پولیٹیکل ایجنٹ
حکومت برطانیہ دے دور وچ دور دراز تے قبائلی علاقیاں دا نظام و نسق چلاوݨ واسطے مرکز دے نمائندے دے طور تے ہک شخصیت کوں سربراہ بݨا کے اوں علاقے وچ بھیڄ ݙتا ویندا ہئی. جیہڑا کہ ترقیاتی کماں توں لا کے مقامی انتظامیہ تے سارے محکمیاں تک تمام معاملات دی نگرانی کریندا ہئی تے مرکز کوں رپورٹ کریندا ہئی. پاکستان وچ جزوی طور تے اڄ وی اے نظام رائج اے. گلگت بلتستان وچ ٢٠٠٩ء وچ اے نظام ختم تھیا. جبکہ فاٹا وچ اڄ وی ایہو نظام رائج اے. جتھاں پولیٹیکل ایجنٹ، فاٹا مرکز دے نمائندے دے طور تے سارا نظام چلیندے.