مالدیپ وِچ زنانیاں
مالدیب وِچ زنانیاں (اردو: مالدیپ کی خواتین) (انگریزی: Women in the Maldives)۔ روائتی طور تے وݙّا مقام رکھین٘دیاں آن٘دیاں ہِن[١] جیویں جو اِیں ڳالھ تُوں ظاہر ہِے جو اِتّھاں چار سلطانائیں رہ چُکّیاں ہِن۔ بھان٘ویں جو زیادہ تر مالدیپ دے زنانیاں / تِریمتِیں حجاپ پین٘دیاں آئیاں ہِن۔ جاں جو اُوہ سختی نال معاشرے تُوں کٹّیاں ہوئیاں کائے نِھیں۔ عوامی جائیں اُتّے زنانیاں کِیتے خصوصی نشستاں محفوظ کِیتیاں ڳئیاں ہِن، جیویں جو اسٹیڈیم اَتے مَسِیتاں۔ تاہم اُوہ زنانیاں جیڑھیاں اِیہ حجاب نئیں پاوݨاں چاہن٘دیاں کافی سماج وِچ اپݨے اِی ٹَٻَّر اَتے عوام دی طرفُوں کَھلّے ٻُڄّے دا شکار تِھین٘دیاں ہِن۔[١][٢] شادی دے بعد زنانیاں اپݨے پئیاں دے ناواں کوں نئیں اپنین٘دیاں جاں جو اپݨے شادی تُوں پہلاں آلے ناں کُوں برقرار رکھین٘دیاں ہِن۔ جَذیت دی وراثت وِچ مرد اَتے زنانیاں ݙُون٘ہائیں دا حِصّہ ہون٘دا ہِے۔
مالدیپ وِچ زنانیاں کُوں سڑکاں اُتّے اَنجو اَنج نان٘واں نال سَݙّݨ اَتے اُنّھاں دے نال جنسی ہراسانی ہِک اہم مسئلہ ہِے جین٘دے نال مالدیپی اَتے غیر مالدیپی زنانیاں ݙُون٘ہائیں متأثر تِھین٘دیاں ہِن۔ زنانیاں دا ہِک عام احساس ہِے جو اُنّھاں دے نال روز ݙیہاڑے ہَتھ کِھڑان٘د کِتیی وین٘دی ہِے۔ اِیں مُلخ دی ٩٦ فیصد زنانیاں نے اِطّلاع ݙِتّی ہِے جو اُنّھاں کُوں حیاتی دے کہِیں نہ کہِیں موڑ اُتّے ہَتھ کِھڑان٘د دے مرحلے تُوں لھنگھݨاں پِیا۔ اِنّھاں وِچُوں وِی ٦٠ فیصد نے اِیہ ہراسانی ١٦ ورھیاں دی عمر تُوں پہلاں محسوس کِیتی اَتےء ٤٠ فیصد نے تاں اِیہ ݙُکھ ݙیوݨ آلا تجربہ ١٠ ورھیاں دی عمر تُوں پہلاں اِی محسوس کِیتا ہئی۔ [٣]
مالدیپ وِچ ذالیں دی ودھ ڳِنتری جائز ہِے، تاہم اِین٘دے اُتّے ٻہوں گھٹ اِی عمل کِیتا وین٘دا ہِے۔ مالدیپ وِچ قحبہ گری غیر قنونی ہِے۔ ہم جنسیّت وی غیر قنُونی ہِے۔
مالدیپ دے سماج وِچ زنانیاں ہمیشاں ہِک اہم کردار نبھین٘دیاں آئیاں ہِن۔ مالدیپ دی ابتدائی تاریخ وِچ اِیہ خلافِ معمول ناں ہئی جو کوئی زنانی سلطانہ یا تِریمت فرماں روا بݨے اَتے اِیہ وی دعویٰ کِیتا ڳیا ہِے جو کݙان٘ہِیں اِتّھاں وی ٹَٻَّراں وِچ زنانیاں کُوں سرداری حاصل ہئی۔