فاطمہ ثریا بجیا

وکیپیڈیا توں
Jump to navigation Jump to search

فاطمہ ثریا بجیا (اردو: فاطمہ ثریا بجیا) (انگریزی: Fatima Surayya Bajia) (ڄَمَّݨ دی تَرِیخ: ١ ستمبر ١٩٣٠ء – فوت تِھیوݨ دی تَرِیخ: ١٠ فروری ٢٠١٦ء) پاکستان ٹیلی ویژن اَتے ادبی دُنیا دی مہان٘دری شخصیت ہَن جیڑھی ناول نگاری، ڈراما نگاری اَتے اردو ناولاں دے حوالے نال پِچھاݨی وین٘دی ہِن۔ اِنّھاں نے ٹیلی ویژن توں انج ریڈیو اَتے سٹیج تے وی کَم کِیتا۔ سماجی اَتے فلاحی حوالے نال وی اِنّھاں دے کَم قابلِ قدر ہِن۔ محترمہ فاطمہ ثریا بجیا دا ٹَٻَّر وی ادبی دُنیا وِچ ہِک نمایاں مقام رکھین٘دا ہِے۔   [١]

حیاتی دا احوال[لکھو | ماخذ وچ تبدیلی کرو]

فاطمہ ثریا بجیا نے رسمی سکول دی تعلیم کائے ناں گِھدّی ہئی جاں جو اُون٘دے باوجود اُنّھاں نے ادب اَتے تحریر دی دُنیا وِچ وݙّا ناں پیدا کِیتا۔ اُوہ ریڈیو، ٹی وی، سٹیج، سماجی خدمتاں دے حوالے نال ڄاݨی پِچھاݨی شخصیّت ہَن۔ لاہور اَتے اسلام آباد پی ٹی وی مرکز کِیتے اُنّھاں نے اَغاز تُوں ای لِکّھݨ دا اَغاز کر ݙِتّا ہئی۔ اپݨاں پہلا لَمّا ڈراما مہمان لِکّھیا۔ اُنّھاں نے کئی ادبی پروگراماں وِچ وی سنڳت کِیتی جِنّھاں وِچ آرائش خام  کا کل نمایاں ہِے۔ فاطمہ ثریا بجیا نے ٻالاں کِیتے وی ٻہوں سارے پروگرام کِیتے[١] اَتے زنانیاں دے حقوق دی علمبردار وی ہَن۔[٢]

ابتدائی حیاتی[لکھو | ماخذ وچ تبدیلی کرو]

اُوہ یکم ستمبر ١٩٣٠ء کُوں بھارتی ریاست حیدر آباد دے ضلع رائچور (موجودہ کرناٹک ریاست) وِچ ڄَمّی ہَن۔ ون٘ڈ دے فوراً بعد اپݨے ٹَٻَّر دے نال پاکستان آ ڳئی۔

ٹَٻَّر[لکھو | ماخذ وچ تبدیلی کرو]

اِنّھاں دے ٹَٻَّر وِچ ٻئے وی مہان٘درے شخصیّتاں ادبی دُنیا وِچ مصروفِ عمل ہِن جیویں جو بِھران٘واں وِچ احمد مقصود اَتے انور مقصود، بھیݨیں وِچ سارہ نقوی، زہرہ نگاہ اَتے زبیدہ طارق وی ٻہوں مہان٘دریاں ہِن۔

نمایاں کَم[لکھو | ماخذ وچ تبدیلی کرو]

بجیا دی مہان٘در دی وجہ اُوہ ڈرامے ہِن جیڑھے پی ٹی وی نے جاری کِیتے۔

ڈرامے[لکھو | ماخذ وچ تبدیلی کرو]

ماخوذ[لکھو | ماخذ وچ تبدیلی کرو]

تخلیق[لکھو | ماخذ وچ تبدیلی کرو]

  • انا
  • آگاہی
  • آبگینے
  • بابر
  • تاریخ و تمثیل
  • گھر ایک نگر
  • فرض ایک قرض
  • پھول رہی سرسوں
  • تصویر کائنات
  • اساوری
  • سسّی پنّوں
  • انارکلی
  • اوراق

فاطمہ ثریا بجیا نے ٻالاں کِیتے وی ٻہوں سارے پروگرام کِیتے

ایوارڈ اتے اعزازات[لکھو | ماخذ وچ تبدیلی کرو]

١٩٩٦ء وِچ اِنّھاں کُوں حکومتِ پاکستان دی طرفُوں تمغائے حسنِ کارکردگی ݙِتّا ڳیا۔ اِین٘دے تُوں انج اُنّھاں کوں کئی قومی اَتے بین الاقوامی اعزازت وی مِلّے جِنّھاں وِچ جاپان دا اعلیٰ سول ایوارڈ وی شامل ہِے۔ ٢٠١٢ء وِچ اِنّھاں کُوں صدرِ پاکستان دی طرفُوں ہلالِ امتیاز وی ݙِتّا ڳیا۔[٣]

وفات[لکھو | ماخذ وچ تبدیلی کرو]

فاطمہ ثریا بجیا ١٠ فروری ٢٠١٦ء کُوں کراچی وِچ لَمّا عرصہ بِمار رہَݨ دے بعد ٨٥ ورھیاں دی عمر وِچ فوت تِھی ڳئی۔[٤]

ٻِیا ݙیکھو[لکھو | ماخذ وچ تبدیلی کرو]

حوالہ جات[لکھو | ماخذ وچ تبدیلی کرو]

  1. ١.٠ ١.١ http://whoiswhoinkarachi.blogspot.com/2009/09/fatima-suraiya-bajia.html
  2. Fatima Surayya Bajia: Urdu novelist dies aged 85
  3. Civilian awards: Presidency issues list of 192 recipients
  4. Bajia's admirers pay tribute: 'We can say that we have lost our mother'