عابد علی نادر

اصل ناں       عابد علی

قلمی ناں       عابد علی نادرؔ

جٖمنْ           1982ء

تعلیم          مڈل

پیشہ           مزدوری

فون نمبر        0306 5534290

جاہ پتہ         پپلاں ضلع میانوالی

غزل

واقف یا انْ جٖانْ دا چہرہ پڑھ گھندا ہے

ہر انسان انسان دا چہرہ پڑھ گھندا ہے

بُکھے رَجٖے مال کوں چھیڑو بُٖجھدا ہے

کیوں جو او حیوان دا چہرہ پڑھ گھندا ہے

اُٹھدے ہوئے طوفان یا چڑھدے بدلاں کوں

پڑھ کے کئی اسمان دا چہرہ پڑھ گھندا ہے

دھی دا ڈٖاج بنْایا کیویں پیؤ بُٖڈھڑے

ڈٖیکھ کے کئی سامان دا چہرہ پڑھ گھندا ہے

گھر اَئے توں کیا پُچھنْاں روٹی پانْی دا

بندہ خود مہمان دا چہرہ پڑھ گھندا ہے