فیض احمد شاہد
اصل ناں فیض احمد
قلمی ناں فیض احمد شاہدؔ
جٖمنْ 1940ء
جاہ پتہ ڈیرہ نواب۔ احمد پور شرقیہ
فیض احمد شاہدؔ ڈیرہ نواب دے خوبصورت لبٖ و لہجے دے شاعر ہن ،اوہ اپنْے محبوب دی پر فریب کھل دا ذکر کریندے ہوئے اپنْی ہک غزل اچ فرمیندن جو اوندی کھل ہس اچ میڈٖا جیڑا بے وس تھی کے پھس گٖئے تے محبت دا روگٖ ایجھاں لگٖے جو ہُنْ رات دیاں نندراں حرام تھی گٖین ۔
آؤ ذرا ہُنْ غزل دا نمونہ ڈٖیکھو!
غزل
[لکھو | ماخذ وچ تبدیلی کرو]نندراں کھس گٖئے کھلدیں کھلدیں
کر بے وس گٖئے کھلدیں کھلدیں
دیداں دے وچ دیداں پا تے
دل وچ وس گٖئے کھلدیں کھلدیں
کوڑے وعدے کر تے کوڑا
چوری نس گٖئے کھلدیں کھلدیں
دل دی دھرتی تے ہنجواں دا
اجٖ مینہ وس گٖئے کھلدیں کھلدیں
شاہدؔ اجٖکل بھوگٖاں دیوچ
جیڑا پھس گٖئے کھلدیں کھلدیں
٭٭٭