فراق گورکھپوری

فراق گورکھپوری (پیدائش: 28 اگست 1896ء– وفات: 3 مارچ 1982ء) مصنف، ادیب، نقاد تے شاعر ہن۔ اُنہاں دا شمار ویہویں صدی دے اردو زبان دے صفِ اول دے شعراء اچ تھیندا ہئی۔ انہاں دا اصل ناں رگھو پتی سہائے ہئی۔

فراق گورکھپوری

دستخط

جدید شاعری وچ فراق دا مقام بہت بلند ہے۔ اڄ دی شاعری تے فراق دے اثر کوں باآسانی محسوس کریج سڳدے۔ بہترین شخصیت دے مالک ہن۔ حاضر جوابی وچ انہاں دا مقابلہ کرݨ والا کوئی نہ ہئی۔ بین الاقوامی ادب نال وی شغف ریہا۔ تنقید وچ رومانی تنقید دی ابتدا فراق توں تھئی۔

زندگی دے حالات

فراق پی سی ایس اور آئی سی ایس (انڈین سول سروس) کیتے منتخب تھئے ہن۔ لیکن ڳاندھی جی دی تحریک عدم تعاون دی وجہ توں استعفا ݙے ݙتا۔ جیندی پاداش اچ انھاں کوں جیل ونڄݨا پیا۔ ایندے بعد اوہ الہٰ اآباد یونیورسٹی اچ انگریزی زبان دے لیکچرر دے طور تے تعینات تھئے تے اتھاں ای انہاں نے بہت زیادہ اردو شاعری کیتی۔ جس اچ آپ دی شہر آفاق کتاب گل نغمہ وی شامل ہے۔ جینکوں ہندوستان دا اعلٰی معیار ادب، گیان پیٹھ انعام وی ملا۔ اوہ آل انڈیا ریڈیو دے پروڈیوسر وی ریہے۔

بطور ممتاز شاعر انہاں نے اردو شاعری دی اہم اصناف مثلاً غزل، نظم، رباعی تے قطعے اچ ہک منفرد شاعر ہن جنہاں نے اردو نظم دی ہک درجن توں زائد تے اردو نثر دی نصف درجن توں زائد جلداں ترتیب ݙتے تے ہندی ادبی اصناف تے متعدد جلداں تحریر کیتے، نال ہی نال انگریزی ادبی و ثقافتی موضوعات تے چار کتاباں وی لکھیاں۔

وفات

فراق دا انتقال طویل علالت دے بعد 3 مارچ 1982ء کوں 85 سال دی عمر وچ نویں دہلی اچ تھیا۔ میت الہ آباد گھنائی ڳئی جتھاں دریائے گنگا تے دریائے جمنا دے سنگم تے انہاں دی چتا کوں نذر آتش کیتا ڳیا۔

تصانیف

• گل نغمہ
• گل رعنا
• مشعل
• روح کائنات
• روپ
• شبستان
• سر غم
• بزم زندگی رنگ شاعری

اعزازات

• 1960: ساہتیہ اکیڈمی ایوارڈ
• 1968: پدم بھوشن
• 1968: سویت لینڈ نہرو ایوارڈ
• 1969: گیان پیٹھ انعام، اردو شاعری اچ پہلا گیان پیٹھ انعام
• 1981: غالب اکیڈمی ایوارڈ