شمالی سینٹینیل آئی لینڈ

شمالی سینٹینل جزیرہ (انگریزی: North Sentinel Island) جزائر انڈمان، خلیج بنگال وچ ہک جزیرہ ہے۔ جزیرے دے مقامی لوگ ٻاہر دی دنیا نال کہیں وی قسم دے رابطے وچ نی۔ اگر کوئی انہاں دے جزیرے تے آوݨ چاہے تاں ایہ اونکوں پرتشدد طور تے مسترد کریندن۔ ایہ لوگ جدید تہذیب توں بالکل ناواقف ہن تے اپݨے آباو اجداد دی طرح زندگی گزریندے پئے ہن۔ ایہ جزیرہ در اصل بھارت دی یونین علاقہ جزائر انڈمان و نکوبار دے ضلع جنوبی انڈمان دے تحت آندے۔ لیکن عملی طور تے بھارتی حکام نے جزیرے والیاں دی خواہش کوں تسلیم کریندے ہوئے انہاں کوں حق خودارادیت ݙے ݙتے تے اپݨا کردار دور توں نگرانی تک محدود کر ݙتے۔ اتھاں تک کہ انہاں کوں جزیرے تے غلطی نال آوݨ والے غیر لوگاں کوں قتل کرݨ دی وی کوئی سزا مقرر نی۔