شبیر حسن اختر
(پیدائش یکم ستمبر ۱۹۲۸ء، وفات ۲۵ جنوری ۲۰۰۷ء)
شبیر حسن اختر نامور شاعر، محقق، یکم ستمبر ۱۹۲۸ء کوں کیفی جامپوری دے گھر جامپور وچ پیدا تھئے۔ ابتدائی تعلیم گورنمنٹ ہائی سکول جامپور توں حاصل کیتی۔ عملی زندگی دا آغاز کوآپریٹو ڈیپارٹمنٹ توں کیتا۔ بعد وچ او ملتان آ ڳئے تے بحیثیت معلم، مسلم ہائی سکول مدرس تھی ڳئے۔ انہاں آپݨی تعلیم دا سلسلہ جوڑیا بی اے اتے ایم اے کرݨ توں بعد میڈیکل دی تعلیم حاصل کر تے رجسٹرڈ ہومیو پیتھک ڈاکٹر دی سند حاصل کیتی۔ روزنامہ ’’امروز ملتان‘‘ دے ایڈیٹر رہیے۔ سرائیکی روزنامہ ’’سڄاک‘‘ پاکستان سرائیکی پارٹی دے ماہنامہ ’’سرائیکستان‘‘ نال وی وابستہ رہ ڳئے۔ مختلف اخبارات وچ کالم مضامین لکھدے رہ ڳئے۔ سلیم انسب انہاں بارے لکھدن: ’’جݙاں شبیر حسن اختر مسلم ہائی سکول وچ پڑھیندے ہن تاں اوں ویلھے ڈاکٹر انوار احمد پڑھدے ہن تے جݙاں ڈاکٹر انوار احمد صاحب با اختیار تھئے تاں ڈاکٹر انوار احمد، حق شاگردی ادا کریندے ہوئیں شبیر حسن اختر کوں بہاؤ الدین زکریا یونیورستی ملتان دے سرائیکی ریسرچ سنٹر بطور ایڈوائزر گھن آئے تے اتھاں انہاں تحقیق دے میدان وچ یادگار کم کیتا۔ شبیر حسن اختر دیاں چھپیل کتاباں وچوں ’’منزل منزل کربلا، فرید شناسی‘‘، ملتان اردو کی جنم بھومی، غیر آریائی قوموں کی لغت (ترجمہ)، جاں جو شاہ شمس دی شخصیت تے گنان (زیر طبع) سرائیکی شاعری (نظماں) دی کتاب ’’شوہ پاݨی‘‘ (زیر طبع) ہن۔ ’’ملوہیا سدا سہاگݨ (درگھی نظم) شائع تھی چکی ہے۔
حوالہ
[لکھو | ماخذ وچ تبدیلی کرو]تاریخ ۔سرائیکی زبان وادب مصنف :خالد اقبال ۔مقبول گیلانی ۔ ناشر: جھوک پبلشرز,ملتان
استاد شبیر حسن اختر ہمیشہ میݙی روح ءچ ساوا راہندے ۔۔۔۔جئیں ملتان دی کوچیاں گلیاں توں پہلی وار آشنا کیتا ۔۔۔۔۔۔ سرائیکی دھرتی دے ماݨ تے آدرش کیتے جئیں اپݨی پوری حیاتی تیاڳ ݙتی او سئیں شبیر حسن اختر ہے ۔۔۔۔ اپݨے بھاری گجدے الا ءچ جو " اݙے آ کامریڈ عبداللہ عرفان دے پُتر آ ۔۔۔۔۔۔۔ " اڄ وی کناں ءچ وڄدا کھڑے۔۔۔۔۔۔۔ سرائیکی تاریخ دا وݙا پناں ۔" شبیر حسن اختر"
۔۔شہزاد عرفان
کافی
شبیر حسن اختر سو رنگیں والا یار...........
پیا ڈُھلِک ڈُھلِک ٹُردا کوئ ڈیکھے گوٹھ بزار..
اج گھڑی سریں تے آئی مکھ ڈیکھنڑ والے ڈینہ
انہاں رستیاں تانڑیں آئے ساڈے پِچھوں ٹردے مینہ
ساڈے اگوں تھی اُڈی بھنبھیری ہک رنگ دار
شبیر حسن اختر سو رنگیں والا یار............
اج ڈاڈھی خبر بنڑی کُل شہر کوں عشق تھیا
ایہو ڈیکھنڑ شور عجب شبیر حسن گیا......
واہ دھمی دی سُرخی خود کڈھیس رات اخبار
شبیر حسن اختر سو رنگیں والا یار.............
شبیر حسن اختر بارش نال گیا................. شبیر حسن اختر دھپ چھاں دے نال رِہا....
شبیر حسن اختر نت کٹھے چیتر بہار.........
شبیر حسن اختر سو رنگیں والا یار.............
رفعت عباس