قائدِ سرائیکستان، حمید اصغر شاہین

او وی ہک وقت ھا جڈاں اساں حمید اصغر شاہین سئیں دی قیادت اچ ہک فیصلہ کیتا ھئی اوں ویلھے اساں ایس کیو ایم اچ کم کریندے ھاسے بہوں پرانڑیں گال اے جو ہر وڈے شھر اچ ونج کیں صرف ڈاہ پندرہ منٹ واسطے روڈ بند کریسوں اے ھئی ایس کیو ایم دی عوام اگاہی مہم جیرھی کمیٹی بنڑی حمید اصغر شاہین صاحب دی قیادت اچ جیندے ممبرہن مجاھد جتوئی جمشید دھریجہ سیف اللہ بیقرار تیں میں اکبر ملکانڑیں پہلی میٹنگ اچ ساکوں پہلی دعوت سیف اللہ خاں مستوئی نے جیرھا اوں ویلھے فاضل پور دا چئیرمین ھا اوں ڈتی جیندی قیادت اچ اساں سویلے ونج کیں فاضل پور شھر دا مین روڈ بند کرکیں عوام کوں سرائیکی صوبے دا پیغام ڈیونڑان ھا اوں ویلھے اوائیل اچ حمید اصغر شا ہین مزاحمتی عمل بہوں کریندے ھن چنانچہ پروگرام اے بنڑیا مجاھد جتوئی تیں جمشید دھریجے تیں اوڈاھو خان پور توں اونڑاں ھانیں طئے اے تھیا سارے رات کوں فاضل پور سیف اللہ خاں مستوئی کنیں اویسو کجھ لوکیں نال مزاکرات وی تھیونڑیں ھن اساں اپڑیں میٹنگ وی کرگھنسوں حمید اصغر شاہین ترائے ڈیہنہ پہلے سیف اللہ خاں مستوئی کنیں ونج کیں مختلف لوکیں کوں ملکیں تکڑی بھا بالی ودے ھن اولوکیں کوں ہمیشہ مزاحمت واسطے تیار کریندے ھن شاہین صاحب نے انہیں تریں جیہاڑیں اچ فاضل پور اچ روڈ بند کرنڑدی پوری کھلبلی مچا ڈتی اوں میزبان سیف اللہ خاں مستوئی دی وی کافی محنت ھئی کیونکہ اواپ بہوں ایکٹیو نوجوان ھا شاہین صاحب دے ہتہیں لگے او مزید سونا بنڑگئے بحرحال ایں تریں جیہاڑیں اچ او راجنپور توں رشید خاں لنگاہ ایڈوکیٹ وی روزانہ اویندا ھا اووی شام تک استاد نذیر فیض مگی دے کٹھے پورا فاضل پور داراجنپور داپریس متحرک تھیگیا ایویں لگدا ھا پورا فاضل پور روڈ تیں اونڑ واسطے تیار تھی گئے ہنیں جیہاڑیں اتھا ئیں رہنڑ الیں ساڈیں اپڑیں وڈکیں کوں اے شاہین دا صاحب دا کم اصلو پسند کئیناں ھا انہیں وی وچ وچاوں اپڑاں کم شروع کرڈتا اوں ساڈی محنت صاف ستھری تحریک دا ناں تشدد الی تحریک جوڑ کیں تھانڑیں دے تھرو پولیس دے کپتان تک اے گال پچوا ڈتی اے شاہین صاحب اتھاں فساد گھتانونڑ چاہندے اساں وی سرائیکی ھئیں کل کلاں کوئی گھاٹا وادھا ایں تحریک نال ساڈا کوئی واسطہ نہ ھوسی چنانچہ ہک ڈیہنہ پہلے ڈیسی کپتان اے سی تھانڑیں نے رل کیں ساڈے اتیں پابندی لا ڈتی سویرے اتھاں کوئی مظاہرہ نہ تھیسی اساں وی سارے فاضل پور پج گیوسے شاہین صاحب نے حال ڈتا وڈی پریشانی تھئی فاضل پور دی پولیس مکمل انوال تھی گئی ساکوں ساڈے میزبان سیف اللہ خاں نے ٹکاونڑ بلہاونڑ کولھوں انکار کر ڈتا اوں اکھیا میں انتظامیہ پولیس کوں ناراض نئیں کرسگدا اور پولیس نے پورا اعلان کرا ڈتا اے چار بندے بہتراے اپڑیں گھریں کوں لگے ونجن اتھاں فاضل پور یاقرب وجوار یاکہیں ھوٹل الے انہیں کوں ٹکایا بلہایا اساں اونکوں ڈھک ڈیسوں جتھاں ہک ڈیہنہ پہلے شاہین نال مجمعہ بندیں دا ہونداھا ہنڑ اساں شاہین صاحب مجاھد جتوئی جمشید دھریجہ میں اکبر ملکانڑیں کلہے دےکلہے بیٹھے ھاسے ساکوں پچھدا کوئی نہ ھا لوک ساکوں پریں کنوں کھڑے ڈہدے ھن اتھائیں پنجاب ہوٹل فاضل پور چوک تیں ہک ہک اپڑیں موھاندرے کوں سڈویوسے کوئی وی نہ ایا ہر کہیں ایہو کجھ اکھیا میاں کون ڈھکییچے اخر میں اپڑیں سنگتی خلیل بھٹی کوں سڈیا او ایا اوں اکھیا کوئی ڈھکیندے بیشک ڈھکے پہلے تساں اتھائیں روٹی کھاوو اساں پنجاب ہوٹل دی چھت تیں میٹنگ کیتی میٹنگ اچ رشید لنگاہ ایڈوکیٹ خلیل بھٹی میڈے کٹھے کوٹلہ مغلاں توں عبدلواحد ملنگ تیں میڈی جیپ دا ڈرئیور عطااللہ مریدانی تیں ڈو صحافی ہک رشید خاں لنگاہ نال ھا بیامیاں صاحب فاضل پوردا غالبن نوائے وقت دابیاخبریں داھا میٹنگ اچ اے طئے تھیا سویلے ڈاہ وجے اساں روڈ بلاک کریسوں بعد اچ اساں روٹی کھادی ساڈا میزبان خلیل بھٹی بنڑیا ایندے بعد خلیل بھٹی ساکوں خفیہ جاہ تیں ساکوں اتھائیں فاضل پور اچ ٹکایا رشید خاں سویلے انونڑ دا اکھ کیں لگا گیا صحافی وی لگے گئے اوندے بعد پولیس چھتی تھی گئی ڈی ایس پی مہر اسحاق سیال وی تھانے اگیا کوئی شاہ صاحب انسپکٹر ایس ایچ او ھا اوندے بعد انہیں خلیل بھٹی کوں وی چا گھدا اتھاں ونج تیں ڈسیا اکبر خاں میڈا دوست وی ھ محسن وی ھ میں اوندی وجہ توں ٹکائے خلیل دے تھرو ایس ایچ او نال میڈی گال تئھی ایس ایچ او نے اکھیا توھاڈے اپڑیں مڑی توھاڈے خلاف ان ہنڑ ایویں کرو اساں توھاکوں راجنپور توھاکوں پجا ڈیندوں اوضلعی ہیڈکواٹر وی ھ توھاڈی گال وی چنگی سنڑیسی میں اکھیئے اتھاں کیا تھیندے اوں اکھیئے اتھاں ساکوں کپتان کھندے اوندے بعد میں فون شاہین صاحب کوں چا ڈتے شاہین صاحب دی کافی تلخی تھئی اے شاہین صاحب اے کھیئے فاضل پور کپتان دے پیو دا شھر اے کیا ول فون بند تھی گئے ول اساں سم گیوں رات کوں ڈو وجے کندھ ٹپ کیں پولیس کونڈا کھولیئے ساکوں گرفتارکیتے میں اکھیئے میڈے ڈرئیور تیں میڈے سنگتی عبد لواحد ملنگ کوں چھوڑ کیں حمید اصغر شاہین کوں مجاھد جتوئی کوں جمشید دھریجےکوں تیں میں اکبر ملکانڑیں کوں پتہ نئیں پولیس کتھاں چاگئی اے تیں کتھاں کتھاں ساری رات رولیئے نیں سویرے رشید لنگاہ اگئے کجھ وکیل اگئیںن صحافی اگئین پچھےنیں مہمان کتھاں ان پتہ لگے پولیس چاگئی اےوت پورے فاضل پور اچ جلوس نکھتے تھانڑیں دا گھراو تھئے ساکوں پولیس تھانڑیں گھن ائی اے باعزت طریقے نال چھڑا کیں پریس کلب گھن ائین پریس کانفرنس کیتی اے ساڈا پیغام کنوائے اوں کنوں وی زیادہ تھئےبیٹری لوتھئ گئی اے. (اکبر ملکاݨی، ٥ جنوری ١٩ء)

ایں لکھت دا تعلق حقیقت نال اے واقعی حمید اصغر شاہین مزاحمتی عمل دے قائل ہن تے او سرائیکستان دے قیام کیتے "چلھ دی خیرتےکل دی خیر" دے فلسفے تے کم کریندے ہن تے انہاں دامشن ہݨ وی جاری اے

سیف اللہ بے قرار سرائیکستان قومی موومنٹ