خلیج بنگال

خلیج بنگال دنیا دی سب توں وݙی خلیج ہے جیہڑی بحر ہند دا شمال مشرقی حصہ ہے۔ مثلث دی شکل دی ایہ خلیج مغرب وچ بنگلہ دیش تے بھارت دی ریاست مغربی بنگال توں گھن کے تمل ناڈو تے سری لنکا، مشرق وچ برما (میانمار) تے انڈمان و نکوبار دے جزائر نال ملدی ہے۔

خلیج بنگال دا نقشہ

خلیج بنگال 2,172,000 مربع کلومیٹر تے پھیلی ہوئی ہے۔ کئی وݙے دریا ایں خلیج وچ ڈھہندن جنہاں وچ دریائے پدما، میگھنا، جمنا، ایراوتی، گوداوری، مہاندی، کرشنا تے کاویری شامل ہن۔ ایں خلیج دے کناریاں تے واقع اہم بندرگاہواں وچ چنئی، پونڈیچری، وشاکھاپٹنم، کولکتا، چٹاگانگ تے ینگون شامل ہن۔ خلیج بنگال دی اوسط گہرائی 2600 میٹر (8500 فٹ) تے زیادہ توں زیادہ گہرائی 4694 میٹر (15400 فٹ) ہے۔ خلیج دی زیادہ توں زیادہ لمبائی 2090 کلومیٹر تے چوڑائی 1610 کلومیٹر ہے۔