قیصر انور

قیصر انور سرائیکی دانشور تے شاعر ہے۔

ڄم پل

دیرہ اسماعیل خان وچ ڄمے۔

تعلیم

ایم اے مطالعہ پاکستان تے پی ایچ ڈی ایجوکیشن

نمونہ کلام

نعت

مدینہ مدینہ کریندا ودا ہاں

میں خضرا دا گنبد تکیندا ودا ہاں

گناہ گار، ناچیز، بندہ خدا داں

میں مدنی دے قصے سُݨیندا ودا ہاں

بہوں سوہݨے سوہݨے مدینے دے منظر

اے منظر کݙاں دے ڳُلیندا ودا ہاں

خدا دے نبی دے میں رستے دا راہی

قدم اوندی راہ تے رکھیندا ودا ہاں

میکوں آقا اپݨے مدینے دو سݙیا

اڄاں توڑیں خوشیاں منیندا ودا ہاں

ہے قیصر مدینے دے والی دا نوکر

میں اے چاکری نت کریندا ودا ہاں

قیصر انور

نعت

انج اکھیں کوں بھاون مدینے دیاں ڳلیاں

تے نِت۔ یاد آون مدینے دیاں۔ ڳلیاں

میں ݙین٘ہ رات راہنداں مدینے دی تانگ اچ

خیالاں اچ راہون مدینے دیاں۔ ڳلیاں

خدا ہر بشر کوں جو طیبہ دو نیوے

تے آقا ݙکھاون مدینے دیا ں ڳلیاں

ہے دنیا دی وسوں تے دھرتی دا ڳاہݨاں

سدا جگ تے چمکن مدینے دیاں ڳلیاں

چَوان٘ہ پاسے آقا دا درشن ہی درشن

چوان٘ہ پاسوں ݙسدن مدینے دیاں ڳلیاں

ایں ابھرا ہے مکے دے وچ چندر قیصر

تھیاں سجھ تو روشن مدینے دیاں ڳلیاں

نعت

نعت رسول مقبول صلی اللہ علیہ وآلہ وسلم

اے خدا نعت میں آکھن دا قرینہ منگداں

سوہنڑے مدنی تے دروداں دا خزینہ منگداں

میں گنہگار ہاں رحمت دا طلب گار وی ہاں

ساوے روضے دی میں جالی دا نگینہ منگداں

سئیں دے روزے تے پڑھاں صلی علیٰ ہر ویلے

میݙا خالق تیݙے در توں میں مدینہ منگداں

کملی والے دی شفاعت دا سہار ا سب کوں۔

ہِن جو طوفان چُدھاروں میں سفینہ منگداں

جیندے اندر تیݙی یکتائی دے انوار ہوون۔۔

میݙا مولا میں منور اوہو سینہ منگداں

میݙے سینے اُتے زائر سبھی ٹردے آوِن

یا نبی مسجد نبوی دا میں زینہ منگداں...

قیصر انور