فلسطین

ریاست فلسطین
🇵🇸
موجودہ رقبہ:	6،020 مربع کلومیٹر
کل رقبہ:	25،585.3 مربع کلومیٹر
زبان :	عربی

فلسطین دنیا دے قدیم ترین ممالک وچوں ہک ہے۔ ایہ اس علاقے دا ناں ہے جیہڑا لبنان تے مصر دے درمیان ہئی جس دے بیشتر حصے تے ہݨ اسرائیل دی ریاست قائم کیتی گئی ہے۔

یہودیاں دی طرفوں فلسطین دا استحصال

1948ء توں پہلے ایہ تمام علاقہ فلسطین سݙویندا ہئی۔ جیہڑا خلافت عثمانیہ وچ قائم رہا مگر بعد وچ انگریزاں تے فرانسیسیاں نے اس تے قبضہ کر گھدا۔ 1948ء وچ اتھوں دے بیشتر علاقے تے اسرائیلی ریاست قائم کیےی گئی۔ اس دا دار الحکومت بیت المقدس ہئی جس تے 1967ء وچ اسرائیل نے قبضہ کر گھدا۔ بیت المقدس کوں اسرائیلی یروشلم آہدے ہن تے ایہ شہر یہودیاں، مسیحیاں تے مسلماناں، تریہاں دے نزدیک مقدس ہے۔ مسلماناں دا قبلہ اول اتھائیں ہے۔ فلسطین دی آزادی دی جدوجہد بہت پراݨی ہے۔ دنیا دی ہر زبان دے ادب وچ اس تے کتاباں تخلیق تھیاں ہن۔ اردو ادب وچ وی علامہ اقبال، فیض احمد فیض ، ظفر علی خان، احمد ندیم قاسمی، احمدفراز، انتظارحسین تے نعیم صدیقی وغیرہ نے عمدہ ادب تخلیق کیتا ہے۔ اس سلسلے وچ مزید معلومات کیتے آصف فرخی دی مرتبہ دنیا زاد دا عاشق من الفلسطین نمبر تے محمد افتخار شفیع دی کتاب اردو ادب تے آزادی فلسطین ݙکھیج سڳدی ہے. چار صدیاں تک عثمانیاں دی حکمرانی دے بعد 1917ء وچ برطانیہ نے اس خطے کوں اپݨی تحویل وچ گھن گھدا تے اعلان بالفور دے ذریعہ یہودیاں کیتے ہک قومی ریاست دے قیام دا وعدہ کیتا ڳیا۔