لبنیٰ آغا

لبنیٰ آغا (اردو: لبنی آغا) (ڄَمَّݨ دی تَرِیخ: ٢ مئی ١٩٤٩ء – فوت تِھیوݨ دی تَرِیخ: ٦ مئی ٢٠١٢ء)۔ اُوہ ہِک پاکستانی نژاد امریکی فنکارہ ہَن جیڑھی میسا چوسٹس بروکلین وِچ رہن٘دی ہئی۔

کَم کار دی حیاتی

اُوہ بنیادی طور تے کینوس اَتے لَکِّڑ اُتے پینٹ کرین٘دی ہئی، جین٘دے وِچ پینٹ پکسلز اَتے نامیاتی شکلاں دی ہِک اَݨ ڳِݨت ڳِنتری دا اطلاق تِھین٘دا ہِے جیڑھا موزایک ٹائلنگ، پیچیدہ نقش و نگار اَتے زینت دی دھاتڑ دا کَم تیّار کرین٘دا ہِے۔ اِنّھاں دے کَم کُوں پاکستان اَتے امریکہ توں انج برطانیہ، جاپان، اردن اَتے سوئٹزر لینڈ دے فنون دے میوزیم اَتے گیلریاں وِچ ݙِکھایا ڳیا ہِے۔ اِنّھاں دے فن پارے برطانیہ دے بریڈ فورڈ میوزیم، نیشنل کونسل آف آرٹس، پاکستان، اَتے اردن وِچ آرڈین نیشنل گیلری، فائن آرٹس کے مستقل ذخیریاں دا حِصّہ ہِن۔ کراچی سکول آف آرٹس نے اِنّھاں دے ناں تُوں ہِک آرٹ گیلری کُوں وقف کِیتا ہِے۔ لبنیٰ آغا آرٹ گیلری دی ڳَنڈھ کُھلائی دی تقریب مارچ، ٢٠١٦ء وِچ اِنّھاں دے کَم دی نمائش اَتے یادگار لیکچر دے نال کِیتا ڳیا۔ اِنّھاں دے فن دے بارے وِچ مارسلہ نسموم سرہندی دی ہِک کتاب "لبنیٰ آغا: پوائنٹس آف ریفرنس" دے مُکھ نال ٢٠٠٧ء وِچ فاؤنڈیشن آف میوزیم آف ماڈرن آرٹ، پاکستان نے جاری کِیتی ہئی۔

وفات

لبنیٰ آغا ٦ مئی ٢٠١٢ء کُوں ایم اے بروکلئین، ایم اے وِچ اپݨے گھر وِچ پِتّے دے کینسر دی اوکھاں دے پارُوں فوت تِھی ڳئی۔

فن پاریاں دے وکھرے نمائشاں

• 2016 ڳنڈھ کُھلائی دی تقریب: لبنیٰ آغا آرٹ گیلری، کراچی اسکول آف آرٹس، کراچی، پاکستان
• 2007 انٹرنیشنل ویژن گیلری، واشنگٹن ڈی سی
• 2001 چاکندی گیلری، کراچی، پاکستان
• 1996 چاکندی گیلری، کراچی، پاکستان
• 1991 ہیموٹز سلیمان گیلری، سیکرمینٹو، کیلیفورنیا
• 1987 انڈس گیلری، کراچی، پاکستان
• 1985 جورووچ گیلری، سیکرمینٹو، کیلیفورنیا
• 1981 الٹا گیلریز، سیکرامنٹو، کیلیفورنیا
• 1981 اسٹورٹ / سکاٹ گیلری، فیئر اوکس، کیلیفورنیا
• 1980 انڈس گیلری، کراچی، پاکستان
• 1976 عصری آرٹ گیلری، راولپنڈی، پاکستان
• 1975 پاکستان آرٹ گیلری، لاہور، پاکستان
• 1973 انڈس گیلری، کراچی، پاکستان
• 1972 عصری آرٹ گیلری، راولپنڈی، پاکستان
• 1971 آرٹس کونسل آف پاکستان، کراچی، پاکستان
• 1969 پاکستان امریکن کلچرل سنٹر، کراچی، پاکستان