Jump to content

علی ظفر

وکیپیڈیا توں
علی ظفر

علی ظفر (اردو: علی ظفر) (ڄَمَّݨ دی تَرِیخ: ١٨ مئی ١٩٨٠ء) ہِک پاکستانی موسیقار، ڳائیک، ڳاوݨاں مصنّف، پینٹر، ڈائریکٹر اَتے فلم اداکار ہِن۔ اِنّھاں نے پاکستانی اداکارہ اَتے ڈائریکٹر ثمینہ پیرزادہ دی طرفُوں ہدایت کردہ فلم "شرارت" وِچ گِیت "جگنوؤں سے بھر لے آنچل" دے نال اپݨے ڳاݨے دے کَم کار دا اَغاز کِیتا۔ علی ظفر دا تعلّق شاہی مغل ٹَٻَّر نال ہِے جاں جو دُنیا بھر وِچ ڳاݨے "چھنّو" دی وجہ کن٘وں مہان٘درے تھئے اَتے اِنّھاں دی ایلبم پنڄاہ لَکھ تُوں وَدھ کاپیاں وِکیاں ہَن۔ اِنّھاں دی پہلی البم "حُقّہ پانی" ہئی۔

ابتدائی حیاتی[لکھو | ماخذ وچ تبدیلی کرو]

علی ظفر ١٨ مئی ١٩٨٠ء کُوں پاکستان دے پنجاب دے شہر لاہور وِچ ہِک اِیہو جئیں ٹَٻَّر وِچ ڄَمّے جین٘دا تعلق مغل ٹَٻَّر نال ہِے۔[١] اِنّھاں دے پِیؤ، محمد ظفر اللہ اَتے اَمّاں کنول آمین، جامعہ پنجاب وِچ پروفیسر ہَن۔ علی ظفر دے ݙُو بِھرا ہِن، زین اَتے دانیال، اِنّھاں وِچُوں ہِک ماڈل ہِے جِین٘دا مقصد وی اِیہو ہِے جو جلتی بطورِ ڳائیک اَتے اداکار حیاتی دا اَغاز کریسی۔[٢] ظفر نے ابتدائی تعلیم سی اے اے پبلک سکول تُوں حاصل کِیتی۔ اِنّھاں نے اپݨی تعلیم لاہور دے گورنمنٹ کالج یونیورسٹی اَتے نیشنل کالج آف آرٹس تُوں مکمل کِیتی۔

کَم کار آلی حیاتی[لکھو | ماخذ وچ تبدیلی کرو]

ظفر نے لاہور دے پرل کانٹینینٹل ہوٹل وِچ خاکہ فنکار دی حیثیّت نال اپݨے کَم کار دا اَغاز کِیتا اَتے وَل ٹیلی ویژن ڈرامیاں وِچ اداکاری دا اَغاز کِیتا۔ اِنّھاں نے ٹیلی ویژن اداکار دی حیثیّت نال ڈراما "کالج جینز" "کانچ کے پر" اَتے "لنڈا بازار" وِچ اداکاری دے جوہر ݙِکھائے۔[٣]

علی ظفر نے پاکستانی اداکارہ اَتے ڈائریکٹر ثمینہ پیرزادہ دی طرفُوں ٢٠٠٣ء وِچ ہدایت کردہ فلم "شرارت" وِچ گِیت "جگنوؤں سے بھر لے آنچل" ڳا تے اپݨے ڳاݨے دے کَم کار دا اَغاز کِیتا۔ اِنّھاں نے بطورِ ہدایتکار اپݨی البم "حُقہ پانی" نال کَم کار دا اَغاز کِیتا اِنّھاں دی البم دِیاں پنڄاہ لَکھ تُوں وَدھ کاپیاں وِکیاں ہَن۔

ذاتی حیاتی[لکھو | ماخذ وچ تبدیلی کرو]

علی ظفر نے شادی من٘ڳ عائشہ فضلی، جیڑھی ہندوستانی اداکار عامر خان دی ہِک دور دی رشتہ دار ہِے، نال کِیتی۔ اِیہ شادی ٢٨ جولائی ٢٠٠٩ء کُوں پاکستان دے شہر لاہور وِچ تھئی۔ اِیں جوڑے دا ٢٠١٠ء وِچ ہِک چُھوہَر[٤] اَتے ٢٠١٥ء وِچ ہِک دِھی ہِے۔[٥]

ٻاہرلے جوڑ[لکھو | ماخذ وچ تبدیلی کرو]

حوالہ جات[لکھو | ماخذ وچ تبدیلی کرو]

  1. چھوہِرِیں اپݨے تصویراں دی مصوّری کِیتے میݙے کول آن٘دیاں ہَن۔ علی ظفر دا ہندوستانی اخبار (ٹائمز آف انڈیا) کُوں ١٥ فروری ٢٠١٤ کُوں انٹرویو۔ ٢٧ فروری ٢٠٢٢ء کُوں گِھدّا ڳیا۔
  2. Usman Ghafoor (7 October 2018), "Ali Zafar’s brother Danyal poised for stardom", گلف نیوز. ٢٧ فروری ٢٠٢٢ء کُوں گِھدّا ڳیا۔
  3. https://www.thenews.com.pk/magazine/instep-today/199933-The-LSAs-begin-and-end-on-a-high-note دی چھپیل خبر تُوں ٢٧ فروری ٢٠٢٢ کُوں گِھدّا ڳیا۔
  4. https://web.archive.org/web/20100413071317/http://www.pakium.com/2010/03/09/ali-zafar-is-now-a-father ٢٧ فروری ٢٠٢٢ء کُوں گِھدّا ڳیا۔
  5. http://indianexpress.com/article/entertainment/bollywood/ali-zafar-names-newly-born-daughter-alyza/ ٢٧ فروری ٢٠٢٢ء کُوں گِھدّا ڳیا۔