شبیر شرر

شبیر شرر سرائیکی شاعر ہن.

قلمی ناں      شبیر شررؔ   

جمن          1978ء   

تعلیم         بی اے

پیشہ          معلم  

فون نمبر       03414475499

جاہ پتہ        جھنجھن والی، کوٹ ادو

’’آس‘‘ تے’’ چھیکڑی سڈ ‘‘دے خالق شبیر شررؔ بنیادی طور تے غزل گو شاعر ہن ۔آپ دیاں انہاں ڈو کتاباں وچ زیادہ تر غزلاں شامل ہن ۔بلکہ ’’چھیکڑی سڈ‘‘سوائے حمد و نعت دے 76غزلاں تے مشتمل مجموعہ کلام ہے۔شبیر شررؔ اپنی غزل اچ وسیب دے جاگیر دار تے وڈ پردھان لوکاں نال قلمی جنگ کریندے نظر آندن۔آپ دے کلام اچ انہاں دا ذاتی غم تھوڑا تے وسیب واسیاں دا غم زیادہ نظر آندے۔شبیر شرردی کتاب چھیکڑی سڈدیاں غزلاں در حقیقت چھیکڑی سڈ نہیں بلکہ سڈ توں سڈ یعنی ہک مسلسل سڈ ،سنیہا تے پیغام ہے ۔جیکوں پڑھ یا سُن کے لوک ضرور ہک تاثر گھندن تے سوچن تے مجبور تھی ویندن۔

سنڄاݨ

غلام شبیر خان تحصیل کوٹ ادو دے هک دیہاتی علاقے وچ جمین. بی اے تک تعلیم گورنمنٹ کالج کوٹ ادو توں حاصل کیتی نے.استاد الشعراء سئیں شاکر مہروی مرحوم دے شاگرد هن. تے شرر تخلص هنیں.بانگ ادبی فورم دے ایگزیکٹو ممبر وی ہن

کتاباں

آس انهیں دی پہلی سرائیکی کتاب ہے جیندے وچ ݙوہڑا، غزل، کافی,. مسدس تے نظم شامل ہے.

چھیکڑی سݙ آپ دی ڈوجھی کتاب هے جو که صرف غزلیں دی کتاب هے اے ٢٠١٧ اچ چھپی هئ تے ٢٠١٨ وچ غزلیں دی تریجھی کتاب انت بانگ ادبی فورم دے پلیٹ فارم توں چھپ کے آئ ہے. ایں تو علاوہ سرائیکی شاعری دی ہک چوݨ ستریاں سطراں دے ناں نال بانگ ادبی فورم دے تعاون نال شائع کروائ نے.

ایوارڈ

سانجھ ادبی ایوارڈ تے هینڈآؤٹ ادبی ایوارڈ حاصل کر چکن۔

نمونه کلام

کجھ اشعار,

زندگانی اندھیریں گزاری میڈی

میں حواله همی هک سیاه رات دا

کل تخیل دے وچ میں تاں ٹوری رکھۓ

هکے نقطے اتے ساری کائنات کوں

ایں دنیا تو جئیں وی ونجڑے ایویں ونجڑے

صرف بدن تے چٹا لیرا, سوچ فقیرا

کیفر_کردار تئیں پهنچا کھڑے

سایه بس دیوار تئیں پهنچا کھڑے

اے سوز_محبت بیا تیڈی دوری

میں رو پونداں اکثر اے غم لکھدیں لکھدیں

ظلم کوں روکو ورنه اکثر ایویں تھیندا هے

اپنڑی جاه تے پئیں پئیں پتھر بارا تھی ویندے

اساں غربت کوں ایں باریک بینی نال پرکھیا هے

فقط روٹی دے ٹکڑیں تے اساڈا بس دھیاں ره گۓ