عشرت لغاری

آپ دا اصل ناں شفقت حسین قلمی ناں عشرت لغاری تے ابے سئیں دا ناں غلام سروری ہے۔لغاری قوم نال تعلق رکھدن۔1959 ء کوں چوٹی زیریں دیرہ غازی خان اچ پیدا تھئے۔ مڈل تک تعلیم حاصل کیتی تے ملازمت اختیار کر گھٖدی۔سئیں سرور کربلائی (مرحوم)دی شاگردی اچ 1978ء کوں شاعری دا آغاز کیتا۔ چوٹی زیریں دیرہ غازی خان اچ رہائش پذیر ہن۔ ٻہوں چنڳے انسان تے سرائیکی ماء دھرتی نال وݙی محبت رکھدن۔

سرائیکی زبان دا ٻہوں وݙا شاعر ہے۔

نمونہ کلام

سونے کوں جے لڳدا نئیں زنگ لُوہے کوں زنگ لڳدا تاں ہے 

اَپڑاں ہووے یا اُوپرا مارے کُوئی سنگ لگدا تاں ہے

شام و سحر کہیں دے قہر سب سہہ ڳئیوں چُپ رہ ڳئیوں 

اے بی ڳال ہے رُنے نِسے ݙینبھُوں دا ݙنگ لَڳدا تاں ہے

پائل تیں گھنگرو جوڑ چا ؛ پیریں چا پاوں نچدے جلوں

پائل دے گھنگرو جوڑ چا ؛ پیریں چا پاوں نچدے جلوں 

نفرت بھرے بازار وچ نچ کے ڈکھاؤں  نچدے جلوں 

نچڑیں تاں پچھ ناں جھا ول ، بھوییں ہے بھاویں بھا ول 

لا ڈے جے لگدن ساہ ول ، سر دی نہ کر پرواہ ول 

رل گیے ہیں راہ دی دھوڑ وچ ، سنگتاں نبھاوں نچدے جلوں  

نفرت بھرے بازار وچ نچ کے ڈکھاؤں  نچدے جلوں

نفرت دے ہن وا جھولڑیں، سچ کوڑ اتھ کیا پهولڑیں

ساہ ساہ کو سک وچ رولڑیں ، رلدے کہیں کوں گولڑیں 

ہنڑ تاں انا بچدی نیں ، کیا کیا بچاؤں نچدے جلوں

نفرت بھرے بازار وچ نچ کے ڈکھاؤں  نچدے جلوں

کیں کیں دا ہنڑ اتھ غم کروں،  کھ تائیں اکھیں پرنم کروں 

زخمیں دا کیا مرہم کروں، ول آ ہنر حک بیا  کم  کروں 

پج تاں گیوں مچ میل وچ ، اپنڑی مچاؤں نچدے جلوں

نفرت بھرے بازار وچ نچ کے ڈکھاؤں  نچدے جلوں

کہیں نال کیا بر میچڑیں، کہیں دو ولا کیا ڈیکھڑیں

عشرت انا نیں وچڑیں، بے دی نیں بلڑیں سیکڑیں

بلدی دے بھالو ڈھیر ہن، اپنڑی دکھاؤں ، نچدے جلوں

نفرت بھرے بازار وچ نچ کے ڈکھاؤں  نچدے جلوں

قطعہ

ہِسے تاں اَمرت گلاس وِچ ہئیں

کُوئی مُنہ تاں لاوے ہیں آس وِچ ہئیں

جَڈاں تاں پَکی کوں پڑھ پُجانوں

اَجاں تاں کَچی کلاس وِچ ہئیں

عشرت لغاری​

یوٹیوب تے کلام

• عشرت لغاری