محمد جمن (ڳائیک)

وکیپیڈیا توں

اُستاد محمد جمن (اردو: محمد جمن (گلوکار)) (ڄَمَّݨ دی تَرِیخ: ١٠ اکتوبر ١٩٣٥ء – فوت تِھیوݨ دی تَرِیخ: ٢٤ جنوری ١٩٩٠ء) پاکستان نال تعلّق رکھݨ آلے مہان٘درے کلاسیکی اَتے لوک ڳائیک ہَن۔

حیاتی دا احوال[لکھو | ماخذ وچ تبدیلی کرو]

اُستاد محمد جمن ١٠ اکتوبر ١٩٣٥ء کُوں سوڑھ، بلوچستان، برطانوی ہند (موجودہ پاکستان) وِچ ڄَمّے ہَن۔ اِنّھاں دے پِیؤ زمین٘دار ہَن ڄاں جو موسیقی دا شون٘ق رکھین٘دے ہَن۔ محمد جمن دے نانا وی سارندہ اَتے طن٘بورہ وڄاوݨ اُتے مہان٘در رکھین٘دے ہَن۔ اِیں ماحول وِچ محمد جمن کوں وی موسیقی دا شون٘ق ہووݨ فطری ہئی تہُوں اُوہ اِیہ ساز وی وڄاوݨ لڳّے اَتے ڳاوݨ وی لڳّے۔[١]

قیامِ پاکستان دے بعد محمد جمن ریڈیو پاکستان نال ڄُڑ ڳئے اَتے پہلاں کراچی اَتے وَل حیدر آباد ٹیشن تُوں اپݨی ڳائیکی دا جادو جڳاوݨ لڳّے۔ ریڈیو پاکستان حیدر آباد ٹیشن نال ڄُڑݨ دے زمانے وِچ اِنّھاں کوں موسیقی ترتیب ݙیوݨ دا وی موقع مِلّیا۔ محمد جمن دے شگِرداں وِچ روبینہ قریشی، زیبُ النساء، زرینہ بلوچ اَتے اُستاد محمد یوسف دے ناں اُتّے اُتّے ہِن۔[١]

اعزازات[لکھو | ماخذ وچ تبدیلی کرو]

حکومتِ پاکستان نے اُستاد محمد جمن دی فنّی خدمتاں دے اعتراف دے طور تے اِنّھاں کُوں ٢٣ مارچ ١٩٨٠ء کُوں صدارتی تمغائے حسنِ کارکردگی ݙِتّا۔[١]

وفات[لکھو | ماخذ وچ تبدیلی کرو]

اُستاد محمد جمن ٢٣ جنوری، ١٩٩٠ء کُوں کراچی، پاکستان وِچ فوت تِھی ڳئے۔[١]

حوالہ جات[لکھو | ماخذ وچ تبدیلی کرو]

  1. ١.٠ ١.١ ١.٢ ١.٣ پاکستان کرونیکل: عقیل عباس جعفری، ص 663، ورثہ / فضلی سنز، کراچی، 2010ء