مختار دستی

اصل ناں      مختار احمد

قلمی ناں      مختیا ر دستی

جمن           1967ء  

تعلیم           بی اے

پیشہ            ملازمت محکمہ صحت

فون نمبر         03366488289

جاہ پتہ          شاہ صدر دین(ڈیرہ غازیخان)

(1)غزل

گنگیاں دھائیں ہیں گم تھی ویسوں

رُلدیاں شئیں ہیں گم تھی ویسوں

کتھ رہ ویندین سوچاں ساڈیاں

آپ کتھئیں ہیں گم تھی ویسوں

اساں رُل گئی سِتر دے سانول

رُلدے سئیںہیں گم تھی ویسوں

اپنے سر تے اپنے ہتھ دیاں

چھدریاں چھائیں ہیں گم تھی ویسوں

اساں پیار دے عرش دے کولوں

دور دعائیں ہیں گم تھی ویسوں

کہیں دا کئی اقرار تاں نسے

صرف صدائیں ہیں گم تھی ویسوں

رُلدے ہر مختیارؔ دیاں اساں

مردیاں مائیں ہیں گم تھی ویسوں