قربان نوید خان
قربان نوید خاں میانوالی دا رہوݨ آلا سرائیکی زبان دا شاعر تے لکھاری ہے۔ ݙاہ مئی ١٩٩٧ کوں دوآبہ وچ ڄمے۔ نیازی پٹھاݨ برادری نال تعلق ہے۔
نمونہ کلام
[لکھو | ماخذ وچ تبدیلی کرو]تیݙا چہرہ چن دا ٹوٹا ہے تیݙی اکھیاں مئے دے پیالے
تیݙے چمکدے ݙند ہن ہیرے رت تیݙے ناز انداز نرالے
ھاں کڈھ گھندائیں گورے بدن اتے جڈاں پیندائیں کپڑے کالے
تیکوں ڈیکھ کے وت قربان کیویں بندہ آپ کوں آپ سنبھالے
غزل
[لکھو | ماخذ وچ تبدیلی کرو]یار کوئی کم نواں تاں نِم کیتا
پیار کیتَم گنانہہ تاں نِم کیتا
آکھ چھوڑَم جو ݙکھ مقدر ہن
اج توڑیں تیݙا ناں تاں نِم کیتا
ھا توں ہالیں وی دل دے نِہڑے ہیں
تیکوں دل توں پرہاں تاں نِم کیتا
اجے کتھے اجے تاں لوکاں دے
ھاں نوں ساڑَم دھواں تاں نِم کیتا
سیکڑاں عیب ہن مگر خود کوں
تیݙے رت ݙوں مونہاں تاں نِم کیتا
پروں پروں دا رابطہ ٹھیک اے
اس دے شاہر اچ گیاں تاں نِم کیتا
جیویں قربان میݙا تیں کیتائے
تیݙا حال اس جیہاں تاں نِم کیتا
قربان نوید خان
ݙوہڑہ
[لکھو | ماخذ وچ تبدیلی کرو]ساکوں لٹ کے کہڑی شاہی وچ جاگیر خرید کریسیں
اگے کہڑی حاجت راہ ڳئی ہے جو ظلم مزید کریسیں
جیلے ہݨ نی ملدا آخر تے کتھوں آ کے دید کریسیں
ساکوں پک ہن ساݙے مرݨ تے وی قربان توں عید کریسیں
قربان نوید خان