شاہ بانو بلگرامی
شاہ بانو بِلگرامی (اردو: شاہ بانو بلگرامی) (انگریزی: Shahbano Bilgrami) (ڄَمَّݨ دا سال: ١٩٧٣ء) پاکستان نال تعلّق رکّھݨ آلی ہِک مصنف زنانی، ایڈیٹر، شاعرہ، اَتے کتاب / فلم دا جائزہ گِھنَّم آلی پاکستانی شخصیّت ہِن۔
حیاتی دا احوال[لکھو | ماخذ وچ تبدیلی کرو]
راولپنڈی، پاکستان وِچ ڄَمَّݨ آلی شاہ بانو نے اپݨی ابتدائی حیاتی کینیڈا دے کیوبیک، مونٹریال وِچ لنگھائی۔ ادب وِچ دلچسپی گِھنَّݨ دی باروں، اِنّھاں نے ہائی سکول وِچ مضمون نویسی اَتے تخلیقی تحریری مقابلیاں وِچ اِنّھاں کُوں انجو انج اِنامات نال نوازیا ڳیا۔ ١٩٩١ء وِچ، اُوہ اَتے اُنّھاں دا ٹَٻَّر اپݨے اَبائی دیس وَل ڳیا، جِتّھاں اُنّھاں نے اے لیول مکمل کِیتا۔ اِین٘دے بعد شاہ بانو نے انگلینڈ وِچ بی اے آنرز اَتے کنگز کالج لندن تُوں وِیہوِیں صدی دے ادب وِچ ایم اے کرݨ کِیتے لندن یونیورسٹی کَن رُخ کِیتا۔ اُوہ مغربی ورجینیا دے مورگن ٹاؤن وِچ ٢٠٠٢ء وِچ اپݨے پئے اَتے ݙو دِھیاں دے نال رہن٘دی ہَن۔
ادبی اَتے نصابی خدمتاں[لکھو | ماخذ وچ تبدیلی کرو]
آکسفورڈ یونیورسٹی پریس دی کراچی برانچ وِچ اپݨے اَٹھ ورھیاں دے وِچالے، اُوہ ایجوکیشن ڈویژن دی ایڈیٹر اَتے مصنف ہَن۔ اُتّھاں کَم کرین٘دے ہوئے، اُنّھاں نے ٻالاں دے اَݨ ڳِݨت درسی کتاباں لِکّھیاں اَتے اُنّھاں وِچ معاوݨت کِیتی۔
تصانیف اَتے اعزاز[لکھو | ماخذ وچ تبدیلی کرو]
١٩٩٧ء وِچ اُنّھاں دی شاعری آکسفورڈ یونیورسٹی پریس دے ذریعہ ہِک "انتھالوجی" وِچ چَھپّی ہئی۔ اِیہ پاکستانی نژاد شاعراں دے لِکّھے ہوئے شعراں دا مجموعہ ہِے۔ "خوابوں کے بغیر"، شاہ بانو دا پہلا مکمل لمائی آلا ناول، مین ایشین ادبی اِنام ٢٠٠٧ء دے لانگ لسٹ وِچ رکّھیا ڳیا ہِے۔