قومی شعور

جتھاں جمہوریت ہوندی ء اُندی پہلی نشانی ایہا ء جو ریاست نہ صرف اپݨےشہریاں دے حقوق بشمول قومی مذہبی ثقافتی سماجی معاشی حقوق دا تحفظ کریندی ء ڄیہڑا جو پاکستان ءچ ہتھوں کم پُٹھا ء اتھاں ریاست دا اپݨے شہریاں کوں ایہو آکھݨ ء جو سئیں دفع کرو سرائیکی سرائیکی ۔۔۔۔ دنیا داری تے دنیا دے معاملات چھوڑو تے آخرت دی فکر کرو ۔۔۔ گھر توں مسیت تے مسیت توں گھر دا رستہ گھنو ۔۔۔ ایہا سرائیکیاں دی سنڄاݨ تے قومی شعور ء آپ بھانویں کاروبار کرن حکومتاں چلاون سیاستاں کرن پر مُلاں اساڈے دیخے ۔۔۔۔ٻئے پاسوں پوری دنیا ءچ قومی شعور دا ودھارا قوماں دی ترقی دا راز انہاں دے قومی سُنجاݨ ءچ ء ۔۔۔۔ اج دنیا دی ہر قوم دا بندہ ہر ملک دا بندہ اپݨی تل وطنی سُنڄاݨ نال اپݨے گیتاں نال کافیاں نال ٻولی نال ویس وٹارے نال وسیبی ٹور ٹپے نال سُنڄاݨاں ویندے ۔کینیڈا او جمہوری ملک ء جتھاں اپݨے شہریاں دے نال نال بھل ڄیہڑے ابادکار مہاجر ہن تے بھانویں غیر قانونی تارکین وطن ہن انھاں دے وی قومی ڈینہواراں کوں کینیڈا حکومتی سرپرستی ءچ گھن تے انسانت دا حق ادا کیتے ۔ پنجابی زبان کینیڈا دی تریجھی سب توں زیادہ بولݨ آلی قومی زبان تھی گئی ، اڄ سندھی اجرک ڈے نے سندھ دی ثقافت کوں زندہ رکھے جو اج پوری دنیا سندھ دی اجرک سندھی کلچرل ڈے منایا ویندے ۔۔۔کینیڈا سندھیاں دی قومی سُنجاݨ کو اپݨی سُنڄاݨ سمجھے ۔ پوری دنیا ءچ کئی ممالک ءچ بلوچی تے پشتو ڈے وی منیا ویندے ۔۔۔۔۔ کینیڈا نے سرکاری سطح تے سرائیکی زبان کوں پنجابی توں انج زبان تسلیم کیتا ہویا ء جیندی مثال انہاندے سرکاری ویزا فارم ءچ سرائیکی زبان دا خانہ انڄ ء ۔ پوری دنیا دی قوماں اپݨی اپݨی قومی سُنڄاݨ زبان تے ثقافت نال سُنڄاݨے ویندن بھانویں او جتھ ونڄ وسن۔پر ہک سرائیکی او ہن جنہاں کوں خود انہاں دی اپݨی ریاست تے حکومتاں انہاں کوں سرائیکی منݨ کیتے تیار کوئی نئیں ۔۔۔بھانویں جو اساڈی سرائیکی شناخت تے سیاسی سوال دے نال تے سرائیکی صوبے دی قومی تحریکاں پچھلے چالہیہ سالاں توں سڑکاں تے ہن۔۔ اساں خود کوں سرائیکی آکھوں تاں آکھدن جو اے کی ہوندا ء اسی سب مسلمان تے پاکستانی ہیں ،۔۔۔۔تے خیر نال ہُݨ جنوبی پنجابی وی بݨ ویسوں جنوبی پنجابی صوبہ نال ۔۔۔ وڑ گیا کُٹیج تے سرائیکی سُنڄاݨ ۔۔۔ عرباں دی ثقافت دی سُنڄاݨ انہاں دی مذہبی سُڄاݨ ء پر مزہب عقیدہ اساڈی روحانی سنڄاݨ ضرور ہوسی پر اساڈی ہزار وریہاں دی ثقافت اساڈی اصل سنڄاݨ ء شناخت ء ۔۔۔ سرائیکی صوبے دا سوال اساڈی سُنڄاݨ تے شناخت نال جُڑیا ہویا ء ۔۔۔۔ جیکر اساں وی اُشناک ہووں ہا تے پاکستان ءچ مذہبی عربی فارسی انگریزی شناختاں سُنڄاݨ دی بجائے اپݨی قومی سُنڄاݨ سرائیکی کو رکھوں ہا ہک ڈیہوار مناؤں ہا رلے مل تے جھمراں ُپاؤں ہا ہیٻو کھڈوں ہا ہک ٻئے کوں معاف کروں ہا نویں سنگت نال نویں رشتے گنڈھوں ہا تے اڄ امریکہ کنیڈا دبی سعودیہ جرمنی اساڈے وی قومی ڈینہوار کوں سرکاری طور مناوے ہا جیندے ءچ اساڈی قومی شناخت سُنڄاݨ دا ودھارا تھیوے ہا ۔۔۔۔۔ پر اتھاں تاں اساں ہالی اتھ جوگے نسے جو نال کچھ ءچ ٻیٹھے سندھی بلوچ پشتوں تے پنجابی کوں اے نشابر کراسڳوں جو اساں وی ہک سرائیکی قوم ہیں پنجابی سندھی بلوچ پشتون توں وکھ پاکستان دی اویں ہک پنجویں اکائی جیویں باقی چار ٻئی قوماں ہن جیکر انہاں دی قومی اکائی دی بنیاد تے ہک اپݨاں نویکلا صوبہ ء انہاں دی ترقی وستے تے اساڈا وی ہوے تان کوئی پہاڑ ناں ڈھے پوسی ۔۔۔۔ کیویں عجیب گالھ ء ۔۔۔ جو سرائیکی وسیب دے لوک جیہڑے اتھوں دے وسیندڑ ہن ہزاراں سالہان دے مقامی ہن او خود کوں سرائیکی اکھویندن تے سنڄاݨ رکھیندن سرائیکی زبان تے ثقافت دی پر ہیں علاقے ءچ ہک اقلیت پنجابی ء جیندے ناں تے صوبے دا نا رکھا پیا ویندے ۔۔۔سراعیکی اکثریت ابادی آکھدی ء جو صوبے دا ناں سرائیکی ۃوے تے اقلیت آکھدی ء جو صوبے دا ناں پنجابی ہوے ۔۔۔۔۔۔ سرائیکی دے بابے تاں اپݨی اپݨی مصلحت پاروں نویں نسل کوں کئی بئے پاسے ہکلی ودن پر اساڈا ہوکا نویں اگلی پیڑھی کوں ہے جو ہک واری تساں پاکستان اندر ٻہہ سنڄاݨ دا سیاسی سفر شروع کرو اساں ٻاہروں ٻہہ پوری دنیا کو تہاڈی حمایت ءچ کٹھا کرڈکھیسوں ۔۔۔ اج دنیا ہک کلوبائٹس تے مائکرو ملی سیکنڈ دے فاصلے تے ء ۔۔۔۔ سرکار ریاست تے دینی تے فرقے دے قومی ڈرامے سب فراڈ سامنے آویسی ہک واری اپݨے قومی سرائیکی ورثے نال اُٹھ کھڑے تھیو۔ شہزادعرفان