Jump to content

قطر وِچ زنانیاں

وکیپیڈیا توں

قطر وِچ زنانیاں / تِریمتِیں (اردو: قطر میں خواتین)، (انگریزی: Women in Qatar) دا موقف رَلّا مِلّا ہِے۔ ہِک جدید عرب دیس آلی کار اِتُّھوں دی زنانیاں کُوں کئی حق حاصل تھئے ہِن، جِنّھاں وِچ تعلیم اَتے ملازمت شامل ہِن۔ اِین٘دے تُوں اَنج دیس دی زنانیاں با ضابطہ کھیݙاں دے مقابلیاں وِچ حِصّہ وی گِھن٘دیاں ہِن۔ تاہم دیس وِچ زنانیاں اُتّے کئی حد بندیاں وی ہِن، جِنّھاں وِچُوں کُجھ صرف قطر دے نال مخصوص وِی ہِن۔

زنانیاں دے پن٘دھ اُتّے پابندی[لکھو | ماخذ وچ تبدیلی کرو]

قطر خلیج تعاون کونسل (جی سی سی) دا کَلّھا ملک رہ ڳیا ہِے جِتّھاں ہالی تئیں زنانیاں کِیتے مرد سرپرستی دے قوانین نافذ العمل ہِن اَتے پَنجھی سال تُوں گَھٹ عُمر دی زنانیاں اَتے ٻالڑیاں اپݨے مرد وݙیرے دے بغیر ٻاہْرلے دیس دا پن٘دھ نئیں کر سڳدیاں۔ اِین٘دے تُوں برعکس سعودی عرب نے جولائی ٢٠١٩ء وِچ اپݨے کول نافذ العمل اِیہو جئیں پابندی ختم کر چھوڑی ہئی اَتے اُوں نے مملکت وِچ نافذ سرپرستی اَتے تولیتی نظام تُوں متعلق قوانین وِچ واضح ترامیماں کرین٘دے ہوئے اِکویہہ سال تُوں وَدھ عُمر دے مرداں تے زنانیاں کُوں اپݨے وݙیرے دی منظوری دے بغیر وی پن٘دھ کرݨ دی اجازت ݙے ڈِتّی ہئی۔

دیس وِچ کھیݙ کھوݙ وِچ زنانیان دی حِصّہ داری[لکھو | ماخذ وچ تبدیلی کرو]

قطر وِچ کئی کھیݙاں دے مقابلے تِھین٘دے ہِن، جِنّھاں وِچ زنانیاں دے میراتھن وی شامل ہِن، جین٘دے وِچ کئی ملکی زنانیاں حِصّہ گِھن٘دیاں ہِن۔ [١]

قطری زنانیاں عالمی سطح اُتے وی کھیݙ اَتے شُغل دے مقابلیاں وِچ حِصّہ گِھن٘دیاں ہِن، قطر ہِی دی اسماء الثانی نے قطب شمالی وِچ اسکائنگ کرین٘دے ہوئے ہِک نویں تاریخ رقم کِیتی ہئی، جیڑھی کئی دیساں دے زنانیاں حالی تئیں وی نئیں کر سڳیاں۔ اسماء ملک دے فیشن شوز دا وی حِصّہ بݨ چُکّے ہِن۔ [٢]

سفارتی محاذ وِچ زنانیاں دی حِصّے داری[لکھو | ماخذ وچ تبدیلی کرو]

شیخہ علیا احمد بنت سیف الثانی ادارۂ اقوام متحدہ وِچ قطر دی مستقل نمائندہ دے طور تے لڳّے ہوئے ہِن۔ اِیہ اِیں عہدے تے لڳّݨ آلی پہلی قطر دی زنانی ہِن۔ اُوہ ہِک سفارتی ٹَٻَّر نال تعلقّ رکھین٘دے ہِن اَتے اُنّھاں نے اپݨی تعلیم قطر اَتے لندن، مملکت متحدہ وِچ مکمل کِیتی ہِے۔

ٻِیا ݙیکھو[لکھو | ماخذ وچ تبدیلی کرو]

حوالہ جات[لکھو | ماخذ وچ تبدیلی کرو]

  1. ہُنالے دی تَپِش دی پارُوں ٢٨ زنانیاں کھیݙاں وِچ شرکت کرݨ تُوں دستبردار
  2. چوݙویں فیشن شو دے وِچ ݙاہ ہزار تُوں وَدھ لوکاں شرکت کِیتی