ماء ٻولی دی جڳ ݙیہاڑ

ماء ٻولی دی جڳ ݙیہاڑ ہر سال 21 فروری کوں سرائیکی وسیب سمیت پوری دنیا وچ منائی ویندی ہے۔ یونیسکو نے ایہ فیصلہ 17 نومبر 1999ء کوں گھدا۔ یو این دی جنرل اسمبلی نے سال 2008ء کوں زباناں دا عالمی سال قرار ݙتا ہئی۔

اے ݙینہہ فروری 2000ء دے بعد توں ہر سال منایا ویندے۔ ایہ ݙینہہ 1952ء دی 21 فروری دی وجہ نال چݨا ڳیا ہے، جیں ݙینہہ ڈھاکہ یونیورسٹی، جگن ناتھ یونیورسٹی تے ڈھاکہ میڈیکل کالج دے طلبہ پاکستان وچ اردو دے نال بنگالی کوں وی قومی زبان بݨاوݨ کیتے احتجاج کریندے پئے ہن۔ پولیس نے گولی چلا کے انہاں کوں ڈھاکہ (بنگلہ دیش) وچ مار ݙتا ہئی۔ اتھاں انہاں دی یادگار اچ ہک مانومنٹ وی بݨایا ڳیا اے۔