عبدالمجید نتکاݨی
نکا ویہلا پگلہپ ت شرارتیں دا ویہلا ہوندے واقعہ اے ہے جو ڈو بھرا نہر دی کچی پٹڑی تے کھڑے ہن تے ڈٹھے نے پرو کولو ڈو جوان ہکے سائیکل ت چڑھۓآندن وڈا بھرا چھوٹےکوں آہدے ریت دی مٹھ بھر تےانہیں ت سٹ گھت.چھوٹا بھرا امنا کر ت ریت چا گھندے پر سائیکل آلا چاچا جوان ڈیکھ گھندےت چھوٹے کوں آہدےریت نہ سٹ یار اساں تاں یار نسے اے سنڑ تے چھوٹےبھرا ریت سٹ گھتی ہے.
اےچھوٹا بھرا عبدالمجید نتکانی ہا ایں واقعےدا اتت اے ہےجو ہر کہیں دی گال من کےدل دی مرضی کرنڑ آلے ت آصف اعوان دی طرفوں "صدر ممنون" دا "آصفانہ خطاب" حاصل کرنڑ آلے ایں مولوی دی سنگت اچ اساں جھئیں نمانڑے وی پھسۓودن.
ناں دا اثر ضرور ہوندےت جیندا ناں شرر ہووے او برف دے بلاک ت وی چاہ تپا سگدے ت کڈاہیں کڈاہیں نتکانی ت شرر وی تپ ویندن پر تپدے اوں ویہلے ہن جڈاں میں چھٹی آیا ودا ہوواں ...ہیلو... میں بھڑویندا نئ انہیں کوں بلکہ صلح دے بدلے پکیاں ہویاں کچیاں سیواں میڈے ذمےہوندین تہوں اے تپدن.
نمازی پرہیزی بندے ہن ت میں اکثر ایں ڈر توں انہیں نال نئ ٹردا جو پنجے نمازاں پڑھنیاں پوسن البتہ شررآہدے نماز نتکانی دے ہتھ ت چڑھی کھڑی ہے اڈو اللہ اکبر اڈو السلام علیکم ورحمہ اللہ.
اکثر لوگ آہدن مولوی، استاد تے فوجی رنو (رن مرید) ہوندن. ستم ظریفی ڈیکھو نتکانی مولوی وی ہے استاد وی ہےت اکثر شودا کڈھڑیں دےڈر توں روٹی نئ منگدا جڈاں بیٹھک ت ونجو جتنا آکھو، رڑو پٹو جو اساں روٹی نئ کھاندے،کھادی ودے ہیں اےروٹی چا آسی ت آکھسی تہاڈے بہانے تیں میں کھا گھنساں. چاہ نال بہوں چاہ ہسی البتہ موٹر سائیکل چلاونڑ توں بہوں ڈردےپر سیکنڈ سیٹ ت بہہ ت وی ادھی ڈرائیونگ آپ کریندے "خیال کر یار اگو ٹرک ہے" "خیال نال مڑیں پچھو ٹرالا ہے" حالانکہ میں کئ دفعہ آکھۓجیندےپچھو مولوی ہووےاوکوں ٹرالا کیا آہدے؟؟ [١]