قانون ساز اسمبلی

قانون ساز اسمبلی

قانون ساز اسمبلی کہیں ملک دے وچ موجود صوبے یا ریاست دی او پارلیمنٹ ہوندی اے جیندے کول مرکز دی طرفوں ݙتے ہوئے اختیارات، صوبائی اسمبلی کولوں ودھ ہوندے. بھارت وچ انتظامی نظام صوبیاں دی بجائے ریاستاں تے مشتمل اے تے انہاں دیاں اسمبلیاں قانون ساز اسمبلیاں سݙیندیاں ہن. پاکستان وچ وی جزوی طور تے اے نظام موجود اے.

قانون ساز اسمبلی آزاد کشمیر

١٩٤٨ء دی پاک بھارت جنگ دے خاتمے تے اقوامِ متحدہ دی مداخلت دے بعد اے فیصلہ تھیا کہ مسئلہ کشمیر، کشمیری عوام تے سٹ ݙتا ونجے جیندا فیصلہ او خود کرن. ایں طرح پاکستان نے اپݨے زیر انتظام کشمیر کوں نیم خود مختاری ݙے کے آزاد کشمیر قانون ساز اسمبلی قائم کر ݙتی. جینکوں پاکستان دے کجھ حلقے مستقل صوبہ بݨاوݨ تے وی غور کریندے پن کیونکہ ریاست دے اندر ریاست دا نظام نقصان دہ ہے. بھارت نے وی مقبوضہ کشمیر کوں مستقل ریاست دے طور قبضے وچ رکھا ہویا اے تے ایندی متنازعہ حیثیت تسلیم نی کیتی.

گلگت بلتستان، قانون ساز اسمبلی

شمالی علاقہ جات دی عرصہ دراز کولوں خواہش دے مطابق ٢٠٠٩ء وچ پیپلز پارٹی دی حکومت نے سوہݨا قدم چاتا تے گلگت بلتستان کوں ہک نیم خودمختار صوبے دا درجہ ݙے کے اتھاں قانون ساز اسمبلی قائم کر ݙتی تے الیکشن کروا کے وزیراعلٰی تے کابینہ بݨا ݙتی تے مرکز دے نمائندے دے طور تے گورنر وی مقرر کر ݙتا جیندا اتھوں دی عوام نے خیر مقدم کیتا تے ہݨ اتھوں دی عوام دا اے وی مطالبہ اے کہ اینکوں مکمل صوبے دا درجہ ݙتا ونجے. صوبہ بݨݨ توں پہلے اے علاقہ شمالی علاقہ جات دے ناں نال مرکز دے زیرانتظام ہئی تے اتھاں پولیٹیکل ایجنٹ نظام چلیندا ہئی.