ایران عراق شام ءچ سرائیکی بطور گائیڈلائین لینگوئج بنڑونجے ایندے کیتے میں اپنڑے ناں نال متعلقہ سفارت خانے ءچ درخواستاں وی جمع کروا چکیا ایں کم ءچ جیہڑا میڈا بانہہ بیل بلکہ لیڈ کرے دعوت عام اے سندھ ءچ سرائیکی اختیاری فار میٹرک بلوچستان ءچ سرائیکی لازمی بکس فارپرائمری کلاسز KPKءچ ایں سال ستویں دی کتاب چھپی اے اگلے سال اٹھویں دی کتاب آویسے
سرائیکی وکیپیڈیا دا آکاؤنٹ فیس بک آلی کاربنڑدےہربندے دا سرائیکی وکیپیڈیا تےکم کرنڑ لازمی خاص طورتے سٹوڈنٹس سرائیکی شاعر ادیب ٹیچر کلرک وکیل دانشور گلوکار وغیرہ جیہڑابندہ سرائیکی نئیں لکھ سکدا او ایں پیغام کوں اپنڑی سنگت تے فیملی کوں پجاوے
واجداجو نازک نورپوری تے ملک رمضان ارائیں سرائیکی وکیپیڈیا دے Active ممبرءن عاشق بذدار دی اساں قیدی تخت لہور دے تےجاویدآصف تےسرائیکی پرفیسر مریدعارف دیاں تحریراں سرائیکی وکیپیڈیا دی زینت ءن کتاب اخبار بھاء پانڑی نال ضائع جبکہ سرائیکی وکیپیڈیا واٹر اینڈ فائر پروف تے مواد فیامت تک Safe &sound زیادہ آرٹیکلز تے2000ڈالرانعام
سرائیکی لکھنڑ دی بجائےچھڑاسرائیکی الاونڑ دا کوئی فیدہ کائینی جے سرائیکی زبان لکھت ءچ محفوظ نہ تھئی تاں ساڈاحال وی کیلاش قبیلے الابنڑسی زبان دی قدر بنگالیں تے سندھیں کنوں پچھو
استادنذیرفیض مگی تےصوفی تاج گوپانگ سمیت تمام شاعر ادیب تےلکھاری تےاوندے لورز اپنڑے فلسفے کوں سرائیکی وکیپیڈیا تےآپ لکھن یا لکھواون تاکہ جگ جہان دے210ملخیں دے لوک وی فیضیاب تھی سگن
skr.wikipedia.orgسرائیکی وکیپیڈیا دا لنک اے
آخری گال ایں میلے دا مقصد کیاہے چھڑی جھمرایندامقصدنئیں سرائیکی زبان ادب تہذیب و ثقافت کوں پروموٹ کرنڑ ایندامقصداے جیہڑا سرائیکی وکیپیڈیا دے ذریعے ای پورا تھی سگدے
سرائیکی ماءدھرتی دا جینکوں درد اے رتی بھانویں شارک
اونکوں سرائیکی وکیپیڈیا دی پارت ولا ولا پارت
والسلام
باقی حال حویلہ اگلی قسط ءچ
جاوید حسان چانڈیو صاحب،
السلام علیکم! سئیں میݙا
سرائیکی ادب تہذیب تے ثقافت دے فروغ سانگھے تساݙے سارے خاندان دی عملی جدوجہد روز روشن دی طرح عیاں تے رول ماڈل ہے۔ خاص طور تے اسلامیہ یونی ورسٹی بہاول پور وچ فکر فرید تے پیر فرید دی ٻولی سانگھے تہاݙیاں خدمات شاندار ہن۔ سرائیکی زبان گلوبل لینگویج بݨاوݨ دیاں کوششاں وچ تہاݙا کردار این٘ویں مرکزی ہے جین٘ویں تہاݙے بابا سئیں دا سرائیکی دھرتی قوم تے زبان دی سن٘ڄاݨ وچ۔ ساݙی ارداس تے سرائیکی زبان دی محبت وچ تساں اسلامیہ یونی ورسٹی دے سٹوڈنٹس کوں سرائیکی وکی پیڈیا آلے پاسے پہلے ہی کم کرویندے کھڑے ہیوے لیکن ہݨ ایں کم دی رفتار ٻہوں سست تھی ڳئی ہے۔ تساں وݙے پیؤ دے وݙے پتر ہو۔ تہاݙے بابا سئیں ١٩٦٢ء وچ سرائیکی قوم ہک ایہو جہیا یاد گار کم کیتا ہائی جہڑا قیامت تک زندہ جاوید تے یادگار راہسی۔
ہݨ قدرت نے تہاکوں موقع ݙتے جو تساں اسلامیہ یونی ورسٹی وچ سرائیکی وکی پیڈیا بارے نوٹی فیکیشن جاری کرواؤ جیندی رُو نال اسلامیہ یونی ورسٹی تے ملحقہ کالجیں دے سٹوڈنٹس آپݨیاں اسائنمنٹاں تے کلریکل سٹاف اسلامیہ یونی ورسٹی بارے سرائیکی وکی پیڈیا وچ لکھن۔ ایہ کم تہاکوں یونی ورسٹی توں کیا زندگی توں ریٹائرمنٹ تھیوݨ دے بعد وی جیندا رکھیسی۔ تہاݙے سرائیکی وکی پیڈیا دے نوٹی فیکیشن نال سرائیکی زبان خطبہ حج دے ترجمے وچ شامل تھی ویسی۔ گلوبل لینگویج بݨ ویسی۔ عراق ایران تے شام وچ گائیڈ لائن زبان بݨ ویسی۔ ایندا کریڈیٹ جاوید چانڈیو کوں ویسی۔
skr.wikipedia.org
ملک مشتاق احمد مرکزی رہنما سرائیکی وکی پیڈیا
فون نمبر 03316033234، 03448599729
لکھت ملک مشتاق احمد
رھنما سرائیکی وکیپیڈیا
سئیں جی این کھوسو صہب
تیڈی سوچ فکر فلسفے نظریے دھرتی نال محبت جڑت محنت جدوجہد جذبے لگن تےپورھیے کوں سرخ سلام اے
سندھ دھرتی تےجتھاں وی کوئی ھینڑاں کہیں ڈاھاڈے دے ظلم دا شکار تھئے کہیں ہاری یاکسان داحق ماریاگئے
وادیءمہران دی کہیں دھی بھینڑ تے کہیں وڈیرے ظلم وسائے یا کہیں یتیم دا حق کھادے
پانڑی دا مسئلہ ہووے یالوکل گورنمنٹ نال ریلیٹڈبلدیات دے مسائل ہوون یاکرپشن تےبیڈگورننس دےایشوز
مسئلہ انفرادی ہووے یا اجتماعی سندھ دھرتی تے اوندے واسی خش قسمت ہن جو اوتھاں عوامی پورھیت تحریک موجود اے جیندی قیادت فکرپلیجو داعملی پرچارک مردآھن ایڈوکیٹ جی این کھوسو سئیں تے ادی سینڑ ڈاکٹر ماروی پلیجو تے اونہیں دے جانثار بےشمار ورکرزہرویلھے عوامی حقوق کیتے عملی طور تےمیدان ءچ ہن ہرکہیں دے ڈکھ کوں اپنڑاں سمجھ تے اوندے نال سانجھ کریندن
کمال دا ڈسپلن قربانی داجذبہ ہرکارکن کیتے برابری الا عزت احترام لگن شوق تے جنون عوامی پورھیت تحریک دا خاصہ
کارکنان ورکرز دی تربیت تےخش اخلاقی دا کریڈٹ ایڈوکیٹ جی این کھوسو سئیں تےڈاکٹر ماروی پلیجو کوں ویندے
کھوسو صہب توں آخری ھائیں ڈھولا تیڈے بعد قیامت اے
وسدے رھو شالا
ساڈاعشق سسرائیکستان
لکھت: ملک مشتاق احمد
سئیں سارے اڳواݨ سرائیکی ادیب ،دانشور مفکر صہبان توں ارداس ہے
ــــــــــــــــــــــ
تساں مہان تساڈا کم وی مہان اے تساں اوں ویلھے سرائیکی دا جھنڈا چاتا ہا جڈاں سرائیکی دا ناں گھنڑ تاں ہک پاسے سرائیکی دا ناں گھننڑ الے نال دعاسلام کنوں وی لوک ڈردے ہن کیوں جو اوں ویلھے سرائیکی سرائیکی کرنڑ تےاونہاں نال تعلق تے لوکیں کوں عبرت دانشان بنڑا ڈتا وینداہا
اج سرائیکی قوم تہاڈے پورھیئے داکھٹیا کھمدی پئی اے
مرشد سندھ ءچ میٹرک ءچ سرائیکی اختیاری دا مضمون منظوراے 3سالاں توں کتاباں نئیں پیاں چھپدیاں
ڈوجھا سرائیکی انٹرنیشنل تےگلوبل لئیگوئج بنڑاواونڑ ءچ تہاڈی عملی سپورٹ دی ضرورت اے
اگر تساں سمیت ہرسرائیکی شاعرادیب دانشورسٹوڈنٹ ٹیچر سمیت ہرسرائیکی میل فی میل سرائیکی وکیپیڈیا تےاکاؤنٹ بنڑاتے سرائیکی ءچ تحریراں لکھن تاں سرائیکی زبان کوں بہوں جلدی یواین اوتےگلوبل لئیگوئج دا سٹیٹس مل سکدے
ایں کم ءچ سکول کالج یونیورسٹی دےسٹوڈنٹس تےاوندےاساتذہ ایں کم ءچ مرکزی کردار ادا کرسکدن
تے سارے سرائیکی کم تاں کریسن اگرتساں ایہو پیغام اپنڑے منہ نال ڈئیو چا
وسدے رھوشالا
ساڈا عشق سرائیکستان..
سرائیکی وکی پیڈیا دے مرکزی رہنما ملک مشتاق احمد دا سنیہا سرائیکی اڳواݨ نذیر لغاری دے نان٘ویں
سئیں لغاری صہب
تساں مہان تساڈا کم وی مہان اے تساں اوں ویلھے سرائیکی دا جھنڈا چاتا ہا جڈاں سرائیکی دا ناں گھنڑ تاں ہک پاسے سرائیکی دا ناں گھننڑ الے نال دعاسلام کنوں وی لوک ڈردے ہن کیوں جو اوں ویلھے سرائیکی سرائیکی کرنڑ تےاونہاں نال تعلق تے لوکیں کوں عبرت دانشان بنڑا ڈتا وینداہا
اج سرائیکی قوم تہاڈے پورھیئے داکھٹیا کھمدی پئی اے
مرشد سندھ ءچ میٹرک ءچ سرائیکی اختیاری دا مضمون منظوراے 3سالاں توں کتاباں نئیں پیاں چھپدیاں
ڈوجھا سرائیکی انٹرنیشنل تےگلوبل لئیگوئج بنڑاواونڑ ءچ تہاڈی عملی سپورٹ دی ضرورت اے
اگر تساں سمیت ہرسرائیکی شاعرادیب دانشورسٹوڈنٹ ٹیچر سمیت ہرسرائیکی میل فی میل سرائیکی وکیپیڈیا تےاکاؤنٹ بنڑاتے سرائیکی ءچ تحریراں لکھن تاں سرائیکی زبان کوں بہوں جلدی یواین اوتےگلوبل لئیگوئج دا سٹیٹس مل سکدے
ایں کم ءچ سکول کالج یونیورسٹی دےسٹوڈنٹس تےاوندےاساتذہ ایں کم ءچ مرکزی کردار ادا کرسکدن
تے سارے سرائیکی کم تاں کریسن اگرتساں ایہو پیغام اپنڑے منہ نال ڈئیو چا
وسدے رھوشالا
ساڈا عشق سرائیکستان