عبداللہ مگسی
پروفیسر عبد اللہ مگسی پاکستان دے صوبے سندھ دے سندھی زبان دے مشہور ادیب، پروفیسر، محقق تے مورخ ہن۔ انہں دے ڈھیر سارے ادبی تے تاریخی لیکھ تے کتاباں شائع تھئی ہن۔[١]
جم پل تے خدمتاں[لکھو | ماخذ وچ تبدیلی کرو]
پروفیسر عبد اللہ مگسی ٢٧ دسمبر، ١٩۴٧ کوں وستی گل محمد مگسی، ضلع دادو، صوبہ سندھ، پاکستان وچ پرائمری استاد دھنی بخش مگسی دے گھر وچ پیدا تھئے۔ انہں پرائمری تعلیم اپنی وستی گل محمد مگسی چوں حاصل کیتی۔ پروفیسر عبد اللہ مگسی میٹرک تے انٹرمیڈیٹ دی تعلیم شہر دادو وچ حاصل کیتی۔ انہں سندھ یونیورسٹی جامشورو کئوں ایم اے (سیاسیات) دی ڈگری حاصل کیتی۔ انہں بچپن وچ ١٩٦٠ کئوں لکھن دی شروعات کیتی۔ اے پہلوں پبلک ورکس ڈیپارٹمنٹ حکومت سندھ وچ کلرک مقرر تھئے۔ پچھے سندھ پبلک سروس کمیشن دا امتحان پاس کیتا تے لیکچرار مقرر تھئے، بعد چ پروفیسر تھئے۔ ابتدا وچ نواب شاہ کالج وچ مقرر تھئے ہن، بعد چ ڈگری کالج دادو وچ اخیر تائیں پروفیسر ہن۔ انہں دی کتاب “سندھ جی تاریخ جو جدید مطالعو” کوں وڈی اہمیت حاصل ہے۔[٢]
وفات[لکھو | ماخذ وچ تبدیلی کرو]
پروفیسر عبد اللہ مگسی پہلی اپریل، ١٩٩٣ کوں کراچی وچ انتقال کر گئے۔