محمد امیر مجروح
شیخ محمد امیر مجروح 1917ء وچ ڈیرہ اسماعیل خان دے موضع شیرو کہنہ وچ پیدا تھئے۔ 1937ء وچ شاعری دا آغاز کیتا۔ قصہ ہیر رانجھا ‘ شاہ بہرام ‘ لیلیٰ مجنوں‘ سسی پنوں لکھیئے۔ ایں توں علاوہ آپ غزلاں ‘ ݙوہڑے ‘ گیت ‘ نظماں تے کافیاں وی لکھین۔ مجروح سئیں ڈیرہ اسماعیل خان دے ہک نمائندہ بزرگ شاعر ہن۔ آپ کوں ڈیرہ اسماعیل خان دے بے شمار شعراء دا کلام یاد اے۔ دامان دے علاقے دا اے شاعر زبان و بیان دیاں ساریاں وݙائیاں رکھدے۔
کافی
ٹھڳ بازی کر ڳے خان پُنل
قسمت بھیڑی رولم تھل
ہجر فراق دے ڳل پائے قضیئے
سڄݨاں بھیڄے نہ سکھ دے سنیہئے
لکھڑے لیکھ متھے دے ڈھیئے
متراں دیاں ݙتیاں سختیاں ڳل
ہوت سارے کیوں دشمن بݨ ڳے
عزت اپݨی سٹ کیندے کن ڳے
پنوں ݙیکھاں کیڑھی ڳݨ ڳے
متاں راہ رُلدی دو آوے ول
ہیے مجروح ارداس غماں دی
سڄݨاں کوں کیوں ترس نی آندی
ٻہوں گزری ہے تھولی راہندی
غافل نہ بݨ واڳاں جھل
ڈیرہ اسماعیل خان وچ ایں ویلے جیڑھے شعراء روایتی انداز دی شاعری کریندے پن انھاں دے ناں اے ہن۔
(1) شاہ نواز فخری سکنہ کنڈی عمر خان
(2) غلام عباس شاہ سکنہ ممریز شریف
(3) گل خان عطائی موضع گرہ خان تحصیل کلاچی
(4) شفیع اللہ شفیع سکنہ پوٹہ موسیٰ خان ڳنڈہ پور
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان
اصل ناں محمد امیر
تخلص مجروحؔ
جٖمنْ 1930ء
وفات 1995ء
شیخ محمد امیر مجروحؔ ڈیرہ اسماعیل خان دے مہاندرے شاعر ہن ۔انہاں اپنْی شاعری وچ سادہ الفاظ تے ٹھیٹھ زبان استعمال کیتی ہے۔
آپ دی ہک غزل دے شعر ڈٖیکھو!
[لکھو | ماخذ وچ تبدیلی کرو]؎تصور دیوچ نت سوچیندا ریہاں میں
فلک تونْیں پینگھاں اڈٖیندا ریہاں میں
میں کئی بھرڑا وٹاں ؟ بھُرنْ نال بھُرساں
کہ روہاں توں نہراں وہیندا ریہا ں میں
؎اے میڈٖے دل کوں گوارا کائنی
جو تیڈٖا تھی کے تے بٖئے توں منگاں
٭٭٭