شاہ نواز فخری

اصل ناں   شاہنواز

قلمی ناں   شاہنواز فخری

جٖمنْ       1925ء

جاہ پتہ     گنڈی عمر خان ۔ڈیرہ اسماعیل خان

شاہنواز فخری ساڈٖے وسیب دے قد آور بزرگ شاعر ہن۔انہاں دے کلام اچ آس ا مید ، پیار محبت دی چاشنی ، محبوب نال گٖلے شکوے تے ارداساں ، دعاواں بے ساختگی نال ملدین۔جیڑھیاں جو انہاں دی شاعری دی دلچسپی دا باعث بندین۔

غزل

؎میڈٖے دل تے جدائی وچ پئی جیویں گزر دی ہے

سِوا رب دے خبر کہیں کوں نہیں کیویں گزر دی ہے

اوہ اپنْے حسن تے خوش ہے، میں اوندی یاد وچ خوش ہاں

سوب رب چا کریسی آساں وچ ایویں گزردی ہے

جو آ ویسیں بھلا تھیوی ،نہ آسیں زور نہیں کہیں دا

حیاتی اوکھے سوکھے وت وی لکھ تھیویں گزر دی ہے

؎ککراں کوں وی پھل لگٖ گٖئے ہن

ہُنْ تاں میڈٖی جھولی بھر چا

٭٭٭