سہرانی

سہرانی ہک بلوچ قبیلہ ہے جیڑھا پاکستان دے مختلف صوبیاں تے علاقیاں دے علاوہ افغانستان تے ایران وچ وی آباد ہے۔ پاکستان وچ انہیں دی وݙی اکثریت سندھ، پنجاب، بلوچستان تے خیبر پختونخوا وچ پاتی ویندی ہے۔

آبادیاں:

سہرانی قبیلہ پاکستان دے علاقیاں وچ آباد ہے:

• سندھ: کندھ کوٹ، گھوٹکی، کراچی، حیدرآباد
• پنجاب: ڈیرہ غازی خان، مظفر گڑھ، ملتان، لیہ، راجن پور، اٹک
• بلوچستان: سبی
• خیبر پختونخوا: بنوں

تاریخ:

سہرانی قبیلے دی تاریخ دا پتا افغانستان تے ایران توں مِلدے۔ بلوچ قبیلے اڄ وی انہاں مُلکاں وِچ آباد ہِن۔ پِچھلے ویلیاں وِچ اے قبیلے خانہ بدوش زندگی گُزاریندے ہَن تے وَل مختلف علاقیاں وِچ آباد تھی ڳئے۔ آپݨی بہادری تے دلیری دی وجہ توں انہیں مختلف سرداریں تے حکمرانیں دی توجہ حاصل کیتی تے اُنہیں دیاں فوجاں وِچ خدمتاں انجام ݙِتیاں۔ اے وی آکھیا ویندے جو شیر شاہ سوری دے دور وِچ وی اینہہ قبیلے دا ذِکر مِلدے تے کُجھ لوک اِینکوں سورانی سہریانڑی وی آہدن۔

بلوچ روایتاں دے مطابق، رِند تے لاشار ناں دے ݙو بھراواں توں بلوچ قبیلے دا سلسلہ شروع تھیا۔ اُنہیں دے بارے وِچ مزید معلومات دستیاب کائنی۔

ڈیرہ غازی خان دے سہرانی:

ڈیرہ غازی خان وِچ جام پور روڈ دے نیڑے پُل شوریا دے نیڑے ہِک علاقہ "بستی سہرانی" دے ناں نال ڄاݨیا ویندے، جتھاں سہرانی قبیلے دے تقریباً 15000 لوک آباد ہِن۔

ناں دیاں مختلف شکلاں:

سہرانی ناں مختلف صورتاں وِچ مِلدے، جیویں سہریانڑی، سہریانی، سہرانی تے سرانی۔ انہیں وچوں سہریانڑی یا سہریانی کوں زیادہ ٹھیک سمجھیڄے۔ ویلے دے نال نال پنجاب وِچ اِینکوں نکا کر تے سرانی وی لِکھیا تے ٻولیا ویندے۔

مظفر گڑھ، ملتان تے لیہ دے سہرانی:

چوک قریشی دے سہرانیاں دے وݙے وݙیرے چار لوک ݙَسائے ویندن: فتح سہرانی، غلام حیدر سہرانی، حیدر سہرانی تے محبت سہرانی۔ اے واضح کائنی جو محبت سہرانی مَرد ہَن یا تریمت۔ اے وی واضح کائنی جو اے چارے بھرا ہَن یا اُنہیں دا کوئی ٻیا خاندانی تعلق ہا۔ چوک قریشی توں کُجھ سہرانی لیہ، کوٹ ادو، مظفر گڑھ تے ملتان وِچ وی آباد تھی ڳئے۔