لو یو مرشد

لو یو مرشد... کانفرنس والے ڈیہنہ اسلم خان گورمانی سئیں دی طبیعت کافی خراب ہئی.. اساکوں پتہ لگے تاں فون کیتے کہ مرشد تساں نہ آسو تاں مونجھے تھیسوں لیکن تواڈی صحت تے تندرستی اہم ھ. ول میل بنڑدے رہ ویسن. آکھنڑ لگے کہ شام تھی گئی اے میں ہُنڑ تک مسلسل گولیاں کھندا پیاں تے انجکشن لویندا پیاں تھوڑی جہی وی طبیعت ٹھیک تھیندی اے تاں میں نکل آنداں. اساں بار بار آکھے مرشد ہُنڑ بہوں دیر تھی گئی اے 8 وجدے پن کانفرنس شروع تھیون آلی اے تساں ریسٹ کرو. ول اچانک رات دا 12 وجے دے قریب سٹیج توں میڈی نظر پئی اے تاں ڈٹھے کہ گورمانی سئیں سامنے تشریف گھدی آندن. یقین منو او ویلھا میں ساری زندگی نہیں بھل سگدا کمٹمنٹ اور محبت دی انتہا ہئی کہ او ملتان توں ہیں حالت اچ سفر کرکے کانفرنس اچ شامل تھین اور آندے ہی آکھے نیں یار سوجھل دے پروگرام دی بجائے بسترے تے سُتا راہون سزا ہی تھی سگدی اے بیا کجھ نہیں.

گورمانی سئیں اساڈا اثاثہ ہن. سرائیکی ادب دی ترویج سانگھے ہُنیں دیاں خدمات لازوال ہن. سدا وسدے رہین سکھ سلامتی ہووے.عثمان کریم بھٹہ، अ्समान करीम भृटा