سیف اللہ آصف

اصل ناں سیف اللہ

قلمی ناں سیف اللہ آصفؔ

جمن 1966ء

تعلیم پرائمری

پیشہ ۔۔۔۔۔۔

فون نمبر 03327140400

جاہ پتہ پُل نوتک(کالا)ڈیرہ غازیخان

سیف اللہ آصف قصبہ کالا ضلع دیرہ غازی خان دا ہک سرائیکی شاعر ہے۔

سیف اللہ آصفؔ دامان دا شاعر ہے ، خوبصورت ڈوہڑہ لکھیندے، ڈوہڑے دے نال نال نظم ،قطعہ تے غزل وی لکھدے ۔لفظیں کوں وڈے ہنر تے سلیقہ مندی نال شعراں دے قالب اچ ڈھلیندے۔اوندی شاعری وچ دامان دی پسماندگی ،کریہہ تے تریہہ دا المیہ ، تے شاعر دے اپنے اندر دی مونجھ ملال دا نوحہ ہے۔سیف اللہ آصف ؔ دا شعری مجموعہ ’’بوچھن دے گنڈھ کنجیاں‘‘دامانی لہجے دی شاعری دا خوبصورت مجموعہ ہے ۔جیندے وچوں دامانی مٹی دی سوندھی خوشبو دی مہک آندی ہے ۔ ایہ کنجیاں سیف اللہ آصفؔ دے شعری خزانے دیاں کنجیاں ہن ،جیڑھیاں کہیں سگھڑ سیانی تریمت دے بوچھن دی گنڈھ محفوظ ہن ۔ تے اوہ ’’آپ وِلَلِّی ویڑھے ڈوہ‘‘دا موقعہ کہیں کوں نئیں ڈیندی ۔ایہ سگھڑ سیانی سیف اللہ آصفؔ دے شعراں دی رانی ہے تے خود سیف اللہ آصف ؔ اپنے شعراں دی سلطنت دا راجہ ہے۔

نمونہ کلام

اساں چیتر بہار دے _چتریے ہوئے

اساں سنگریے سنوریے _ستریے ہوئے

اساں اپڑیں اکھ تے _نتریے ہوئے

تیݙے پیریں پووݨ آئے ہاسے

اساں آپ کوں دهووݨ آئے ہاسے

ساکوں اپڑیں پیریں پووݨ ݙے

ہک وار تاں رج کے رووݨ ݙے

ساݙے کجھ ارمان تاں _مٹ پوسن

تیݙے سانول پیر نہ _بهٹ پوسن

ݙوہڑے

ݙوہڑہ

کوئی جوگی سونہاں روحیں دا ، کوئی منکے تھیوے گول آندے

کوئی ماء بولی دے باغ وچوں کوئی مٹھڑے میوے گول آندے

اومٹھڑی مُسک تے مُس پوندےاونکڑی گالھ تے رُس پوندے

او آپ نکھیڑے کر آندے ول آپ منیوے گول آندے

ݙوہڑہ

اے چندر دا واسی بھاگ وندا تیڈے بھوئیں تے پیر لُڑیندن

نہ آفکیاں تھیندین اکھیاں تو نہ کھنڈ تھئے ملخ کنڑیندن

جتھاں جوگاں نت جکڑیندیاں ہن جُٹ ہنجواں دے جُکڑیندن

اوڈوں آصف تیکوں دیراں ہن ایڈوں روح دے رے ڈتھڑیندن

ݙوہڑہ

ﺳﺎݙﮮ ٻیٹ ﺗﮯ ﻏﺮﺑﺖ ﭼﻬﺎ ڳئی ہے ﺍﺳﺎﮞ ﭘﺘݨ ﺩﯾﺎﮞ ﭼﻬﺎﻧ٘ﮩﯿﮟ ﻭﯾﭻ ݙتن

ﺍﺳﺎﮞ ﻭﺳﺪﯼ ﺟﻬﻮﮎ ﺩﮮ ﻭݨ ﻭﯾﭽﻦ ﺍﺳﺎﮞ ﭘﯿﻨﮕﮭﺎﮞ ﻻﻧ٘ﮩﯿﮟ ﻭﯾﭻ ݙﺗﻦ

ﺳﺎݙﮮ ﻣﺎﻝ ﻭﮐﺎ ڳئے ﻣﻨﮉﯾﺎﮞ ﺗﮯ ﺍﺳﺎﮞ

ﮐﺎﻧﮯ ﮐﺎﻧ٘ﮩﯿﮟ ﻭﯾﭻ ݙﺗﻦ

ﺗﻮﮞ ﺁﺻﻒ ﻭﻧﮕﺎﮞ اڄ ﮔﻬﻦ ﺁﺋﯿﮟ ﺍﺳﺎﮞ ﮐݙݨ ﺩﯾﺎﮞ ٻاﻧ٘ﮩﯿﮟ ﻭﯾﭻ ݙﺗﻦ

ﺳﺌﯿﮟ ﺳﯿﻒ ﺍﻟﻠﮧ ﺁﺻﻒ

ݙوہڑہ

تیڈے وس اچ واگاں ویلھے دیاں ساڈو واگ ولا اساں عید کروں

ڈینہ لاہنڑ تے ہے سنگریج کراہیں مہتاب اچ اساں عید کروں

اساں آتے روز ازل دے ہیں ساڈی آس پجا اساں عید کروں

آ آصف روز دیں روزیں توں ساڈی جان چھڑا اساں عید کروں

سیف اللہ آصف

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔